Ruti 1:21 - BII BILA

²¹ Tuma ya va kɔlan-ndo, ɲɛ-ɲɛ ka va ya o ba, kɛ Mɛlɛka mingi ya nanu bala fondo fúú. Maalii Hiow-Kpaayaa-Kpow-vo tuisi ya sanga bɛndoo coo, mó dɔaw ya yɛɛvɛ. Le kɔlɔ yɛɛ niaa co yɛ ya niko veeloo aa Noemi?»

Ruti 1:21 Referans Kwoze

SƐBƐ YƆB-O 1:21

mó dimi aa: «Fondo ya hin fulaa kala nuu o ipulu ni, fondo koni ya muungunin vɛlɛ lɛŋ ni. Mɛlɛka yɔngu ni, Mɛlɛka poonda vɛlɛ ni, màá biiloo va le ndu Mɛlɛka!»

SƐBƐ YƆB-O 16:8

Fungbula o soli ya lan la co seilen ni, ɲaw nuu co kɔɔsal-la mò yaala ya.

SƐBƐ YƆB-O 13:26

A co yaman kálà-kálàn sɛvaa ya coo, má va tɛɛmbuula nila icuaambɔyalan ya handɔɔ coo.

SƐBƐ YƆB-O 10:17

A co ya ciŋilanndo tuŋ, a co hiovɔɔ laci a kɔllo tuuloo a ya tuŋ. A co vanaa nɔmaa cɔwva singafilaa le nda tuisio ya coo.

Malasi 3:5

I sɔɔnguunin niaa ikɛi le yamɛi kiolɔɔ, i keleŋanin mì kɔ tɛndal vanaa viamaa yavaa a vanaa suundɛiya seilen. I tɛndalnin vanaa mɛɛnian mɛɛniannda fondolan-nda seilen, mì tɛndal vɛlɛ vanaa kɛɛ le sala vanaa baalaa yɔngoo-a seilen. Nda koni kuunan ɲɛm vííya a ɲɛm vanlaandua piandaa ndaa vi-a coo ni. Nda kan koni yii mialla dúmbú le nda palaa ni. A nɔ isiòòn a ya le. Ya Mɛlɛka-Nɔ-Kpaayaa-Kpow-vo dimi lende ni.»

SƐBƐ YƆB-O 30:11

Le tùú Hala yɔnyɔla yoole kpaasiaa nuu mó yɔl-la-o, a nɔ lɛ maɲulu o sondo a ya le,

Ruti 1:13

mò va maa hɔ́aa kan niaa calnin cum mà fula lenin, mì la kɛɛ le calle o nɔla celen ni baa? Kɛì-kɛì bɛɛ! Mbɔ̀ la tiw lɛ ken ba le cuavaa nia. Ya mɔnɛi hiow luɛyɔɔ a niaa, kani ya-ya, ya Mɛlɛka dɔw yɛɛvɛ ni. Lelan, la muungun.»