Ruti 1:16 - BII BILA

¹⁶ Kɛ mí Ruti mulul ndu aa: «Baŋ ya le muungoo o ya lo mì faŋan nɔm kɔɔli le. Nɛɛ-nɛɛ n kɔɛ pɛ, ya bɛɛ i kɔɛ lon, nɛɛ n vanin icali-a, lon ya bɛɛ vanin icali ni, vanaa nɔmnda siŋnunnin vanaa nia, mì Hala nɔmndo siŋnun Hala nuu.

Ruti 1:16 Referans Kwoze

2Samiɛl 15:21

Kɛ mí Itai mulul masaa, mó dimi aa: «Te Mɛlɛka co yoomu, te nɔm masa, nɔm vana ni bɛndoo bɛɛ co yoomu, nɛɛ-nɛɛ n kɔɛ pɛ, i co nɔm kɔɔli! Taa vi pɛ, n vi latulu, taa cinda yɛ pɛ, mɛɛ n cinda latulu naa ŋiɔn.»

Condii lisai 45:10

Cuavaa laandua masaa co nanu, a nɔ yɔɔvala kɛndɛlan o labolo. Masa laandoo co nɔm isisi o ba kɛndɔɔ coo, ɲɛm nda toosiaa a sianion Ofir-on co ndu lekɔɔ.

Matie 8:19

Mí vana pɛɛkaa latɔŋndo pum sɔɔnguu, mó dimul ndu aa: «Kɔɔfa, ba-ba n kɔɛ pɛ, i kɔanin nɔm kɔɔli.»

Nsaŋ 13:37

Mí Piɛr ɲuna ndu aa: «Le kɔlɔ yɛɛ ya kɛɛ yɛnin tiwba nɔm kɔlan kɔɔli sunsun? Te vuo ni, i vi le nɔm.»

1Tesalonikea 1:9

Kani vannda kpow a co cɔmndo mɛɛ niaa bii naa o niaa lo lon yɛ. A co vɛlɛ cɔmndo mɛɛ niaa mulul piɔmnda kɔɔlan, mì la mulul Hala hɔlla le ndu baalaa tosallo yɛ, ndu Hala kiyɛiyo, Hala kpeekpeiyo.

Esai 14:1

«Kɛ Mɛlɛka tuinun cuavaa Yakɔb-a iɲíí, o hɛlinin vɛlɛ cuavaa Israɛlla hɛli sɛnɛi, o minginin nda o lɛŋnde ndalen nin, mialla sɔɔnguunin nda coo, a holnunnin cuavaa Yakɔb-a.

Dɛnnda kiilaa 21:13

Kɛ mó muli aa: «Le yɛɛ nɛ niaa co yɛ caŋndo mì la va ya kɔllo tɛɛmbuuo? Kani o co le ya yiiyo daama le ya co o bɛɛndianndo le, kɛ haliko mi sɔla vɛlɛ piɔ́mndo Yerusalɛm o diola Maalii Yeesu lan.»

Osee 13:4

Ya yɛ, kabi kandɔɔ o lɛŋnde Esipte len nin, ya co Mɛlɛka Hala niaa ni. La sina Hala celen o ya kɔɔli le, vana ciindiaa celen co o ya kɔɔli le.

Daniɛl 2:47

Mó dimul Daniɛl aa: «A toɲa, Hala niaa co Hala hiow halaa kpow-vo ni. Ndu co masa hiow masaa kpow-vo ni. Ndu co vana cɔɔmuu sɔɔn kɔndɔfillon-ndo ni, kani a cɔm ya dɛnɛ kɔndɔfillo ho.»

Dɛnnda cɔɔmuanndan 14:4

Nda yɔŋnun vanaa nɔɔlian a vanlaandua le-a ni, kani a síná dɛnɛ vanalanɔ le. A co kɔlan Saa téndóó kɔɔli nɛɛ-nɛɛ ka-a. Kan sɔla baŋaa vanndacieea tɛɛn ni, nda yɔŋnun vanaa tasea le hɛlio sɔlaa le Hala a le Saa téndóó ni.

Yosue 24:18

Mɛlɛka tow vanaa kan kpow naa laci ni, kɛ taama-taama Amoriaa va icali o lɛŋnde len nin-nda. Lelan, naa bɛɛ, Mɛlɛka naa n vanin baalaa tosallo ni, kani ndu co Hala naa ni.»

Daniɛl 3:29

Lelan, la yaŋ nilan nihau o sɔɛi ya co dimi-e. Niaa vannda súúlan a yungulan kpow, a vanaa soaa sɔɔn mangalan yɛ́-yɛ́ɔn-nda, vana-vana dimi pɛ diomnde vɔɔnnden a Hala Sadrak, Mesak a Abɛd-Neko-o, a sɛɛsiaanin ndu, mà pesi cɛila ndɔlan, mì la siŋnun bémbélan. Kani hala celen co mò baŋa vannda baŋa vaa nuaa le.»

Ruti 1:15

Mí Noemi dimul ndu aa: «Má cè mɛɛ caan nɔm muungu o vanaa ndɔa a o halaa ndɔa lo yɛ! Nɔm bɛɛ kɔnnun.»

Ruti 1:17

Nɛɛ n co vu-a, lon ya bɛɛ vunin ni, mà kumbu ya lon. Te o co yɛ piɔ́mndo le, te ɲɛ celen yɔŋ pɛ mi kelun nɔm kɔɔli, màá Mɛlɛka tuisí sanga hiow sangalan kpow-vo ya coo!»

Ruti 4:15

Poo ho kenin nɔm yoomuma sɛnɛi, mó hun manda nɔm o yuuvɛi nin. Kani lanɔ kaola nɔm-ndo velu ndu ni. Lanɔɔ ho co fisa le nɔm hiovɔɔ poaa nda ŋɔmmɛw coo.»

Talelan 17:17

Caan kpeekpeiyo cɔm kaolaa o dɛnndan kpow nin ni. Pɔmbɔɔ, te kon te bɛndoo ndu co vana vana ikɛi le sangalan piɔvan.

Ruti 2:6

Mí langbanɔ kon mulul ndu aa: «Cua Moabunɔ Noemi hin kɔɔli fulaa o lɛŋnde Moab len nin-ndo ni.

Sakari 8:23

Ya Mɛlɛka-Nɔ-Kpaayaa-Kpow-vo dimi ni aa: O palɛi ken nin, n'van tɔ́ o vanaa-mangalaa-isɔɔa tɛɛn, a vanin sɔɔn mangalan yɛ́-yɛ́ɔn dimio-a, lɛɛndunnin o cɔcɔn doma Yuifnɔɔ o pilɛ, mà dimul ndu aa: ‹N yeema mi n kɔɛnnun naa niaa latulu, kani n tuei maa Hala co niaa ikɛi.›»