Ruti 1:14 - BII BILA

¹⁴ Má hiiliaa vɛlɛ hiiliaa pila a caŋndo. O kon, mí Ɔrpa kɔman kala-lɛɛ ndɔ le ndu congɔnndo, mó kɔannun. Kɛ mí Ruti ndu baanun kala-lɛɛ ndɔ.

Ruti 1:14 Referans Kwoze

Talelan 18:24

Vanndo nɔ pɛ canyan sɛ́lɛ́, canyan mun tiwba mì n tuisi dɛnɛ palaa ndu coo. Kɛ caan kpeekpeiyo pum hiow lo lediom coo a bɛndoo, te kon te pɔmbɔɔ.

Matie 16:24

O kon, mí Yeesu dimul kaandeŋaa ndɔa aa: «Vana yeema pɛ le ya hunɔɔ kɔɔli, mɛɛ o pɔɛɛnun a ndu pila, mò siilun yɔm singafilaa ndɔɔ, mò del-la kɔɔli.

Matie 10:37

Vana kaola pɛ fuɲa ndɔ, te kon te kala ndɔ hiovɔɔ ya coo, mɛɛ ndu bɛnda mò va kaandennɔ ni le. Vana kaola pɛ po ndɔɔ, te kon te cua ndɔɔ hiovɔɔ ya coo, mɛɛ ndu bɛnda mò va kaandennɔ ni le.

Hebreea 10:39

Naa, n co vanaa muungu a makɔɔ le lou o ɲánndávàà le naa n co le, kɛ vanaa laalan Hala le cindaa sɔlaa-a.

Matie 19:22

Kɛ langbanɔɔ tueyɔɔ sɔɛi ken, mó kɔannun a suumaa, kani bolofaa pila ndóò nɔ ni.

Sakari 8:23

Ya Mɛlɛka-Nɔ-Kpaayaa-Kpow-vo dimi ni aa: O palɛi ken nin, n'van tɔ́ o vanaa-mangalaa-isɔɔa tɛɛn, a vanin sɔɔn mangalan yɛ́-yɛ́ɔn dimio-a, lɛɛndunnin o cɔcɔn doma Yuifnɔɔ o pilɛ, mà dimul ndu aa: ‹N yeema mi n kɔɛnnun naa niaa latulu, kani n tuei maa Hala co niaa ikɛi.›»

Esai 14:1

«Kɛ Mɛlɛka tuinun cuavaa Yakɔb-a iɲíí, o hɛlinin vɛlɛ cuavaa Israɛlla hɛli sɛnɛi, o minginin nda o lɛŋnde ndalen nin, mialla sɔɔnguunin nda coo, a holnunnin cuavaa Yakɔb-a.

Talelan 17:17

Caan kpeekpeiyo cɔm kaolaa o dɛnndan kpow nin ni. Pɔmbɔɔ, te kon te bɛndoo ndu co vana vana ikɛi le sangalan piɔvan.

1Masaa 19:20

O kon, mí Elise mɛi navaa ndɔa kan ndon, mó ɲaanun Elii kɔɔli, mó dimul ndu aa: «Mɛi-yɔ i kɔ kɔman fɔlɔn Pua nda Nde, mì congun nda. I cii pɛ i del niko nɔm kɔɔli.» Kɛ mí Elii mulul ndu aa: «Ɛ̀ɛ̀ muungun sei! Mo va maa isɔɔ ya vem nɔm tosa ni?.»

Tɔŋ miingua 10:20

La bɛnda mì la nɔ siòòŋii Mɛlɛka Hala niaa, ndu niaa bɛnda le biiloo ni, ndu kínɛí niaa bɛnda le holnɔndo ni, o diola ndɔlan daama niaa bɛnda le mɛnanndo ni.

2Timote 4:10

kani Dimas kaola ceendo ho mó faŋan ya kɔɔli, o kɔɛ Tesalonike, Kresensa kɔɛ Kalasii, Tite kɔɛ Dalmatii.

Dɛnnda kiilaa 17:34

Kɛ mí vanaa pum o nda tɛɛn a del ndu kɔɔli, má laalan ndu, nda yɔŋnun haa ni: Denis, ó va o kunda vanaa kialaa n'yamaa kobia nin-ndo, a cuaa pum diolan aa Damaris, handɔɔ vanaa celen lecoo.

O Kandɔɔ 31:28

A congun ya mí yáà kɔɔmian cuavaa nia imamaa a cuavaa nia laandua le nda congɔnndo le. A tosa bɔɔ dɛnɔɔ ho maa diɔm.

Tɔŋ miingua 4:4

Kɛ niaa lo a yiinannda sakpo a Mɛlɛka Hala niaa-a, la co hau yoomu kpow.

Ruti 1:13

mò va maa hɔ́aa kan niaa calnin cum mà fula lenin, mì la kɛɛ le calle o nɔla celen ni baa? Kɛì-kɛì bɛɛ! Mbɔ̀ la tiw lɛ ken ba le cuavaa nia. Ya mɔnɛi hiow luɛyɔɔ a niaa, kani ya-ya, ya Mɛlɛka dɔw yɛɛvɛ ni. Lelan, la muungun.»

Ruti 1:15

Mí Noemi dimul ndu aa: «Má cè mɛɛ caan nɔm muungu o vanaa ndɔa a o halaa ndɔa lo yɛ! Nɔm bɛɛ kɔnnun.»

2Samiɛl 19:39

Mí masaa dimi aa: «I tuei, n co lakɔ naa Kimham, mì kɔ bii ndu mɛɛ n yeema yɛ. Ɲɛ-ɲɛ n yeema pɛ ya o ba, nɔm dimul-la kínɛí, mì tosal nɔm kon.»

Ruti 1:7

Má can latulu nɛɛ nda va icali-a le muungoo o tàndá Yuda-o nin.

Ruti 2:11

Mí Boas mulul ndu aa: «Vannda cɔm ya ɲɛ-ɲɛ n tosal kala-lɛɛ nɔm, lɔ́ɔ́ pɔnɔ nɔm vi-o, má mal fuɲa nɔm, kala nɔm a lɛŋnde nɔmnden le hunɔɔ calle vanaa nɔm óò sina paandu le-a tɛɛn.