Ruti 1:1 - BII BILA

¹ Tuma Masaa kialaa n'yamaa va masalen tosaa o lɛŋnde Israɛl-ten coo-o, mí yima fofolan ma luɛi o lɛŋnden nin. Mí langbanɔ pilɛ can Bɛtlɛhɛm o tàndá Yuda-o nin nda laa ndɔ a poaa ndɔa ŋiɔnda, le kɔlan calle le telen pum o lɛŋnde Moab len nin.

Ruti 1:1 Referans Kwoze

O Kandɔɔ 12:10

Mí yima fofolan ma luɛi o lɛŋnde Kanaan-nden nin, o kon, mí Abram kɔa o lɛŋnde Esipte len nin le telen bingi tosaa lon. Kani fofola kon va bɔɔ o lɛŋnde Abram va icali nin-nden nin.

O Kandɔɔ 26:1

Tuma kon vɛlɛ, mí yima fofolan ma luɛi o lɛŋnde len nin, yima man maa hiow yima fofolama luɛi o paale Abraham-nden ndan. Le hee, mí Isaak kɔa Kerar o masaa Abimelɛk lo, masa Filistia pɛɛn.

Esekiɛl 14:13

«Po vanacieo sei, te lɛŋnden le pum le cua pɛ hakio a ya, mì le kɛɛ le lou o lediom coo a ya. Te i siɛndi pɛ ba nuu, mì soŋ vanaa co lenin nda, mì poondiaa ɲɛdiaa nda o ba, te i tuisi pɛ yima fofolan nda coo, mì tɛɛmbuu vanndacieea a cɔlua,

Masaa kialaa n'yamaa 17:8

Mó faŋan Bɛtlɛhɛm o tàndá Yuda-o nin le kɔlan calta celen kilaa o sumialle nɛɛ ndóò nɔlanin-nda. O lo kɔlan, mó tiiya o Mika lo, o tàndá n'pembu Efraim-ndo nin.

Tɔŋ lasálàá 26:19

I pesinin ɲɛ niaa tiindan-ndo, i kindinin halataalaa niaa coo kpoke maa icilin, mì kindi lɛŋnden maa idaɲa.

O Kandɔɔ 43:1

Yima fofolan ma va hiovɔɔ laci tuŋ o lɛŋnde Kanaan-nden nin.

Amɔs 4:6

Ya Mɛlɛka yɛ, mí tuŋ niaa ɲɛdiaa, mí la lo sondola fondo o kobila niaalan nin, mí tuisi niaa yima fofolan coo o calta niaalan kpede. Kɛ a kon kpow, la mùùngú ya o ibuŋ te. Ya Mɛlɛka soo nuaa ni.

Condii lisai 105:16

Mó tuisi yiaan o lɛŋnden coo, balo ve lɛ le.

Tɔŋ miingua 28:38

La saŋnin kullon taw o ciɛɔn nin, kɛ la kuwnin ɲɛ bɔɔ le. Kani sóónɔa ciinin mun dio.

Esekiɛl 14:21

A toɲa, nuaa Maalii o co Mɛlɛka-o dimi ni aa: «Maa lekɛ́ndɛi, i tuisinin sangala hiɔɔlula kálà-kálàlan ndan Yerusalɛm coo: cɔwvo, yima fofolan, visia biyaa a nàà n'kɔnyaa le vanndacieea a cɔlua ciiyo diwvo.

Yeremi 14:1

Sɔɛi Mɛlɛka dimul Yeremi a kpundɛ valo bɛndoo o kɔɔ-e co hee ni aa:

Condii lisai 107:34

mò mingi lɛŋnde tɔlɔɔlan la naŋ nin-nden lɛŋnde ihɛlten, te vanaa co o lɛŋnden coo-a kela pɛ kela vɔɔnndo pɛɛn.

1Masaa 18:2

Mí Elii kɔa, mó kɔ cɔmnun Akab. Telen kon, yiaan ma va Samari taw-taw.

Masaa kialaa n'yamaa 12:8

Yɛfte vuo, mí Ibsan fula Bɛtlɛhɛm-ndo siŋnun simlacinɔ Israɛlla.

2Samiɛl 21:1

O masale David len bɛngu, mí yiaan ma luɛi o lɛŋnden nin le vɔsilan tan yáá. Mí David ɲuna Mɛlɛka le sinaa a sɔɛi ken o kɔɔ, mí Mɛlɛka mulul ndu aa: «Le tùú Saul nda yungu ndɔɔ a diw Kabaɔnnda-o yiaan man ma tol niaa coo ni.»

Masaa kialaa n'yamaa 17:7

Langbanɔ felengoo pum va icali Bɛtlɛhɛm o tàndá Yuda-o nin, leviinɔɔ o va ni.

Misee 5:2

Lelan Mɛlɛka malnin vanaa ndɔa háá mì vanalanɔ bɛnda kon le violɔɔ-o velu. O kon mì puapilɛa ndɔa tɔ̀a vanin o biyɔɔ nin-nda muungu cuavaa Israɛlla tɔ̀a ikɛi.

1Dɛnnda lemasalan 2:51

Salma kelu kobio Bɛtlɛhɛm-ndo a Harɛf kelu kobio Bɛt-Kadɛr-o.

1Dɛnnda lemasalan 2:54

Poaa Salma-a yɔŋnun haa ni: Bɛtlɛhɛm, Netofatiia, vannda Aterɔt-Bɛt-Yoab, Manatiia táláá pilɔɔ, Soreatiia