Rɔmnda 9:8 - BII BILA

⁸ Kon co dimio ni maa o co cuavaa velun o falon nin-nda le a co cuavaa Hala-a le, kɛ cuavaa kpemaa co cuavaa nɔ diolan o polalen coo-a ni.

Rɔmnda 9:8 Referans Kwoze

Nsaŋ 1:13

A vilun o Hala nin mɛɛ vanacieo vialun yɛ le, te kon te mɛɛ hɛnan vanacieo co yɛ, kɛ Hala ke nda yoomu sɛnɛiyo ni.

Rɔmnda 8:14

Kani vanaa-vanaa Kɔl Hala-o co simndan laci, nda co cuavaa Hala-a ni.

Condii lisai 87:6

Mɛlɛka va pɛ vannda diolan sɛvaa, o sɛvanin le vana-vana aa: ‹Siɔn nanu ho velun ni.›

Condii lisai 22:30

Vanaa kpaayaa o lɛŋnden coo kpow a dianin mà baŋ vulan ndu o labɛngunin. Vanaa co kɔlan ciee-piɔ́m-nda kpede, a nɔla lɛ lou yoomu le-a, a baŋnin vulan ndu o labɛngunin.

O Kandɔɔ 31:15

Maa n'mial o bii naa ni, kani pisio o pisi naa ni mó dia vɔngu naa.

Tɔŋ miingua 14:1

«Cuavaa Mɛlɛka-a niaa co ni, Hala niaa pɛɛn. Lelan, la kiaŋnun vaasan lekɔɔ le, la sendin temboo o kpokpoo coo le dɛnɛ vana vílɛ́iyo le.

Matie 3:9

La yiyan te maa o tiw le diminndo o lakɔl te aa: ‹Abraham co fuɲa naa mamaa ni!› Kani, mì dimul niaa, hali o powtan-ndan, Hala nɔla mò solul Abraham cuawva.

Rɔmnda 8:16

Kɔl-Diandaa pila co seilen solio o kɔlta naalan-ndo maa cuavaa Hala-a naa n co ni.

Rɔmnda 8:19

Ɲɛm Hala cɔw-von kpede n co telen Hala hun cɔmnin biilu cuavaa ndɔa-o cumndo a yeemɛi bɛnduei.

Hebreea 11:11

Le laalan Abraham ndóò laalan Hala-o o sɔla kpaayaa le hɔ́ɔ́ violɔɔ ni. O va nin bɛɛ o yuuvɛiyo taw-taw. Sara laa ndɔ ve vɛlɛ vana vialaa le, kɛ ndóò laalan maa vana lo o lediom coo-o Hala co ni.