Rɔmnda 9:5 - BII BILA

⁵ A fuɲaa ndaa mamaa yɔŋnun vanaa bɛndua o laalanndo nin-nda, a Krista co ɲɔɔn kpow bollen-ndo fula o polale ndalen coo o falon nin-nda. Màá biiloo va le Hala le fɛɛn a fɛɛn! Amiina!

Rɔmnda 9:5 Referans Kwoze

Rɔmnda 1:25

A cii còòlan mingi o fonda toɲa Hala-o, má va ɲɛm Hala cɔw-von biiloo a mun baalaa tosallo yɔŋii nda biilu Hala cɔw ɲɔɔn kpow-vo, o biiloo co le ndu le fɛɛn a fɛɛn-ndo pɛɛn. Amiina!

1Nsaŋ 5:20

N sínà vɛlɛ maa Po Hala-o hin, mó ke naa kɔlkaloo le Hala toɲaa sinaa, o ndu nin naa n co ni, le sauma Yeesu Krista Po ndɔ-an. Ndu co Hala toɲaa a yoomu fɛɛn-fɛɛndo ni.

Nsaŋ 10:30

Naa Pua, ɲɔɔ ndu pilɛ kpé naa n co ni.»

1Timote 3:16

A toɲa, sɔɛi viannannde he i co i bɔɔ le laalan naa: Yeesu cɔmnun maa vanaciee, mí Hala Kɔl-Diandaa ke ndu di, mó cɔmnun mɛlɛkaa, mí vannda kɔ dimi sɔɛi ndɔɛi vanaa-mangalaa-isɔɔa tɛɛn, mí vannda laalan ndu o ceendo coo, mó helnun o halataala o biiloo nin.

Rɔmnda 1:3

A Po ndɔɔ o kɔɔ Yoongu kɛndɛ kon soo ni, o velun o falon nin fulaa o polale David len coo-o.

Dɛnnda cɔɔmuanndan 1:18

I co yoomu. Yáà vi, kɛ tofa vɔ, i co yoomu le fɛɛn a fɛɛn. Kiin piɔ́mndo co ya o ba, kiin ciee-piɔ́mndo pɛɛn.

Esai 11:1

O kon kɔɔli tɛiye piaŋnin o yɔm tum Yisai-yo, yɔmndo piaŋnin mò fula o dumbun ndɔn.

Dɛnnda cɔɔmuanndan 22:16

Ya Yeesu, i vim niaa mɛlɛkanɔ nuu le niaa sɔɔn mun cɔmndo kundala vanaa laalannda tɛɛn. Ya co pulun David-on ni, o polale ndɔlen coo ya fula ni, ya co loei tenga idii-ye ni.»

2Korɛntea 11:31

Hala, o co Fuɲaa Maalii naa Yeesu-o, o co vana duaa le fɛɛn a fɛɛn-ndo sínà maa i co lacòòva dimi le.

Rɔmnda 11:28

Le kɛɛ nda kɛɛ yoongu kɛndɔɔ-o, yaamɔaa Hala-a nda co ni, kon yɛ le dɛnɛ niaa kɛndɔɔ o tosan ni. Kɛ a ba hɛli Hala-o o kɔɔ, Hala kaola nda le fuɲaa ndaa mamaa.

Rɔmnda 10:12

Lelan, hiyan co Yuifia a vanaa co N'Yuifi le-a tɛɛn te. Bau nda kpede, Mɛlɛka pilɔɔ nda nɔ ni, o co vanaa co ndu veeloo-a ɲɛm ndɔn keo-vo.

Misee 5:2

Lelan Mɛlɛka malnin vanaa ndɔa háá mì vanalanɔ bɛnda kon le violɔɔ-o velu. O kon mì puapilɛa ndɔa tɔ̀a vanin o biyɔɔ nin-nda muungu cuavaa Israɛlla tɔ̀a ikɛi.

Esai 7:14

Lelan, Maalii pila co niaa tɔɔmaseloo yɔngu: la tuei-yɔ, cuaambɔ laandoo cuanin folio, mò velu hɔ́ɔ́ piaandoo, ma ke ndu diolan aa Emmanuɛl.

Condii lisai 106:48

Màá la va Mɛlɛka Hala Israɛlla balikaa mello lɔ́ɔ́-lɔ́ɔ̀! Mí vannda kpow muli aa: «Màá i tosan lende.» La lisa Mɛlɛka!

Condii lisai 103:19

Mɛlɛka co o kpɛŋɛ lemasa ndɔɔ nin o halataala, o co masalen tosaa o lɛŋnden kpow coo.

Condii lisai 72:19

Biiloo co le diola ndɔla biilaalan le fɛɛn a fɛɛn! Màá lɛŋnden kpow le piɔ a biilu ndɔɔ! Amiina! Amiina!

Condii lisai 45:6

Kɔɔn nɔmndon co n'siɛɛmbiaa siembulu-siembulu, n co vanaa súúla celennda mɛlio nɔm o labɛngunin. Kɔɔn mun co yaamɔaa masaa kɔltan buuluuo.

Condii lisai 41:13

Nɔm, a tosanin i venin vana tɛɛmbua isɔɔ le, A mandanin ya nɔm ikɛi lɔ́ɔ́-lɔ́ɔ̀.

Dɛnnda cɔɔmuanndan 22:20

Vana cɔm maa toɲaa sɔɔn mun co ni-o dimi aa: «A toɲa, i co hunɔɔ sunsun!» Amiina! Hun, Maalii Yeesu!

2Timote 2:8

Loonun a Yeesu Krista o kɔɔ, o fula o polale David len nin, mó tendul-lo, mɛɛ Yoongu Kɛndɛ ya co dimio-o co yɛ.

1Timote 6:15

Kon tosannin telen Vana Duaa, Vana hiow masalen-ndo, Masa hiow masaa kpow-vo, Vana kùndaa hiow vanaa kùndaa kpow-vo kelu-o.

1Korɛntea 14:16

Dɔw bɛɛ duaa o diola Kɔl-Diandaa, vɛ̀ɛ̀ vana co icali vannda tɛɛn-ndo muli yɛnin aa: «Amiina» te o bii ɲɛ n dimi-o bila le?

Matie 28:20

mì la pɛɛku nda ma manda sɔɔn ya dimul niaa-on kpow. I co niaa ikɛi lepalaa-lepala háá a ceendo mɛɛlulan.»

Condii lisai 89:52

Éé Mɛlɛka! Yaamɔaa nɔmnda tɛɛmbuu vana n pɔla-o bɛ̀ɛ̀lan, má sui ndu diɔmnde o nɛilan kpow coo.

1Dɛnnda lemasalan 16:36

Biiloo co le Mɛlɛka Hala Israɛlla, le fɛɛn a fɛɛn! Mí vannda kpow cɛl o lepilɔɔ aa: «Amiina! Biiloo co le ndu.»

1Masaa 1:36

Mí Benaya po Yehoyada-o mulul masaa aa: «O naŋ! Mɛlɛka, o co Hala vana ni bɛndoo-o soo sɔɔn mun ni.

Dɛnnda cɔɔmuanndan 5:14

Mí ɲaa yooma hiɔɔlua va cɛlɔɔ aa: «Amiina!» Mí bɛndua yuuvɛiya va vulan baŋɔɔ, má va ndu biiloo.

Dɛnnda kiilaa 20:28

Niaa pila mandan, mì la nɔ hɔlten kunda saa Hala Kɔl-Diandaa yɔngu niaa le mandaa-o coo, mì la manda kunda vanaa laalaŋaa Hala kila a piɔ́m po ndɔ ndu pila-o o kɔɔ-o.

Matie 6:13

Mal naa mì n del o tɔɔndan nin te, kɛ baŋa naa masa ɲinaa vɔɔnda o ba. [Kani nɔm nɔ masalen, kpaayaa a biiloo le fɛɛn a fɛɛn ni. Amiina!›]

Yeremi 28:6

«Amiina! Màá Mɛlɛka tosa mɛɛ n dimi nuaa yɛ, mò cua ɲɛm-laandun co le Cɛi-Hala-on ndo, mò mingi mun nanu a vanaa nda kɔɛ o biyɔɔ nin-nda.

Tɔŋ miingua 10:15

Kɛ nduyɛ, fuɲaa niaa mamaa daama Mɛlɛka ndóò holnun ni, nda ndóò kaola ni, niaa cuavaa ndaa imamaa kínɛí o hɛli o vanaa-mangalaa-isɔɔa kpow tɛɛn maa mɛɛ niaa co ndi hau cɔu yɛ ni.

O Kandɔɔ 49:10

Tinda lemasaa feŋannin Yuda o ba le. Tinda kon lonin o polale ndɔlen coo háá mì vana nɔ tinda kon kpeekpei-yo hin. Vana vanaa-mangalaa-isɔɔa kpow vanin bɛɛlen keo-vo pɛɛn.

O Kandɔɔ 12:3

Vanaa dɔawnin nɔm duaa-a, i dɔawnin nda duaa. Kɛ vanaa dɔawnin nɔm danga-a, i dɔawnin nda danga. O nɔm kɔɔli vanndacieea o ceendo coo kpow a sɔlanin duaa ni.»

Dɛnnda kiilaa 3:13

Hala Abraham-ndo, Hala Isaak-o a Hala Yakɔb-o, a yɔŋnun fuɲaa naa mamaa-a cɔm kpaaya ndɔɔ o diola vana ndɔ baalaa Yeesu lan ni. Yeesu niaa pila mal masalen o ba, mí la kɛɛ ndu Pilate o hɔl-lo pɛɛn. Nduyɛ, mí Pilate ndóò dimi le ndu malɔɔ.

Hebreea 7:24

Kɛ Yeesu ndu, o co yoomu le fɛɛn a fɛɛn. Nduyɛ, lɔ́ɔ́-lɔ́ɔ̀ bɛɛ vana celen muungunin o fonda ndɔɔ le vali solia lasálàá tosaa le.

Luke 20:44

Nduyɛ, David pila veelu ndu aa: ‹Maalii›, vɛ̀ɛ̀ o nɔla yɛ vɛlɛ ò va po ndɔɔ?»