Rɔmnda 9:30 - BII BILA

³⁰ Vɛɛ naa n liima yɛ niko sɔɛi he? Vanaa ve dí nuwviaa le-a sɔla dío, di sɔlan a laalanndo-o.

Rɔmnda 9:30 Referans Kwoze

Filipea 3:9

o kon mí siŋnun vana sandaa o ndu nin, kɛ o ve sandii fula ya pila nin le tɔŋnda ya bii lan te, kɛ sandii vana sɔla o Krista laalanndo-e. Sandii fula Hala o ba, mì i nɔ tumndo o laalanndo coo-e.

Hebreea 11:7

Le laalan Noe ndóò nɔ-o, mí Hala cɔm ndu dɛnnda vanaa ci vɔ le lan. Mí Noe luɛi sɔɛi Hala-e yii, mó toosiaa dɛ̀ndɛ̀ mamɛn bɛndoo le yungu ndɔɔ ciindiaa. Le hee, mí Noe cɔm maa dɛnnda vanndacieea o ceendo coo la niŋ te. O kon mí Hala ca ndu vana sandaa le laalan ndɔɔ.

Kalatea 2:16

Kɛ nduyɛ, n sínà ndi válán maa o co le dɛnnda tɔŋndan biyɔɔ le vanacieo va vana sandaa le, kɛ le laalan o laalan Yeesu Krista-o. Naa bɛɛ n laalan Yeesu Krista, haliko mi n siŋnun vanaa sandaa le laalan naa laalan Krista-o, kɛ o co le dɛnnda naa n co tosaa o tɔŋndo biyɔɔ nin-ndan te, kani vana-vana sɔlanin sandei le tɔŋnda o co biyɔɔ lan te.

Rɔmnda 4:11

Tooma Abraham dii-o, tɔɔmasele dɛnɛ sandaa o yɔŋnun le ndu ni. Ndóò dii-yɔ bɛɛ tooma kon te, mó sɔla dío le laalanndo. Lelan o co vɛlɛ fuɲaa vanaa laalannda kpow ni, hali a dii tooma le-a, haliko mi Hala cɛl nda maa vanaa sandaa.

Efɛsea 2:12

O telen kon, la va Krista levil, la ve n'pilaciee Israɛlla tɛɛn te, mialla niaa va le kpema Mɛlɛka ndóò yii mí ndóò cua ciɛ́i-yo ni. Niáà nɔ tiindan kɛ́-kɛ̀ le, niáà nɔ vɛlɛ Hala le.

Kalatea 5:5

Naa yɛ, n laalan maa siŋnunnin vanaa sandaa o balika Hala Kɔl-Diandaa bɛngu, ken naa n co cumndo a tiindanndo ni.

Rɔmnda 10:20

Mì Esai ndu tɔɔndan bɛɛ mò dimi le aa: «Vanaa ve ya nuwviaa le-a, nda saalun ya ni, mí cɔmnun vanaa ɲuna ya ɲɛ-ɲɛ le-a.»

Rɔmnda 10:6

Kɛ sandii fula o laalanndo nin-nde ndi dimi aa: «Dimin o kɔl nin te aa: ‹Nɛ̀ɛ́ hel-lɛnin o halataala?› Le kɔlan Krista tuisio lɛŋ nanu co kon ni.»

Rɔmnda 9:14

Vɛɛ naa n dimi yɛnin vɛlɛ? Mò va maa Hala sendu le? O co lende le i co le.

Esai 51:1

Niaa co kiltan dɛnɛ sandaa kɔɔli-a, niaa co Mɛlɛka nuwviaa-a, la yaŋ ya nilan! La heelu hɔlla o pow kpova niaa sɛlnun nin-ndo coo, la tofa o soon yingilaa nda soli niaa nin-ndo coo.

1Piɛr 4:3

Kani dɛnnda kɛ́-kɛ̀ niaa tosa o paandoo nin, o hɛnan vanaa sina Hala le-a nin niaa yɔŋ kon ni, kela laasi-laasio, yeemɛi n'faluei, bahiuvaa le mɔiyan kolɔɔ a dɛnndan nin, bɔŋiannda kolaa mamɔilan, a mààla biilaa n'piɔmndan.

1Timote 6:11

Kɛ nɔm vana Hala-o, kpakpala dɛnnda lan kpow, mà kindin le dɛnɛ sandaa a hɛnan Hala-o tosaa, a laalanndo, a kaolaa a á biuvɔnndo, mà kindin vɛlɛ le vaa vana sinaa ikɛndɔɔ a ndu.

Kalatea 3:24

Lelan, tɔŋndo va naa hɔlten ni, háá mi Krista ndóò hin, haliko mi Hala ndóò ce naa vanaa sandaa le laalanndo.

Kalatea 3:8

Mí Sɛbɛ Hala-o dimi ndi paandu maa le laalanndo Hala ce vanaa co N'Yuifi le-a vanaa sandaa ni. Mí Yoongu kɛndɛ kon dimulun sindɛ Abraham aa: «Hala dɔawnin vanaa-mangalaa-isɔɔa kpede duaa o nɔm nin.»

Rɔmnda 10:10

Kani vana laalan pɛ a kɔllo, a sɔla dɛnɛ sandaa. Vana sɔlalan pɛ a sondo, a sɔla cindaa.

Rɔmnda 9:31

Israɛlaa va yɛ tɔŋ ke vana dio-o nuwviaa-a sɔla tɔŋ kalaa le.

Rɔmnda 5:1

Le tùú naa n sɔla dío le laalanndo-o, kɔlɲuloo co naa tɛɛn naa Hala-aa o kɛndɛi Maalii naa Yeesu Krista-e bɛngu ni.

Rɔmnda 4:22

Lelan Hala ce Abraham vana sandaa ni.

Rɔmnda 4:13

Mí Hala yiilu Abraham a cuavaa ndɔa imamaa kpemaa, maa a sɔlanin ceendo kɛ́ɔ. O ve le mɛɛ o va tɔŋndo biyɔɔ yɛ le, kɛ le tùú ndóò ce ndu vana sandaa le laalan ndɔɔ-o o yiilu ndu kpema kon ni.

Rɔmnda 4:9

Mò va maa le vanaa dii toomaa-a kínɛí dɛnɛ kɛndɛ kon co ni baa le vanaa dii tooma le-a bɛɛ? Kani n co dimio maa: «Mí Hala ca Abraham vana sandaa le laalan ndɔɔ».

Rɔmnda 3:5

Kɛ te sandii nɛi lepɛŋnde tosa pɛ mì sandii Hala-e sinan, vɛ̀ɛ̀ naa n dimi yɛnin ken? Vɛ̀ɛ̀ vana sandaa lepɛŋndo Hala va le kɔllo tuuloo a naa ni? (O vanacieeyɛi nin ya co sɔɛi nuaa ni.)

Talelan 21:21

Vana kindìn le dɛnɛ sandaa a dɛnɛ sakpoo tosaa-o viaw yoomu ni. Vannda tosalnin vana kon dɛnɛ sandaa, mà ke ndu bɛɛlen.

Talelan 15:9

Kela vana kɔlvesɛiyo nɛinún Mɛlɛka, kɛ o kaola vana co dɛnɛ sandaa kiltan kɔɔli-o.