Rɔmnda 9:22 - BII BILA

²² Hala yeema le kɔltuw ndɔɔ cɔmndo haliko mi vannda sina kpaaya ndɔɔ. Nduyɛ, biwnɔnndo pila o biwnun a vanaa kɔltuw ndɔɔ va le nda-a ni. Kɛ nduyɛ telenndo ndóò tiiya nin le tambii ndɛi.

Rɔmnda 9:22 Referans Kwoze

Talelan 16:4

Mɛlɛka toosiaa ɲɛ-ɲɛ fee a kɔlɔ. Hali vanaa kɔlvesɛiya, o toosiaa nda le paale dɛnɛ palaalen.

Yude 1:4

Kani vanaa vɔɔnda pum a sɔɔŋa niaa tɛɛn, a co dɛnɛ kɛndɛi Hala-e yɛlɛmaa le kela nda laasi-laasio cɛwcɛwvo, nduyɛ Maalii Yeesu Krista, Vana Bɛndu co Maalii-yo nda co kɛɔ lende nuaa ni. Kɛ nduyɛ, kabi sindɛ, Sɛbɛ Hala-o cii nin vanaa vaa lende yaala.

1Piɛr 2:8

O kon kɔɔli, mó dimi vɛlɛ aa: «Pow tosa mà boŋ, mà del-lo co kon ni.» Vanaa kan a del kani a kɛɛ le diom Hala-o biyɔɔ, nduyɛ ken ndíì kelun le nda ni.

Rɔmnda 9:21

Vɛ̀ɛ̀ o co vana cɔavaa n'kpɛɛnɔɔ le tosa ɲɛ o yeema-o a puuloo le! A puulu lindaa pilɔɔ, o nɔla mò cɔw kpɛɛnɛi sɔvɛi te kon te kpɛɛnɛi nɔ mako lei.

2Timote 2:20

O cɛi bɛndoo nin, o co ko ɲɛm-laandun nda toosiaa a sianion-ndon, te kon te n nda toosiaa a volin humbon daama-on te n co le, kɛ n pum toosian a yɔmnde, mì n pum toosian a puulu bɔ́wvo. N pum le makola sɔvɛlan solinndo a mun, n pum yɛ le kpekula yɛ́-yɛ́lan.

Fulaa 9:16

Kɛ o mɛi nɔm yoomu le nɔm kpaaya ndɔɔ cɔmndo a le tɔ́ɔ́ ndɔɔ sɛŋio o lɛŋnden coo kpow.

1Tesalonikea 2:16

A va kindinndo mì ndáà kuuna naa vanaa co N'Yuifi le-a sɔɛi Hala-e tiiyallo, yɔŋii ndáà sɔla cindaa. Lende nda lo hakilan dengelaa o hakilan coo ni. Kɛ mí kɔltuw Hala-o toal nda coo o mɛɛlulan.

Rɔmnda 9:17

Kani mí sɔɛi Hala-e dimulun masaa Esipte aa: «I siinguu nɔm masaa haliko mi cɔm kpaaya nuu o nɔm nin, mì diola nilan la kela tɔ́ɔ́ o lɛŋnden kpow coo.»

2Piɛr 2:3

A co niaa tɔnɔɔ dioo a sondola yeelɛilan le mɛɛ nda nɔ hɔlte bolofaalen yɛ. Kɛ o co lɛhau le yamɛi ndɛi cuu kiolɔɔ ma sɔla yaalaa le, tambii ndɛi nɔ lɛ bɛɛ lɔ́ɔ́ le.

Condii lisai 90:11

Ɔ́ɔ̀ vana sina kpaaya kɔltuw nɔmndo-o? Nɛ̀ɛ́ sina yɛ kɔl tambɛi nɔmndo, o yɔŋ mì siòòŋii nɔmnde bii naa-o?

Kundalan 14:18

‹Ya co Mɛlɛka biwnanndo ni, vana lo o lediom coo kpeekpei-yo ya co ni. I mal vana haki le yɔŋ vɔɔndo a le biondɔnndan, kɛ i ci vana tɛɛmbua tɔŋndo vana kɛndɛ le, i tuisi cuawva dɛnɛ palaa coo le hakila fuɲaa ndaa háá o lambi yàándɔɔ, háá o lambi hiɔɔlundɔɔ bɛɛ.›

Kundalan 14:11

Mí Mɛlɛka dimul Moise aa: «Mì vannda ha lo ya pɛɛsaa háá lɔ́ɔ́ kuɛɛ nɛ? Mà lo ya kɛɔ laalanndo háá lɔ́ɔ́ kuɛɛ nɛ? Nduyɛ, i tosa sɔɔn kaaman taw nda tɛɛn.

1Tesalonikea 5:9

Kani Hala kɛsi naa le naa kɔl ndɔ tuwvo tuisio coo le, kɛ mì n sɔla cindaa Maalii naa Yeesu Krista kɔɔli.

O Kandɔɔ 15:16

Kɛ nduyɛ, fɔ mí vanndacieea hiow lambilan lahiɔɔlu malan cuavaa nɔmaa imamaa muungu nanu. Kani Amoriia va vɔ nin kɔlvesɛiyo tosaa háá telen kon.»

2Piɛr 3:15

La sìna maa biuvɔn bɛndu Mɛlɛka-o tosa ni mí la sɔla cindaa. Sɔɛi pilɛi ken koni Pol puapilɛ naa bɛɛ sɛval niaa maa mɛɛ kɔlkalu kennun ndu-o yɔŋnun yɛ ni.

2Piɛr 2:9

Kon co cɔmndo ni maa Mɛlɛka sínà mɛɛ o báŋà vanaa sandaa o tɔɔndanndo nin, mò màndà vanaa tosaa dɛnnda vɔɔnda le nda dɛnɛ palaa tuisio coo o paale yamɛi kiolunin-nden yɛ,

1Piɛr 3:20

Kɔlta tosa lɔ́ɔ́ kon nila kalulan-ndan, telen biuvɔn Hala-o va vɔ hiovɔɔ laci-o, o palɛi Noe va dɛ̀ndɛ̀ bɛndu vanaa bɔɔ luei lenin too siɔlɔɔ-e bɛngu. Vanaa ŋɔmaa kpé a sɔla cindaa o mɛmma man nin ni.

Rɔmnda 1:18

Kɔltuw Hala-o cɔmnun ceen fulaa o halataala le dɛnnda vɔɔnndan kpow a le dɛnɛ sandaa lepɛŋ vanndacieea co tosaa-o. A co toɲaa vionɔɔ a dɛnnda vɔɔnnda nda co tosaa lan.

Cɛɛŋɔnnda Yeremi lan 3:22

Vanakɛndɛyɛi Mɛlɛka-e cuu le, ɲíí ndɔɛi nɔ lamɛɛlu le.

Rɔmnda 9:20

Kɛ nɛ̀ɛ́-nɛ̀ nɔm co yɛ, le simndan sɛɛngianndo niaa Hala? Kpɛɛnɛi puului nda cɔw-ve i ɲuna pá vana cɔw ndi-o aa: «Le yɛɛ nɛ n cɔw yɛ ya nuaa?»