Rɔmnda 9:21 - BII BILA

²¹ Vɛ̀ɛ̀ o co vana cɔavaa n'kpɛɛnɔɔ le tosa ɲɛ o yeema-o a puuloo le! A puulu lindaa pilɔɔ, o nɔla mò cɔw kpɛɛnɛi sɔvɛi te kon te kpɛɛnɛi nɔ mako lei.

Rɔmnda 9:21 Referans Kwoze

Esai 64:8

Lelan, yandi Mɛlɛka, dɔawnun tumbé mà hiow ba le, va yiyanndo lɔ́ɔ́-lɔ́ɔ̀ o biondɔnnda naalan coo le. Tofa vɔ niko, naa kpow vanaa nɔmnda naa n co ni.

Talelan 16:4

Mɛlɛka toosiaa ɲɛ-ɲɛ fee a kɔlɔ. Hali vanaa kɔlvesɛiya, o toosiaa nda le paale dɛnɛ palaalen.

Dɛnnda kiilaa 9:15

Kɛ mí Mɛlɛka dimul Ananias aa: «Kɔ! I cii langbanɔ kon hɛli, i keinin a ndu o kɔɔ, mì cɔm vanaa-mangalaa-isɔɔa a masaa ndaa diola nilan, kɔ bii niko vanaa nia, Israɛlla pɛɛn.

Rɔmnda 9:11

cɛlɛkpɛa kan ndáà vilun-ndɔ le, aa tosa vɔ dɛnɛ kɛndɛ, te kon te dɛnɛ vɔɔn te, mí i dimulun Rebeka aa: «Kaasonɔɔ tosalnin o pɔmbɔɔ baalaa.» O dimi kon haliko mi tuu Hala ndóò tuu-o ndóò peelun, o co le dɛnndan te, kɛ le hɛnan vana hɛli-o.

Rɔmnda 9:18

Lelan, vana o yeema pɛ le ɲííye tuinɔnndo, o tuinun ndu iɲíí, vana o yeema pɛ vɛlɛ le nilan kindio, o kindi ndu nilan.

Osee 8:8

Vannda cii Israɛlla misimisi. Nihau, a siŋnun maa ɲɛ vana yeema lɛ loo vanaa-mangalaa-isɔɔa tɛɛn.

Yeremi 22:28

Vannda co dimio aa: «Mò va maa kpɛɛnɛi piɔlɛyii vana soli lɛ kpeku lei a ɲɛ nɛŋi lɛ mako loo Konia co ni? Le yɛɛ nɛ nda tow yɛ ndu a cuavaa ndɔa o lɛŋnde nda sina le len nin?»

Esai 10:15

Cuei nɔla pá mì i lisan vana co baalaa a ndi-o coo? Vɛ̀ɛ̀ síí tɛndaa yɔmndo nɔla pá mò tosal vana co yɔmndo tɛndaa a ndu-o yongaa? Siondoolen le nɔla vana co len heeloo coocoo-o hiiluu le, tindaa nɔla vana fula o yɔmndo loo cua coocoo le!

Esai 45:9

Dɛnɛ palaa co le vana-vana sɛɛngiaa vana cɔw ndu-o! Nɔm, a co macoaa maa kpɛɛnɛi puuluei o kpɛɛnɛn puulon taw tɛɛn! Puulu cɔavaa n'kpɛnɔɔ nɔla pá mò dimul vana co ndu cɔvɔɔ-o aa: «Yɛɛ nɛ n co yɛ hoo tosaa?» Vɛ̀ɛ̀ ɲɛ o cɔw-vo nɔla mò dimul ndu aa o nɔla baala le?

Rɔmnda 9:20

Kɛ nɛ̀ɛ́-nɛ̀ nɔm co yɛ, le simndan sɛɛngianndo niaa Hala? Kpɛɛnɛi puului nda cɔw-ve i ɲuna pá vana cɔw ndi-o aa: «Le yɛɛ nɛ n cɔw yɛ ya nuaa?»