Rɔmnda 9:20 - BII BILA

²⁰ Kɛ nɛ̀ɛ́-nɛ̀ nɔm co yɛ, le simndan sɛɛngianndo niaa Hala? Kpɛɛnɛi puului nda cɔw-ve i ɲuna pá vana cɔw ndi-o aa: «Le yɛɛ nɛ n cɔw yɛ ya nuaa?»

Rɔmnda 9:20 Referans Kwoze

Esai 29:16

Mbɔ̀ niaa la laasian bɔɔ! Bàà mì vana ce vanaciee cɔavaa n'kpɛɛnɔɔ ɲɛ pilɔɔ nda puulu cɔavaa n'kpɛɛnɔɔ? Vɛ̀ɛ̀ baala tosan-ndo nɔla pá mo dimul vana tosa ndu-o aa: «O co nɔm te tosa ya le?» Vɛ̀ɛ̀ kpɛɛnɛi nɔla pá mì i dimul vana cɔw ndi-o aa: «O sina dɛnɛ le?»

Esai 64:8

Lelan, yandi Mɛlɛka, dɔawnun tumbé mà hiow ba le, va yiyanndo lɔ́ɔ́-lɔ́ɔ̀ o biondɔnnda naalan coo le. Tofa vɔ niko, naa kpow vanaa nɔmnda naa n co ni.

SƐBƐ YƆB-O 33:13

Le yɛɛ nɛ n co yɛ ndu ciŋilanndo? Mò va maa le tùú o múlì sɔɔn kpow loo ni?

SƐBƐ YƆB-O 40:2

«Nɔm co hoo sɛɛngianndo a Vana-Kpaayaa-Kpow-vo, vɛ̀ɛ̀ a nɔla pá mà kɔɔsa a ndu? Mɛɛ mulul-la niko, nɔm vana co hoo cɛɛŋɔnndo a ya o sondo-o.»

Matie 20:15

Mò va maa i nɔ dí le ɲɛ ya yeema-o tosaa a ɲɛm nun te? Bàà te i tosa pɛ dɛnɛ kɛndɔɔ, ken luei nɔm paŋalaa o kɔl?›

SƐBƐ YƆB-O 16:3

La co ya ɲunaa aa: ‹Vɛ̀ɛ̀ tombola fondo-fondoo ho nɔ lamɛɛlu le? Yɛɛ co yɛ nɔm kɔllo tuuloo má va mulilan ndan nuaa?›

1Timote 6:5

a sɛɛngiannda cuu le lan la fula ni, la vanaa yiyannda ndalan la laasian, a sínà lɛ toɲaa le-a pɛɛn. Vanaa kan a co yiyanndo maa Hala laalanndo yɔngù vana ɲɛ-sɔlaa ni.

1Korɛntea 1:20

Kuɛɛ vana kɔlkaloo co yɛ? Kuɛɛ vana dɛnɛ sinaa co yɛ? Kuɛɛ vanaa caa kɔɔsɔ sondoo-a co yɛ o telenndo ho bɛngu? Vɛ̀ɛ̀ o co Hala le sííngùù dɛnɛ sinaa ceendo ho diɔmnde le?

SƐBƐ YƆB-O 40:8

A yeema lekɛ́ndɛi mà siinguu yamɛi nii yamɛi fondoei? Ya n yeema mà yaala ni, mà kennun nɔm pila di?

SƐBƐ YƆB-O 36:23

Nɛ̀ɛ́ nɔla yɛ ndu baŋɔɔ le isɔɔ tosa? Nɛ̀ɛ́ dimul-lɛnin ndu aa: ‹A cee dɛnɔɔ ho tosa le›?

Nsaki 2:20

Nɔm diɔmndo ho, a yeema lekɛ́ndɛi ma sina maa laalan dɛnndan la co nin too nɛŋi mako le?

Tite 2:9

Pɛɛkuu cɛa, mà tuisin tootoo o dɛnndan kpow nin a vanaa ndaa bɛndua, mà hɛnan nda, a sɛɛngiaa nda le,

Rɔmnda 2:1

Éé nɔm vanacieo! Nɔm co yaman caanda kiolɔɔ-o, mɛ̀ɛ́-mɛ̀ɛ́ n va, a nɔ mɛɛ kɔɔsaa le, kani le dɛnɛ n co yamɛi caanda kiolɔɔ-o, nɔm bɛɛ co ndu tosaa, mɛɛ nɔm pila cii yaalan.

Misee 6:8

Niaa vanndacieea sei! Kámáá a cɔm niaa dɛnɛ sandaa! À cɔm niaa ɲɛ Mɛlɛka yeema mì vanndacieea tosa-o. Ɲɛ kon co ni mì la kela kela sandaa, mì la kaola lou o diomnden coo, mì la kela ɲɛkɛndɛi o nɛila Hala niaa cɔm niaa lan coo.»

SƐBƐ YƆB-O 40:5

I soo bɛmbɛ lepilɛ, o mɛɛlu lende, i mulì lɛnin hau le. I soo bɛmbɛ lediin, i hendu lɛnin ɲɛ lecoo le.»

1Korɛntea 7:16

Nɔm vanalanɔɔ laalan hoo-o, vɛ̀ɛ́ n sínà yɛnin maa a tiwnin ba mà ciindiaa pɔnɔ nɔm? Te kon te, nɔm vanapɔnɔ laalan hoo-o, vɛ̀ɛ́ n sínà yɛnin maa a ciindiaanin laa nɔm?

2Samiɛl 16:10

Kɛ mí masaa mulul ndu aa: «Niaa poaa Seruya-a, le yɛɛ nɛ niaa co yɛ sondoo vowvo o sɔɛi he nin? Te o yeow ya pɛ, mɛɛ Mɛlɛka vem ndu ni aa o yeow ya David. Te lende yɛ ni, nɛ̀ɛ́ nɔla yɛnin mò ɲuna ndu aa ‹Le yɛɛ n co hee tosaa?›»

SƐBƐ YƆB-O 9:32

Kani ndu Hala, o co vanaciee maa ya le ndu ciŋilanndo a sɔngɔɔ le. I nɔla kɔlan nɛɛ kialaa n'yamaa naa ndu le kɔɔsɔɔ le.

Esai 10:15

Cuei nɔla pá mì i lisan vana co baalaa a ndi-o coo? Vɛ̀ɛ̀ síí tɛndaa yɔmndo nɔla pá mò tosal vana co yɔmndo tɛndaa a ndu-o yongaa? Siondoolen le nɔla vana co len heeloo coocoo-o hiiluu le, tindaa nɔla vana fula o yɔmndo loo cua coocoo le!

Yeremi 18:6

«Vɛ̀ɛ̀ i tiwba mi tosa a niaa Israɛlla mɛɛ ya tosa a vana cɔavaa n'kpɛɛnɔɔ ho yɛ le? Mɛɛ puulu cɔavaa n'kpɛɛnɔɔ va vana cɔavaa n'kpɛɛnɔɔ o ba nuaa yɛ, lende niaa co ya o ba ni.

Luke 12:14

Mí Yeesu ɲuna ndu aa: «Fallo, nɛ̀ɛ́ kɛsi yɛ ya le vaa vana kialaa n'yamaa a vana piɔvaa n'ɲɔɔ niaa tɛɛn?»

Rɔmnda 2:3

Éé nɔm vanacieo! Nɔm co hoo yaman caanda kiolɔɔ-o, kɛ nduyɛ, nɔm pila bɛɛ co dɛnnda nda co tosaa lan tosaa, a co yiyanndo maa a hialunnin yamɛi Hala-e?

Rɔmnda 9:21

Vɛ̀ɛ̀ o co vana cɔavaa n'kpɛɛnɔɔ le tosa ɲɛ o yeema-o a puuloo le! A puulu lindaa pilɔɔ, o nɔla mò cɔw kpɛɛnɛi sɔvɛi te kon te kpɛɛnɛi nɔ mako lei.

Rɔmnda 9:22

Hala yeema le kɔltuw ndɔɔ cɔmndo haliko mi vannda sina kpaaya ndɔɔ. Nduyɛ, biwnɔnndo pila o biwnun a vanaa kɔltuw ndɔɔ va le nda-a ni. Kɛ nduyɛ telenndo ndóò tiiya nin le tambii ndɛi.

Rɔmnda 14:4

Nɛ̀ɛ̀ nɔm co yɛ, le yamɛi vana baala pilaa kiolɔɔ? O sim-ou, o del-ou, vana ndɔ bɛndoo sina ken ni. Kɛ nduyɛ, o simnin yili, kani Maalii nɔ kpaayaa le ndu simio.

2Timote 2:20

O cɛi bɛndoo nin, o co ko ɲɛm-laandun nda toosiaa a sianion-ndon, te kon te n nda toosiaa a volin humbon daama-on te n co le, kɛ n pum toosian a yɔmnde, mì n pum toosian a puulu bɔ́wvo. N pum le makola sɔvɛlan solinndo a mun, n pum yɛ le kpekula yɛ́-yɛ́lan.