Rɔmnda 9:19 - BII BILA

¹⁹ Bɔɔle mì vana pum ndu dimi aa: «Mì le yɛɛ Hala kalaa co yɛ naa niko tɔ́ɔ́yaa biyɔɔ? Kani nɛ̀ɛ́-nɛ̀ kuuna yɛnin ndu hɛnan ndɔɔ tosaa?»

Rɔmnda 9:19 Referans Kwoze

2Dɛnnda lemasalan 20:6

mó piɛi aa: «Mɛlɛka, Hala fuɲaa naa mamaa co o halataala-o. Vɛ̀ɛ̀ o co nɔm te co masalen tosaa o masɛi co o lɛŋnden kpow coo-e coo le? Nɔm o ba yoomuan a kpaayaa co ni. Lelan, vana-vana nɔla mò simul nɔm te.

1Korɛntea 15:35

Mì vana pum ɲuna dɔ́ɔ́ aa: «Vɛ̀ɛ̀ vanvílɛ́iya a muungu yɛnin yoomu? Kɔɔle súú yɛɛ nda nɔ yɛnin?»

1Korɛntea 15:12

Nduyɛ, te n dimul niaa pɛ maa Krista tendul fulaa vanvílɛ́iya tɛɛn, le yɛɛ nɛ vanaa pum niaa tɛɛn a co yɛ dimio maa vanvílɛ́iya a muungunin yoomu le?

Marke 14:21

Nduyɛ, Po vanacieo co hunɔɔ piɔ́mndo sɔla mɛɛ o sɛvan a ndu o kɔɔ o Sɛbɛ Hala-o nin yɛ. Kɛ dɛnɛ palaa co le vana malnin ndu vannda o ba-o. Ndóò va fisa hali mì vana kon ndóò vilun te.»

Condii lisai 76:10

Ken tosan tuma kon kpeekpei, tuma nɔm Hala cɛn le dɛnɛ sandaa simio-o, telen n cɛn kon le vanaa co sangaa o lɛŋnden coo-a kpow baŋaa-o.

SƐBƐ YƆB-O 9:19

Bàà mì simul ndu a paa-kala? Ndu co vana kpaayaa kpow ni. Bàà mì kɔɛ a ndu o fonda kialaa n'yamaa? Nɛ̀ɛ́-nɛ̀ veelu yɛnin ya le kɔɔsɔ kon?

O Kandɔɔ 50:20

Niaa, niáà tuu le ya dɛnɛ vɔɔndo tosallo. Kɛ o dɛnɛ niaa tosa-o nin, mí Hala ndu tuu le ya dɛnɛ kɛndɔɔ mingullo le ɲɛ co hoo hau tosanndo-o peeloo, haliko mi yoomu vanaa bɔɔ-bɔɔ sɔla baŋaa.

Nsaki 1:13

Te tɔɔndanndo komal pɛ vanndo, o dimi le dɔ́ɔ́ aa: «Hala co ya tɔɔndanndo nuaa ni». Kani vana tɔɔndan Hala le dɛnɛ vɔɔndo tosaa le, Hala pila bɛɛ tɔɔndan vana le.

Rɔmnda 11:19

Bɔɔle mà dimi aa: «Kɛ lɛvun mun nda kili ni, mí ya sɔla holɔɔ o fonda ndaa.»

Dɛnnda kiilaa 2:23

Má mal ndu niaa o ba mɛɛ Hala ndóò tuu yɛ. Niaa dii ndu ni. Mɛɛ niaa mal ndu vanaa sina Hala le-a o ba, má baŋ ndu o yɔm singafilaa coo.

Esai 29:16

Mbɔ̀ niaa la laasian bɔɔ! Bàà mì vana ce vanaciee cɔavaa n'kpɛɛnɔɔ ɲɛ pilɔɔ nda puulu cɔavaa n'kpɛɛnɔɔ? Vɛ̀ɛ̀ baala tosan-ndo nɔla pá mo dimul vana tosa ndu-o aa: «O co nɔm te tosa ya le?» Vɛ̀ɛ̀ kpɛɛnɛi nɔla pá mì i dimul vana cɔw ndi-o aa: «O sina dɛnɛ le?»

Nsaki 2:18

Kɛ vana pum diminin aa: «Nɔm, a nɔ laalanndo, ya bɛɛ, i nɔ dɛnndan. Cɔm ya laalan nɔmndo o va a dɛnɛ le, mì ya ya cɔm nɔm laalan nuu o dɛnndan nin.