Kani Mɛlɛka pila tosa ni má kindi nilan a Israɛlla, má ciŋilan nda a cɔw lambaa-lambaa. Lelan, Israɛlla tosa iɲíí a nda le, má diw nda kpede maa mɛɛ Mɛlɛka pila ndóò dimul Moise yɛ.
Mí Mɛlɛka dimul ndu aa: «Taa muungu pɛ Esipte, kaamaala ya yɔngu nɔm kpaayaa le tosaa lan kpow, a bɛnda ma tosa lan Faraɔnnɔɔ o hɔl. Kɛ i kindinin Faraɔnnɔ kalaa nilan háá mò kɛɛ le Israɛlla malɔɔ kɔlan.
Kɛ mí Sihon, masaa Hɛsbɔn kuuna naa le keiyo o lɛŋnde ndɔlen nin. Kani mí Mɛlɛka Hala niaa kindi ndu nilan haliko mi ndóò del niaa o ba paale len a lɛŋnde ndɔlen kpow.
Éé Mɛlɛka! Le yɛɛ nɛ n co yɛ naa malɔɔ seemiaa mì n faŋan o nɛila nɔmndan coo, mì n kɔannun polon? Le yɛɛ nɛ n kindi yɛ naa nilan mí n kɛɛ le siòòŋii nɔmnde nɔu nɛ? A yandi muungu naa ikɛi, naa vanaa baalaa nɔmnda, polama fula o kɛ́ nɔmndo nin-ndan pɛɛn.
Faraɔnnɔɔ, Moise a Aarɔn o hɔl kpundɛlan ndan kpow la tosan ni. Kɛ mí Mɛlɛka kindi ndu Faraɔnnɔɔ nilan háá mó kɛɛ le Israɛlla malɔɔ faŋanndo o lɛŋnde ndɔlen nin.
I co ndu nilan kindi háá mò cɛn le niaa kuello. Kɛ i co kei a ndu pila a á vanaa ndɔa cɔwva mì cɔm biilu nuu, mì Esiptea kpow a sina maa ya co Mɛlɛka ni.» Mí Israɛlla tosa mɛɛ Mɛlɛka dimul nda yɛ.
Ya yɛ, i co Esiptea nilan kindi háá mà tol le taŋɔɔ niaa kɔɔli. O kon, i co kei a Faraɔnnɔɔ a á vanaa ndɔa cɔwva kpow, ɲɛla ɲaanannda ndalan a vanaa ndɔa ɲaanun o soa coo-a, mì cɔm biilu nuu.
Puapilɛa nia, i yeema mì la pɔw dɛnɛ kɔndɔfillo ho le, yɔŋii niaa pila cɔnnun vanaa kɔlkalu. Israɛlla pum a lonin nila kalulan tosaa háá mì vanaa sina Hala le-a kpow a muungu Hala o ibuŋ.
Mí Faraɔnnɔɔ viam vanndo le kɔlan sɔɛi ken kpɛngbɛlaa o Israɛlla lo, kɛ mó tuɛi maa hali cɔloo ndu pilɛ vi o cɔlua ndaa tɛɛn te. Hali a ken kpede, mí Faraɔnnɔɔ kindi nilan, o mel Israɛlla kɔlan te.