Rɔmnda 9:16 - BII BILA

¹⁶ Lelan, o co hɛnan vana pila le, o co vɛlɛ le kindin vana pila le, kɛ le mɛɛ Hala nɔ ɲííye yɛ.

Rɔmnda 9:16 Referans Kwoze

Efɛsea 2:8

Kani le kɛndɛi Hala-e niaa sɔla cindaa ni, le laalan niaa laalan ndu-o. O co niaa pila o ba le cinda kon fula le, ke Hala-o co kon ni.

Filipea 2:13

Kani Hala co tosaa ni mì la va hɛnan ndɔɔ tosaa mɛɛ tuu ndɔɔ co yɛ.

Nsaki 1:18

O velu naa a sɔɛi toɲɛi mɛɛ hɛnan ndɔɔ co yɛ, haliko mi n va vanaa tasea o ɲɛm o cɔw-von tɛɛn.

Rɔmnda 9:11

cɛlɛkpɛa kan ndáà vilun-ndɔ le, aa tosa vɔ dɛnɛ kɛndɛ, te kon te dɛnɛ vɔɔn te, mí i dimulun Rebeka aa: «Kaasonɔɔ tosalnin o pɔmbɔɔ baalaa.» O dimi kon haliko mi tuu Hala ndóò tuu-o ndóò peelun, o co le dɛnndan te, kɛ le hɛnan vana hɛli-o.

Luke 10:21

O telen kon, mí Yeesu dɔawnun ɲaale a kpaaya Kɔl-Diandaa, mó dimi aa: «I mel nɔm balika, Pua, Mɛlɛka co o halataala a o lɛŋnden coo-o, kani a vin vanaa kɔlkalua a vanaa sinaa dɛnɛa dɛnndan ndan, má cɔm cuaambɔa. Lende i co ni Pua, hɛnan nɔmndo n tosa nuaa ni.

Esai 65:1

I yɔngun mí vanaa ve ya ɲɛ-ɲɛ ɲuna le-a a sɔɔnguu ya ikɛi. I cɔmnun mí vanaa ve ya nuwviaa le-a saalun ya, mí dimul vanaa-mangalaa-isɔɔa ve diola nilan veelu lepilɛ bɛɛ le-a aa: «I co nanu! La nuaa vɔ ya!»

Nsaŋ 3:8

Nɛɛ hoeiye yeema-a, lon i hɔŋ ni, mà tuei ndi diom. Kɛ a sinà ba i co fulaa-o le, a sinà vɛlɛ ba i co kɔlan-ndo le. Lende koni o co vɛlɛ le vana-vana velun a Kɔl Hala-o ni.»

Condii lisai 110:3

Paale n cuungiaanin vanaa nɔmaa cɔwva o pembii diandɛi coo le cɔwvo len, langbaa felengia dialun fulaa liilanin nɔm. A hunnin nɔm o hɔl o pembun diandan coo mɛɛ kɛmndan ma fula idii nuaa yɛ.

Matie 4:8

Mí masa ɲinaa vɔɔnda kɔa vɛlɛ a ndu o pembii bɛndu-bɛnduei pum tullo, mó cɔm ndu masɛi co o ceendo coo-e a biilu ndɔɔ kpow,

Matie 11:27

Fuɲa nuu yɔngu ya ɲɔɔn kpow. Vana-vana sina Poo le, te o co Fuɲaa le. Vana-vana sina vɛlɛ Fuɲaa le, te o co Poo a vana Poo yeema le Fuɲa ndɔ cɔmndo-o le.

Kalatea 2:2

Ɲɛ cɔmnun ya-o yɔngu ya kɔlan ni. Mí kɔ cɔm vanaa lebɛɛ-a pum Yoongu Kɛndɛ ya va vanaa co N'Yuifi le-a tiiyallo-o o sɔɔnsɔɔnndo nin, yɔŋii baala ya va tosaa-o, te kon te o yáà tosa nin-ndo ndóò yɔŋnun fúú.