Rɔmnda 8:8 - BII BILA

⁸ Nduyɛ vanaa co kelaa o falon nin-nda tiwba mà hɛnan Hala le.

Rɔmnda 8:8 Referans Kwoze

Rɔmnda 7:5

Kani telen naa n va o falon nin-ndo, yeemɛi dɛnɛ vɔɔŋii tɔŋndo va kpeeŋiaa-e va vallo naa o n'falu, haliko mi náà n tosa dɛnnda yaa vana o piɔ́mndo nin-ndan.

Rɔmnda 8:9

Kɛ niaa niaa, la co lɛ o n'falu nin te, kɛ o kɔllo nin niaa co ni, te o va pɛ maa Kɔl Hala-o co niaa nin. Te vanndo nɔ Kɔl Krista-o nin te, mɛɛ ndu co o ndɔ le.

Kolɔsea 1:10

O kon la tiwnin ba kelaa mɛɛ vanaa Maalii-a bɛnda mà kela yɛ, la vanin dɛnnda hɛnan ndu lan tosaa lɔ́ɔ́-lɔ́ɔ̀. La tosanin dɛnnda kɛndɛlan kpow mì la hiow laci a Hala sinaa.

Nsaŋ 3:3

Mí Yeesu mulul ndu aa: «I co nɔm toɲaa dimul, vana-vana nɔla mò ce masale Hala len te, mɛɛ mò velun violɔn sɛnɛi.»

Hebreea 13:21

Màá Hala kon ke niaa kpaayaa le dɛnnda kɛndɛla súú-súù ka tosaa, mì la nɔla hɛnan ndɔɔ tosaa. Màá o mala naa o diola Yeesu Krista lan mì n tosà hɛnan ndɔɔ. Màá biiloo va le ndu Yeesu Krista le fɛɛn a fɛɛn! Amiina!

1Nsaŋ 3:22

Ɲɛ-ɲɛ naa n ɲuna ndu pɛ, n sɔla ɲɛ kon ndu o ba, kani n co tɔŋnda ndɔlan biyɔɔ, mì n va dɛnnda hɛnan ndu lan tosaa.

Nsaŋ 8:29

Vana vem ya-o co ya ikɛi, o mel-la ya pilɛ kpé le, kani ɲɛ hɛnan ndu-o ya co tosaa lɔ́ɔ́-lɔ́ɔ̀ ni.»

1Korɛntea 7:32

I yeema mì la nɔ buulan o buulan te. Vana nɔ lanɔ le, ndu kɔllo o landu o dɛnnda Maalii lan coo ni, mò kindikindin le Mɛlɛka hɛnanndo.

1Tesalonikea 4:1

Le sɔɛi ciiyo puapilɛa nia, n cɔm niaa mɛɛ vana kela mà hɛnan Hala yɛ. Nduyɛ la co nin kelaa o nɛila lan coo. Kɛ sunsun, n co niaa ɲuna mì n tɛɛlun niaa o diola Maalii Yeesu lan, la cɔɔlu nɛila lan biyɔɔ.

Matie 3:17

Mí diomndo fula o halataala aa: «Po ni ya kaola taw-vo co hoo ni, o ya hɛli a kɔl nuu kpow-vo.»

Hebreea 13:16

La pɔɛɛnun kɛndɛi tosaa a maalianndo vellaa-velle le, kani sálàla vaa lende la hɛnan Hala ni.

Kolɔsea 3:20

Cuaambɔa, la bii sɔɔn vanaa velu niaa-a o dɛnndan kpow nin, kani kon hɛnan Mɛlɛka ni.

Filipea 4:18

I sɔla ɲɛm niaa yɔŋ ya-on kpow, mí n hiw kuiyo ya o ba. I pɛ, Epafrodite langa yɔngu ya ɲɛm niaa yɔŋ ya-on, n co macoaa maa lasikɔlɔ cun kɛndɛ, sálà hɛnan Hala-o.

Rɔmnda 1:21

Kani ndáà síná Hala tɛ́ɛ́, kɛ a ke ndu biilu bɛnda le ndu Hala-o le, a mel ndu balika le. Mí yiyannda ndalan la luei nda o laasianndo nin, mí kɔlta ndala idiɔmndan la luei nda o ɲumndan nin.