Biblia Todo Logo
Bib sou entènèt

- Piblisite -




Rɔmnda 8:39 - BII BILA

39 o va ɲɛm co coocoo-on, o va ɲɛm co lebɛngu-on, o va ɲɛm celen Hala cɔw-von, ɲɛ-ɲɛ nɔlanin naa siɛi a kaola Hala kaola naa o Maalii naa Yeesu Krista nin-ndo le.

Gade chapit la Kopi




Rɔmnda 8:39
43 Referans Kwoze  

Nɛ̀ɛ́ sɛi yɛnin naa a canyɛi Krista-e? Mo va maa dɛnɛ palaa ni? Buulan bɛndoo bàà? Yaamɔɔlen bàà? Yiaan bàà? Bala fondolan bàà? Kpundɛlan bàà? Mɔɛi cɔwve bàà?


Kɛ mí Hala cɔm naa kaola ndɔɔ, bau n vannun ndɔ vanaa lahakia, mí Krista vu le naa.


Naa, n co ndu kaolaa, kani ndu fɔlɔn kaola naa ni.


Kani Hala kaola ceendo háá mó yɔngu Po ndɔ pilɔɔ, haliko vana-vana laalan ndu pɛ, o kue o ɲánndávàà le, kɛ o sɔla yoomu fɛɛn-fɛɛndo.


Lɔ́ɔ́ pá mí ceendo cɔawnun, ndóò cii nin naa hɛli, haliko mi n va vanaa diandaa a vanaa yaalan te-a ndu o hɔl. Nduyɛ, o kaola ndɔɔ nin,


Naa yɛ, n sínà kaola Hala nɔ le naa-o, n laalan. Kaolaa Hala co ni, vana co pɛ o kaolaa nin, mɛɛ ndu co o Hala nin, mì Hala va o kɔl ndɔɔ nin.


I cɔm nda diola nɔmndan, i cɔmnin nda lan vɛlɛ, haliko mi kaola n nɔ le ya-o va nda nin, o kon mì ya i va nda nin.»


kani Pua pila kaola niaa le kaola niaa kaola ya, mí la laalan maa o Pua lo ya fula ni-o.


O palɛi ken nin, Mɛlɛka soaŋnin ɲɛm cɔvun co o halataala-on, mò kposoŋa masaa co o lɛŋnden coo-a.


Bolofaa Hala-o co o bɔɔ dɛ! Kɔlkalu ndɔɔ a dɛnɛ sinaa ndɔɔ yingila bɔɔ, vana sínà yiyannda ndɔlan te, vana nɔla tuula ndɔlan bila biyɔɔ le.


A co yoomuan lueyanndo a tuula vɔɔnndan, a co baltan dɔvɔɔ o yaŋɔɔla nda hɛɛnduu lan coo aa: «Ɔ́ɔ̀ vana canin lan-ndo?»


Nduyɛ, siòònde co ya yɔŋii yiyannda niaalan la luei niaa o pɔwlan nin, mì la faŋa niaa Krista o ibuŋ maa mɛɛ kɛwvo luei Hawa o pɔwlan nin a kɔlkalu vɔɔndo yɛ.


yɔŋii Setana hui naa. Nduyɛ, n sínà yeemɛi ndɔɛi.


Kani kristaa lacòòvaa a vanaa-tɛɛngaa-diom Hala-a lacòòvaa cannin, mà tosa dɛnnda kɔndɔfilta bɛndulan a kaamaalan, mà kɔɛ bɛɛ hali le vanaa sɔla hɛlio-a lueiyo o pɔwlan nin, taa tiw pɛ ba.


Mó deŋi coocoo aa: «La kioŋ yɔmndo ho! La kilikili lɛvun ndɔn! La keenduu pei ndɔɛi kpow! La sɛŋi kulun ndɔn yaa-yaa! Mì visia piɔl a kiltan, mà faŋan lebɛngu, mì yowva mɛi vɛɛnde, mà ɲaanun!


Tofa vɔ, Maalii, Mɛlɛka-Nɔ-Kpaayaa-Kpow-vo yimi lɛwvon a kɔltuwvo, lɛvun hiow vaa n'bɔɔ-on kelun. Lɛvun hiow helɔɔ-on n kilikilinnin.


Tuula co vanacieo o kɔl-tan la co maa mɛmma co o lɛŋnden bɛngu di-an. Vana kendu kɔl-lo caa lan solio ceen ni.


Telen vɔsila vaa pilɛlan la sulnin-ndo, Setana sɔlanin malɔɔ mò fula o kaasoo,


Mó viaw ndu o soon yingilaa nɔ kon lamɛɛlu loo nin, mó kinda sondoo, mó baŋul ndu kɔɔli, haliko o luei lɛ vanaa-mangalaa-isɔɔa o pɔwlan nin te, háá mi vɔsila vaa pilɛlan la sul. O kon kɔɔli, mò sɔla timbio le telen bingi.


Má bii visi kon a vana-tɛɛngaa-diom hala lacòòva tosa ndu dɛnnda kaamaalan o hɔl-lo. A dɛnnda kaamaala lan vana-tɛɛngaa-diom hala kon luei vanaa sɔla pondale visi kon-nda a vanaa baŋ vulan tuula ndɔɔ o hɔl-la o pɔwlan nin ni. Mí visi kon a vana-tɛɛngaa-diom hala kon viawnun o dala leyinndo nin, nɛɛ fungoo co ŋɔu-va.


Mó luei vanaa va o lɛŋnden coo-a o pɔwlan nin a dɛnnda kɔndɔfilta o sɔla kpaayaa le tosaa visi tasoo o hɔl-tan o kɔɔ, mó va vanaa co lo o lɛŋnden coo-a dimullo le tuula visi tɔɔma ndáà yɔŋul kon a mɔɛi cɔwve mó siangu-o toosiaa.


Má viaw ndu tambálaká bɛndu kon, ndu kɛwvo sindɛ pɛɛn, o nda veelu aa masa ɲinaa vɔɔnda te kon te Setana-o. O hiŋ vanaa co icali o lɛŋnden coo-a kpow hɔlla-o, má viaw mɛlɛkaa ndɔa a ndu latulu o lɛŋnden coo.


Kɛ niaa vanaa tɔ̀a kɛ́-kɛ̀ lo Tiatir lá vow n'pelu o pɛɛku kon nin te-a, maa mɛɛ nda pila dimi yɛ, niaa síná yingila dɛnnda Setana lan te-a, i co niaa dimul, i siiluu lɛnin niaa volɔɔla celen te.


Yaamɔɔ kalaa simulnin ɲɛ-ɲɛ vannda co veeloo aa hala, te kon te ɲɛ-ɲɛ nda co biiloo, háá mò kɔ luɛi o cɛi Mɛlɛka Hala-o nin, mò kɔ cal, mì ndu pila veelun aa hala.


Mɛɛ ya hiow nda dɔ́ɔ́ ɲɛ-pɔmbɔ, mí komal ndu. O kon, mí bii ndu, i mel lɛ ndu le, háá mí kɔa a ndu o kala nuu lo cɛinin, mí luei ndu o cɛi lɔlaa kala velu ya-o nin.


Niaa vanaa-vanaa Hala kaola mí la va Rɔm, niaa veelun aa vanaa diandaa-a pɛɛn. Màá Hala Fuɲa naa a Maalii Yeesu Krista tosal niaa dɛnɛ kɛndɔɔ mò ke niaa kɔlɲuloo!


Kani sala hakio co piɔ́mndo ni, kɛ ɲɛ Hala ke vana fondo fúú-o, ndu co yoomu fɛɛn-fɛɛndo o Yeesu Krista nin ni, Maalii naa.


Yaala co lɛ le vanaa co o Yeesu Krista nin-nda le.


Kani, naa co faleŋaa kpeekpeiya ni, naa co Hala biiloo o hɛnan Kɔl-Diandaa bɛngu, mì n va sangalanndo o Yeesu Krista nin-nda, naa tiindan dɛnnda n'falulan te-a pɛɛn.


Dɛnndan kpow la co macoaa ya o hɔl maa delɔɔ, le naŋɔɔ bɛndu ya ce o Maalii nuu Yeesu Krista sinaa nin-ndo. Le ndu, mí cɛl, mí ɲɛ-ɲɛ hialun ya, mí ca ɲɛm mun kpow maa bil nda viow o sállo coo-o, haliko tuŋ i sɔla Krista,


Kon co dimi le maa i sɔla ɲɛ ya co kiltan kɔɔli-o, te kon te maa i tiiya kilta nilan mɛɛlulan, kɛ i co hiovɔɔ laci a kiltan, haliko mi bii ɲɛ ya co kiltan kɔɔli-o, kani ya bɛɛ, biyɔɔ Yeesu Krista bii ya ni.


Swiv nou:

Piblisite


Piblisite