Rɔmnda 8:36 - BII BILA

³⁶ Maa mɛɛ o sɛvan yɛ aa: «Lepalaa-lepala, a co naa diwvo le sɔɛi nɔmnde. A co naa cɔu maa saa nda co kɔlan le diyɔɔ-a.»

Rɔmnda 8:36 Referans Kwoze

Condii lisai 44:22

Nɔm Hala, vɛ̀ɛ̀ a va sɔɛi ken sina le? Kani a sina sɔɔn n'viannanndon o kɔltan nin.

Esai 53:7

Má saangiaa ndu, kɛ mó tuisin tootoo, o kumbi sondoo mo soo le, mó yɔŋnun maa saa téndé nda co yɔɔ o fonda diyaa-o, maa saa laandu bobonɔɔ vanaa co ndu yiinde kilio-a o hɔl Kɛ bako bɛɛ o suu le.

1Korɛntea 15:30

Naa yɛ niko, le kɔlɔ yɛɛ nɛ naa pila n co yɛ o dɛnɛ palaa nin lɔ́ɔ́-lɔ́ɔ̀?

1Korɛntea 4:9

Kani o yiyan nuu nin, naa Hala kɛsi o fonda mɛɛlaa ni, bau o bɛnda mì n sɔla piɔ́mndo. N siŋnun vanaa lɛŋnden kpede co tofaa-a, mɛlɛkaa a vannda kpow bɛɛ a co naa tofaa.

Dɛnnda kiilaa 8:32

Fonda o va dimio o Sɛbɛ Hala-o nin-ndo co hoo ni aa: «Mó yɔŋnun maa saa téndé nda co yɔɔ o fonda diyaa-o, maa saa laandu bobonɔ vanaa co ndu yiinde kilio-a o hɔl, kɛ bako bɛɛ o suu le.

Yeremi 11:19

Ya i va mavaa nda o ba maa saa téndé co kɔlan a ba ndɔ le ndu kɔlan diyɔɔ-o, i ve yiyannda vɔɔnnda ndáà nɔ o kɔl a ya lan sina le, a va dimio aa: «N kioŋnun yɔmndo telen o co o lende-o. N sungun ndu mò fula vanaa yoomaa tɛɛn, vannda yiyan ndɛ a diola ndɔlan o kɔɔ le.»

Dɛnnda kiilaa 20:24

Kɛ yoomu nuu co ɲɛ-ɲɛ ya o hɔl te, haliko sii i tosa baala nuu a ɲaaloo, mì tosa ɲɛ Maalii Yeesu vem ya tosaa-o: kon co vannda Yoongu kɛndɛ kɛndɛi Hala-e tiiyallo-o ni.

Nsaŋ 16:2

A solinin niaa o cɛila lekaanndan nin. Hiovɔɔ o kon coo, telenndo pum tiiyanin, vanaa vanin niaa diwvo-a vanin yiyanndo maa baala Hala-o nda vanin tosa kon lende ni.

Yeremi 51:40

‹I yaanin nda nɛɛ nda diw cɔlua-a maa saa téndéa, maa saa kóndó te kon te maa cuinaa toovi.›

Yeremi 12:3

Ya yɛ, a sina ya, nɔm Mɛlɛka, a co ya cɔu, a co kɔl nuu mɛɛndianndo. Manda vanaa vɔɔnda mɛɛ vana manda saa le nda hunɔɔ diyɔɔ nuaa yɛ, manda nda le paale diyaalen.

Condii lisai 141:7

Mɛɛ leŋnden le tɛnda o vaa nuaa yɛ, lende koni ciee-piɔ́m kumbinin sondoo, mò mel paala ndalaa sɛŋin nɛɛ-nɛɛ ka lan ni.

Condii lisai 44:11

A co tosaa mí yaamɔaa naa va naa tovɔɔ, mí vanaa nɔ nɛyɔnndo a naa-a va ɲɔɔn hiɔlɔɔ naa o ba.

1Korɛntea 15:31

Puapilɛa nia, piɔ́mndo co ya biondɔɔ lɔ́ɔ́-lɔ́ɔ̀ le tùú ya co lisanndo a niaa o sondo o Maalii naa Yeesu Krista nin-ndo.

2Korɛntea 1:9

N va yiyanndo maa sɔɛi piɔ́m naa ndíì cuu nin kiolɔn. Kɛ nduyɛ, kon tosan haliko n tiindan naa pila le, kɛ mì n tiindan Hala, o mingì vanaa vi-a yoomu-o.

2Korɛntea 6:9

A co yiyanndo maa vannda sínà naa le, kɛ nduyɛ a sínà naa válán, a co naa cɔw maa vanaa vílɛ́i, kɛ nduyɛ n co yoomu ɲɛkɛndɛi. A co naa sangaa tuisio coo, kɛ nduyɛ a co naa diw le.

2Korɛntea 11:23

Hee ndi maa vana seemɛi kpeekpei ya co ndi dimi ni. Vɛ̀ɛ̀ vanaa baalaa Krista-a nda co ni? Ya, i hiow nda o nɛi kon coo, kani i kei o sangalan taw nin mí hiaw nda, a mal-la o kaasoolan taw mí hiaw nda, i sɔla lɔɔ hiovɔɔ o nda sɔla-o. Mbɔ̀ piɔ́mndo bindibindi ya bɔɔ!

Filipea 3:10

I ya co kiltan kɔɔli-e co le ndu sinaa ni, mì sina kpaaya tindi ndu fulaa vanvílɛ́iya tɛɛn-ndo. O ya yeema-o co sangaa latulu a ndu, mì vel ndu o piɔ́m ndɔɔ nin ni,