Rɔmnda 8:31 - BII BILA

³¹ Vɛɛ naa n dimi yɛnin vɛlɛ a ken o kɔɔ? Te Hala co pɛ le naa, nɛ̀ɛ́ cɔlɔba yɛnin naa?

Rɔmnda 8:31 Referans Kwoze

Condii lisai 118:6

Mɛlɛka co vana co ya malaa-o ni, siòòŋii co ya a ɲɛ-ɲɛ le, yɛɛ vanndacieea nɔla yɛ ya yɔŋ?

Yeremi 1:19

A cɔlɔbanin nɔm, kɛ a nɔlanin nɔm ɲɛ-ɲɛ tosa le. Kani i co nɔm ikɛi le nɔm baŋaa.» Ya Mɛlɛka soo nuaa ni.

Condii lisai 56:11

I candu Hala le sɔɛi o dimi-e. A toɲa, le sɔɛi o dimi ken-nde ya candu ndu Mɛlɛka ni.

1Nsaŋ 4:4

Niaa cuavaa nia, a Hala-a niaa co ni, nduyɛ la nɔla vanaa-tɛɛngaa-diom Hala-a lacòòvaa, kani o co niaa nin-ndo hiow vaa o bɔɔ a o co o ceendo nin-ndo.

Esai 54:17

Lelan, ɲɛ cɔw oo ɲɛ cɔw cɔwnun pɛ le nɔm delɔɔ coo, le nɔm dɛnɛ vɔɔndo tosallo, ɲɛ cɔw kon nɔnin mayoomu le kpeku oo kpeku soli le, vana-vana kɔɔsa pɛ a nɔm o fonda kialaa n'yamaa, a mulinin ndu kɔllo mò sina maa vana kɔlvesɛiyo o co ni. Lende kɛ́ vanaa baalaa Mɛlɛka-a co ni, lende dɛnɛ sandaa fula ya o ba le nda-o co ni, Mɛlɛka soo lende ni.»

Yeremi 20:11

Kɛ nɔm Mɛlɛka co ya ikɛi, a co cɔlɔbaa le ya a kpaayaa. Lelan vanaa co ya yɛlen tollo-a boŋnin, a nɔlanin tosaa mɛɛ nda yiyan a ya yɛ le. Siɛmbulan la biinin nda le bumba nda bumbanin ya-o. Siɛmbula lan la vanin nda lɔ́ɔ́-lɔ́ɔ̀, vana-vana pɔɛnunnin a lan o kɔɔ le.

Condii lisai 56:4

Kɛ paale siòònde bii ya ko, i tiindàn nɔm.

Kundalan 14:9

Kɛ nduyɛ, la simul Mɛlɛka le. La yɔŋ vɛlɛ siòònde a vanaa co o lɛŋnde len nin-nda le. N co lakɔ nda miɔɔnɔn maa dɔɔma, kani a co lɛ o levundu bɛngu le, vundule va nda kandaa len le faŋan nda coo, naa yɛ Mɛlɛka co naa ikɛi. La vo nda le few.»

Tɔŋ miingua 33:29

Duaa co le niaa, niaa Israɛlla. Kani vana-vana siiman a niaa le. Vanaa Mɛlɛka ciindiaa-a niaa co ni, ndu co kɔ̀ɔ̀ cɔw co niaa manda-o ni, ndu co vɛlɛ mɔɛi cɔvii cɔlɔba le niaa-e ni. Yaamɔaa niaa sangalanin niaa, kɛ niaa la helnin o fondala yesalan coo o lɛŋnde ndalen nin.»

O Kandɔɔ 15:1

Mí Mɛlɛka cɔmnun Abram o vundulen nin, mó dimul ndu aa: «Yɔŋ isiòòn te Abram. Ya co vana kanda nɔm-ndo ni, vɔ̀ngɔ̀ nɔmndo vanin o bɔɔ.»

Condii lisai 46:7

Vanaa-mangalaa-isɔɔa co vɔngaa, masɛi co hiilɔnndo, kɛ Mɛlɛka co diomndo solio, mì lɛŋnden le va puusianndo.

Yosue 10:42

Mó bii tàndàla lan a masaa ndaa kpow o lepilɔɔ. Kani Mɛlɛka Hala Israɛlla va cɔwvo tosaa le nda ni.

Condii lisai 46:11

Mɛlɛka co yondaa aa: «La sim mì la sina maa ya co Hala ni, ya co masalen tosaa vanaa-mangalaa-isɔɔa coo ni, ya o labɛngunin lɛŋnden le co ni.»

1Samiɛl 14:6

Mí Yonatan dimul langbanɔ va ndu kon ɲɛm cɔwvon cuello-o aa: «Hun mì n sɔɔnguu vanaa dii haa tooma le-a macɛlu kpɛɛlun, bɔɔle mì Mɛlɛka mala naa mì n nɔla nda. Kani n va sɛ́lɛ́, n va sɛ́lɛ́ le, Mɛlɛka dimi pɛ le naa baŋaa, o baŋa naa.»

Rɔmnda 4:1

Vɛ̀ɛ̀ naa n dimi yɛnin a Abraham o kɔɔ, o yɔŋnun fuɲa naa mamaa o falon nin-ndo? Yɛɛ o sɔla yɛ?

1Masaa 8:57

Màá Mɛlɛka Hala naa lo naa ikɛi mɛɛ o va fuɲaa naa mamaa ikɛi yɛ! Màá ò múlùl naa kɔɔ mo mal naa le!

2Masaa 6:16

Mí Elise mulul buɛi ndɔ kon aa: «Siòòŋii bii nɔm te, kani vanaa co naa ikɛi-ya hiow vaa sɛ́lɔ́ɔ́ a vanaa co nda ikɛi-ya.»

1Dɛnnda lemasalan 5:22

Má diw vannda o cɔw kon taw, kani Hala va nda malaa. O kon, má calnun niko o lɛŋnde Hakeriaa kan nin háá telen nda kɔɛ a Israɛlla o biyɔɔ nin-ndo.

Condii lisai 56:9

Nɔm Hala, a co cɔmndo mɛɛ ya sɔndan bɛmbɔɔ kpɛ́ɛ́ yɛ. Haw mɛmɛma nian o bɔlɔ yáw-cuin nɔmndo nin. Vɛ̀ɛ̀ a cii man sɛva o sɛbɔɔ nin te?

Esai 8:10

La tuu dɛnndan taw le tosaa, kɛ tuula lan la co cuvɔɔ laasian. La dimi sɔɔn, kɛ sɔɔn mun tosannin te. Kani Hala co a naa latulu.

Esai 41:10

Yɔŋ isiòòn te, kani i co nɔm ikɛi, mɛɛndian ɲalaku-ɲalaku a buulanndo le, kani ya co Hala nɔmndo ni. I lueinin nɔm yoomuan, i co nɔm mala, i malanin nɔm a ba ni kɛndɛ kpaaya bɛndoo.

Yeremi 42:11

La yɔŋ ndɛ isiòòn a masaa Babilɔn te, ya Mɛlɛka co niaa ndi dimullo lende ni. La yɔŋ isiòòn a ndu le, kani i co niaa ikɛi, le niaa ciindiaa mì soli niaa ndu o ba.

Matie 1:23

«Cuaambɔ lembu sina vɔ dɛnɛ vanapɔnɔ loo cuanin folio, mò velu hɔ́ɔ́ piaandoo, mà ke ndu diolan aa Emmanuɛl», kɔlɔ ndɔɔ co ni aa: «Hala co naa ikɛi».

Rɔmnda 3:5

Kɛ te sandii nɛi lepɛŋnde tosa pɛ mì sandii Hala-e sinan, vɛ̀ɛ̀ naa n dimi yɛnin ken? Vɛ̀ɛ̀ vana sandaa lepɛŋndo Hala va le kɔllo tuuloo a naa ni? (O vanacieeyɛi nin ya co sɔɛi nuaa ni.)

1Dɛnnda lemasalan 19:15

Tuma Amɔnnda ce maa Aramiia ɲaanun-ndo, mí nda bɛɛ ɲaanun Abisai puapilɛ Yoab-o, má kɔa o kobi ndaa nin. O kon mí Yoab muungu Yerusalɛm.