A cɔlɔbanin saa téndóó, kɛ mì saa téndé kon nɔla nda, kani ndu co vana bɛndu vanaa bɛndua a masa masaa ni. Vanaa sɔla veeloo-a, a sɔla hɛlio-a a vanaa lo o lediom coo-a vanin latulu a ndu, mì nda bɛɛ nɔla ndu.»
O yiinan naa n yiinan a Krista-o, mí naa bɛɛ n sɔla hɛlio. Mɛlɛka ndóò cii nin dɛnɛ kon tosa le naa mɛɛ o tuu yɛ. Mɛlɛka kon pɛɛn, ó tosa dɛnndan kpow mɛɛ hɛnan ndɔɔ co yɛ-o.
Lelan Krista co vana tɛɛlanndo le kpema sɛnɛiyo ni. O sɔla piɔ́mndo le vanndacieea baŋaa le tɛɛmbuula ndalan telen nda va o kpema tasoo bɛngu-o. Vanaa sɔla veeloo-a nda tiwba ma sɔla kɛ́ fɛɛn-fɛɛn Hala yiilu nda kpemaa-o.
Kɛ niaa, vanaa Hala hɛli-a niaa co ni, vanaa-solia-lasálàá lemasaa, kunda diandaa, haliko mi la yonda dɛnnda kɛndɛla vana soli niaa o ɲumndan nin, mó cuu niaa o ɲɛ-tengaa ndɔ sɔvɛɔ-o nin-ndo lan.
Nduyɛ lende vanaa pum niaa tɛɛn a va paandu ni. Kɛ mí la sɔla pulɔɔ diandaa Mɛlɛka-o, mí la sɔla diondɔɔ le hakila niaalan, mí la siŋnun vanaa dɛnɛ sandaa Mɛlɛka-a o diola Maalii Yeesu Krista lan a á Kɔl-Diandaa Hala naa.
N luei niaa yoomuan, mí n ɲɔɔlu niaa, mí n lo niaa kɔɔli háá mɛɛ o bɛnda Hala o hɔl-lɛ. Hala, o véélú niaa le luɛyɔɔ o Masale ndɔlen nin a o biilu ndɔɔ nin-ndo.
N co sɛbɔɔ ho sɛva le vanaa laalaŋaa co Korɛnte-a, le vanaa yɔngun ma va a diandaa o Yeesu Krista nin-nda, a le vanaa co diola Maalii Yeesu Krista lan veeloo nɛɛ-nɛɛ ka-a kpow, o co Maalii ndaa a Maalii naa-o.
Mí mɛlɛkanɔɔ dimul-la aa: «Sɛva aa: ‹Dɛnɛ kɛndɔɔ co le nda, vanaa sɔla veeloo le ɲɛdiaa kafo yiyaa nɔ Saa téndóó-a.› O kon mó dimul-la aa: ‹Sɔɔn toɲan Hala-on co mun ni.›»
Pua, i yeema mì vanaa n ke ya-a bɛɛ va naa ndaa latulu nɛɛ ya co-a, haliko ma mɛɛndian biilu nuu, o n ke ya-o pɛɛn, kani lɔ́ɔ́ pá mì ceendo cɔawnun, nɔm óò kaola nin ya.
La sanga vɔnin le telen bingi. Kɛ Hala nɔ kɛndɛi kpow o ba-o, o veelu niaa o Krista nin le biilu fɛɛn-fɛɛndo-o pila pɛɛkunin niaa, mò kindi niaa, mò luei niaa yoomuan, mò tosa la hiilun te.
Kɔɔlen len pilɛ le co ni, Kɔl-Diandaa vɛlɛ ndu pilɛ co ni. Lende koni, kɔlkɛsiaa ndu pilɛ co ni, maa mɛɛ niaa bɛɛ sɔla veeloo o kɔlkɛsiaa ndu pilɛ nin yɛ.
Kani sanga bɛndu co naa hoo coo sunsun-ndo co ɲɛ-ɲɛ le, nduyɛ le telen bingi koni o co ni. O co naa pɔɔ bɛɛndiaa le biilu naa hun sɔlanin-ndo. Biilu kon vanin le fɛɛn a fɛɛn, ndu hiawnin vaa o bɔɔ a sangaa ho.
Mí Yeesu hiaw laci a nda dimullo aa: «I co niaa toɲaa dimul kpendekele, vana-vana tuei pɛ sɔɛi nii mò laalan vana vem ya-o, vana kon ndu sɔla cinda fɛɛn-fɛɛndo, o sɔla yaala le, kɛ o fula o piɔ́mndo nin, mó muungu yoomu.