Rɔmnda 8:29 - BII BILA

²⁹ Kani vanaa Hala síná paandu pa-a, nda o toosiaa le siŋnɔnndo maa velan Po ndɔɔ ni, haliko mo va Po tasoo puapilɛa taw tɛɛn.

Rɔmnda 8:29 Referans Kwoze

Yeremi 1:5

«Lɔ́ɔ́ pá ya hun cɔw nɔm kala nɔm o dembe, yáà sina nin nɔm. Lɔ́ɔ́ pá mó vialu nɔm, yáà hɛli nin nɔm le siŋnɔnndo vana-tɛɛngaa-diom Hala-o le sɔɛi o vanaa-mangalaa-isɔɔa lo!»

Efɛsea 1:11

O yiinan naa n yiinan a Krista-o, mí naa bɛɛ n sɔla hɛlio. Mɛlɛka ndóò cii nin dɛnɛ kon tosa le naa mɛɛ o tuu yɛ. Mɛlɛka kon pɛɛn, ó tosa dɛnndan kpow mɛɛ hɛnan ndɔɔ co yɛ-o.

2Timote 1:9

Ndu Hala ciindiaa naa ni, mó veelu naa veelu diandaa, haliko mi n va vanaa ndɔa, o co le dɛnnda naala kɛndɛlan te, kɛ le tùú ndu pila tuu, mó tosal naa kɛndɛi o Yeesu Krista nin kabi o tasendɔ-o.

1Piɛr 1:20

Mó sɔla hɛlio lɔ́ɔ́ pá mí ceendo cɔawnun, mó fula ceen vakpa o palɛi mɛɛlɛi he le dɛnɛ niaa kɛndɔɔ.

Dɛnnda cɔɔmuanndan 13:8

Vanndacieea co o lɛŋnden coo-a kpow a baŋnin ndu vulan o labɛngunin, vanaa diola ndalan láà sɛvan kabi o ceendo kilaa o sɛbɛ cindaa saa téndé nda dii-o nin te-a pɛɛn!

2Timote 2:19

Kɛ nduyɛ, sɔɔn kpeekpeiyun Hala tɔl mì n kɛsi tumndo-on n co mun ni aa: «Mɛlɛka sínà a ndɔ-a», nduyɛ: «Vana-vana dimi pɛ maa o Mɛlɛka-o o co ni, mɛɛ o màl dɛnɛ vɔɔndo.»

1Korɛntea 2:7

Kɛ kɔlkalu Hala-o, kɔlkalu dɔaw vanndacieea kɔndɔfilio, o co o vianaa-o, o Hala ndóò cii nin hɛli le biilu naa lɔ́ɔ́ pá mí ceendo ho kandun-ndo.

1Piɛr 1:2

Pua nuu Hala cii niaa hɛli mɛɛ o tuu paandu pá-pá yɛ, le tùú niaa sɔla dindio Kɔl-Diandaa o ba le sɔɛi Yeesu Krista-e biyɔɔ, mí la sɔla kooma ndɔan fasaŋiaa le dindio sɔlaa yɛ. Màá kɛndɛi a kɔlɲuloo va le niaa taw-taw!

1Korɛntea 15:49

Mɛɛ naa n velan a vana cɔwnun a puuloo-o yɛ, lende koni naa n velannin a vana fula o halataala-o ni.

Rɔmnda 9:23

Kɛ mó yeema le cɔmndo mɛɛ kpɛ́ biilu ndɔɔ co o bɔɔ le kpɛɛnɛn o tuinun iɲíí-yon yɛ, n o cɔw le biiloo-on pɛɛn.

1Nsaŋ 3:2

Caaŋaa nia hɛnan ya-a, cuavaa Hala-a naa n co nin ni, mɛɛ naa n hun vanin yɛ cɔmnun ndɔ le, kɛ i naa n sínà-e co ni maa telen Krista fulanin ceen-ndo, maa ndu naa n vanin ni, kani n canin ndu mɛɛ o co yɛ.

2Korɛntea 3:18

Lelan, naa kola vaan-vaan co o hɔl te-a kpow, biilu Mɛlɛka-o naa n co maa tofan ni. Nduyɛ, Mɛlɛka, o co Kɔl-Hala-o cii naa mangala le vaa velan ndɔɔ, n co hiovɔɔ laci tuŋ a biiloo sɔlaa. Vali Kɔl-Hala-o co tosaa-o co kon ni.

Rɔmnda 11:2

O co kɛɛ le Hala kɛɛ vanaa ndɔa o síná o tasendɔ-a le. La sínà ɲɛ sɛvan a Elii o kɔɔ-o le? Mó cɛɛŋun a Israɛlla o sondo o Hala lo aa:

Nsaŋ 17:16

A co le ceendo le, maa mɛɛ ya co le ceendo yɛ.

Filipea 3:21

Ndu mangalanin kɔɔle naale dɛnɛ palaalen ni, mò mingi len maa kɔɔle ndɔle biilaa len, a kpaaya bɛndu o nɔ le ɲɛ-ɲɛ fee lueinɔnndo ndu o ba bɛngu-o.

Efɛsea 4:24

La cua vanacieeyɛi sɛnɛiye, i cɔwnun a velan Hala-o-e, i cɔmnun o dɛnɛ sandaa nin a o diondɔɔ nin maa mɛɛ toɲaa co yɛ-e.

Fulaa 33:17

O kon, mí Mɛlɛka mulul ndu aa: «Le cɔ ya ce nɔm ɲia mí hɛli nɔm-ndo, i cɛl le sɔɛi n dimul-la-e tosaa.»

Matie 12:50

Vana-vana tosa pɛ hɛnan Fuɲa ni co o halataala-o, vana kon co pɔmbɔ nuu, yema nuu a kala nuu ni.»

Fulaa 33:12

Mí Moise dimul Mɛlɛka aa: «Tofa vɔ, a dimul-la aa ya kɔ a vannda ha, kɛ a cɔm ya vana n co vomɔɔ le naa liilaa-o le. Nduyɛ nɔm pila dimul-la ni maa a hɛli ya má ca ya ɲia taw.

Condii lisai 1:6

Kani Mɛlɛka sinà nɛi vanaa sandaa, kɛ o tambei nin nɛi vanaa kɔlvesɛiya yaa vana ni.

Nsaŋ 17:26

I cɔm nda diola nɔmndan, i cɔmnin nda lan vɛlɛ, haliko mi kaola n nɔ le ya-o va nda nin, o kon mì ya i va nda nin.»

Rɔmnda 13:14

Kɛ n vownun Maalii Yeesu Krista maa doma. N malnun falon o ba le yeemɛi ndɔɛi vɔɔnde tosaa le.

Matie 7:23

O kon, i dimulnin nda aa: «Lepilɛ bɛɛ i sina niaa le. La faŋan ya, niaa vanaa tosaa dɛnnda vɔɔnda ha!»

Nsaŋ 20:17

Mí Yeesu dimul ndu aa: «Pilan ya le, kani i hel-lɔ o Pua lo le. Kɛ kɔ dimul puapilɛa nia aa i co helɔɔ o fuɲa nuu a fuɲa niaa lo, o Hala nuu a Hala niaa lo.»

Nsaŋ 17:19

Ya pila i yɔngun le nda, haliko mi nda bɛɛ yɔngun nɔm o toɲaa nin.

Condii lisai 89:27

O veelunin ya mò dimi aa: Nɔm co fuɲa nuu ni, Hala nuu, pow kpova co vana ciindiaa nuu-o.

Matie 25:40

O kon masaa mululnin nda aa: ‹Mì dimul niaa toɲaa, telen oo telen niaa va o hiow dɔɔnanndo o puapilɛa nia ha tɛɛn-ndo dɛnnda lan tosallo, ya niaa va tosal kon lende ni.›

Matie 28:10

O kon mí Yeesu dimul nda aa: «Siòòŋii bii niaa le, la kɔ dimul puapilɛa nia le kɔlan Kalile, lon nda canin ya ni.»

1Korɛntea 8:3

Kɛ te vana kaola pɛ Hala, Hala sínà vana kon.

Kolɔsea 3:10

mì la vownun vanacieeyɛi sɛnɛiye le sinapɛngu peelanndo sɔlaa maa mɛɛ vana cɔw vanacieeyɛi kalɛi-yo co yɛ.