Rɔmnda 8:26 - BII BILA

²⁶ Lende koni Kɔl-Diandaa co naa malaa o kpaaya naa lepɛŋndo nin ni, kani n sinà ɲɛ naa n bɛnda le ɲunaa o piɛile naalen nin-ndo le. Kɛ Kɔl-Diandaa pila co piɛilen le naa a kuŋnda vanaciee nɔla tuula le lan.

Rɔmnda 8:26 Referans Kwoze

Matie 10:20

Kani o venin niaa le soaanin te, Kɔl Fuɲa niaa-o soaanin niaa nin ni.

Efɛsea 6:18

La piɛi Hala telen oo telen. La va piɛile súú-súù ka a tɛɛlɔnnda súú-súù ka tosaa a kpaaya Kɔl-Diandaa. Lelan, la mɛɛndian mì la kindin o ken coo taw. La piɛi le vanaa diandaa kpow.

Kalatea 4:6

Le mɛɛ niaa co cuavaa vialaa yɛ Hala luei Kɔl Po ndɔɔ naa o lakɔl ni, ndu co naa vomɔɔ Hala veeloo ni aa: «Pua!»

Nsaŋ 14:16

o kon, i piɛinin Pua, mò ke niaa vana ɲɔɔlaa celen, o vanin niaa ikɛi le lɔ́ɔ́-lɔ́ɔ̀-o:

Efɛsea 2:18

Kani a ndu o kɔɔ naa sɔla sɔɔnguuo vellaa-velle Hala Fuɲaa ikɛi o kɔl pilɔɔ nin ni.

Rɔmnda 8:15

O co kɔl siinguu niaa n'cɛ mì la cal vɛlɛ a isiòòn te niaa sɔla le, kɛ Kɔl siinguu niaa cuavaa Hala-a-o. Ndu koni tosa ni mì n veelu Hala aa: «Pua, Fuɲa naa».

Condii lisai 6:9

La fàŋán ya ikɛi, niaa vanaa tosaa dɛnnda vɔɔnda ha! Kani Mɛlɛka tuei caŋnda nilan.

Hebreea 4:15

Bolle vanaa-solia-lasálà naa n nɔ-o nɔ ɲíí nɛi. Kani fúú le, o sínà maa n nɔ kpaaya le. Kani ndu bɛɛ mó sɔla tɔɔndanndan o nɛi oo nɛi coo mɛɛ naa n co tɔɔndanndan sɔlaa yɛ, kɛ o tosa haki kɛ́-kɛ̀ le.

Nsaki 4:3

La co ɲunaa, kɛ la co sɔla le, kani la co caa ɲunaa le, le yeemɛi niɛi tosaa daama niaa co ɲunaa ni.

Rɔmnda 15:1

Naa vanaa nɔ kpaayaa o laalanndo nin-nda, o bɛnda mì n biwnun vanaa nɔ kpaaya le-a. N nuwvian o hɛnan naa pila-o kínɛí le.

Luke 22:44

Mí Yeesu buulan taw, mó piɛi a kpaayaa taw-taw, mí lalle muungu ndu maa makòó, mí i va delio lɛŋ maa matoŋtoŋ.

Sakari 12:10

I cucunin kɔl ikɛndɔɔ a kɔl tɛɛlanndo polale David len a vanaa vanin icali Yerusalɛm-nda kpow coo. O kon, a mulinin hɔlla o ya lo mà tofa ya, le vana nda buli lungbuei-yo. A caŋnin le ndu mɛɛ vana caŋ le piɔ́m pole pilɛlen nuaa yɛ. A koŋulnin ndu coo mɛɛ vana koŋul le piɔ́m po tasoo yɛ.

2Korɛntea 5:4

Kani te n co vɔ pɛ o cɛi-kola-toandaa ceendo ho nin, mɛɛ mì n va sangaa maa mɛɛ vana sanga o volɔɔ lusulaa bɛngu nuaa yɛ. I co toɲa maa n yeema mì n faŋan ndu lekɔɔ le, kɛ n yeema mì n cuɛinun volɔɔ fula o halataala-o, haliko mi yoomoo mangala dialun co hunɔɔ vu-on.

Condii lisai 10:17

Nɔm Mɛlɛka, a co yeemɛi vanaa bala fondoa tueyɔɔ, a co nda yoomuan lueiyo, a co nilan yaŋɔɔ o cɛɛŋɔnnda ndalan,

2Korɛntea 5:2

N co somisominndo o telenndo ho o cɛi-kola-toandaa naa n co hoo nin ceen nanu-o nin. Yeemɛi co naa taw, mì n luɛi o calta naala co o halataala lan nin.

Matie 20:22

Mí Yeesu mulul ndu aa: «La sínà ɲɛ niaa co piɛiyo-o le. La nɔla pá kolɔɔ a taala kólaa ya co kolɔ̀ɔ̀-o?» Má muli aa: «N nɔla!»

Condii lisai 102:5

Kɔllo vesa ya mɛɛ bil nda kelu-o vesa nuaa yɛ. I pɔɛɛnun le ɲɛdiaa nuu dioo.

Condii lisai 6:3

Tuinun ya iɲíí, Mɛlɛka! I co bɔɔ ɲawvo. Singi ya, kani paala nilan kpow la co ɲiiyaa.

Hebreea 5:2

Ndu pila bolle vanaa-solia-lasálà kon, o nɔ biondɔnndo taw. Le hee o tiwba mò bii sɔvun vanaa co biondɔnndo o sina lepɛŋndo nin-nda bila.

Rɔmnda 7:24

Mbɔ̀ dɛnɛ pala ya fɔ́! Nɛ̀ɛ́ baŋa yɛnin ya dialun piɔ́mndon mun o ba?

Condii lisai 69:3

I co mɔɔvaa o loolio yingilaa nin, fonda kɛsiaa n'pelu le simndan bɛɛ co le. I co mɔɔvaa o mɛmma yingilan nin, tindian ma co kɔnndan a ya.

Condii lisai 102:20

Mɛlɛka lo o Fonda-Diandaa ndɔɔ, mó naŋun le tofaa. O lo o halataala, mó mɛɛndan lɛŋnden

SƐBƐ YƆB-O 37:19

Cɔm naa ɲɛ naa n bɛnda le ndu Hala dimullo-o. N nɔ ɲɛ-ɲɛ naa n cɔm ndu le. O ɲumndan nin naa n co ni.

Cɛɛŋɔnnda Yeremi lan 3:56

Má tuɛi ya koŋullo aa: ‹Kíndàl-la nilan mà kɛɛ veelu ya co nɔm a mɔnɛi le ya malaa-o tueyɔɔ le.›