Rɔmnda 8:25 - BII BILA

²⁵ Kɛ te n kɛsi pɛ kɔllo ɲɛ naa n co cɔ loo coo, n cum ndu a biuvɔnndo.

Rɔmnda 8:25 Referans Kwoze

Rɔmnda 12:12

La dɔwnun ɲaale o kɔlkɛsiaa niaa nɔ-o nin. La va vanaa yulu dɛnɛ palaa-a, mì la biwnun o piɛilen nin.

Hebreea 10:36

La hiow laci a biuvɔnndo le hɛnan Hala-o tosaa, mì la sɔla ɲɛm o dimi-on.

Condii lisai 27:14

Lelan, tiindan Mɛlɛka. Sim yili, ma luei yoomuan, tiindan Mɛlɛka.

1Tesalonikea 1:3

Nduyɛ, n co loonɔnndo lɔ́ɔ́-lɔ́ɔ̀ a laalan niaa laalan Hala Fuɲa naa-o, o niaa co cɔmndo o dɛnndan nin mì la va baalaa tosaa o kaolaa nin-ndo pɛɛn, a le tiindan kpeekpei niaa tiindan Maalii Yeesu Krista-o.

Kolɔsea 1:11

N co ndu ɲunaa o nɛi oo nɛi coo le niaa yoomuan lueiyo a kpaaya ndɔ biilaa, o kon mì la va vanaa biuvannda o dɛnndan kpow nin.

Luke 21:19

Lelan la ló biuvɔnndo, mì la sɔla cindaa.»

O Kandɔɔ 49:18

Éé Mɛlɛka! Nɔm ya tiindan ni. Baŋa ya yandi.

2Tesalonikea 3:5

Màá Mɛlɛka cɛl mì la handu kɔltan o kaola Hala-o a o biwnɔn Krista-o coo!

Esai 25:9

Vannda diminin paale len aa: «La tofa vɔ Hala naa!» O ndu coo naa n kɛsi kɔllo ni, ndu baŋa naa ni. Ndu co Mɛlɛka ni, ndu naa n handu laalan naa coo ni. Lelan, n naŋnun kɔl mì n dɔwnun ɲaale le cinda o nɔ-o.

Rɔmnda 8:23

O co ka ɲɛm mun daama le, kɛ naa n sɔla nin Kɔl-Diandaa o tasendɔ-a bɛɛ, naa pilaa n co somisominndo. N co cumndo le mɛɛ Hala siinguu naa cuavaa ndɔa kpeekpeiya yɛ, haliko mi dialun naan sɔla baŋaa.

Dɛnnda cɔɔmuanndan 1:9

«Ya co Nsaŋ ni, puapilɛ niaa co o dɛnɛ palaa pilɔɔ nin, o masale pilɛlen nin a o biuvɔn pilɔɔ nin a niaa o Yeesu nin-ndo. Le sɔɛi Hala-e a le seile Yeesu len, i va o ɲaanɔnndo nin o lɛŋnde co o mɛnndan tɛɛn-nden nin Patmɔs .

Hebreea 6:12

La vá vanaa dialun vílɛ́i le, kɛ la vá velan vanaa laalaŋaa kindin má lo lecoo-a, a sɔlá ɲɛm Hala yii kpemaa-on kɛ́ɔ-va pɛɛn.

Rɔmnda 2:7

O kenin vanaa co biuvɔnndo le dɛnɛ kɛndɔɔ tosaa-a yoomu fɛɛn-fɛɛndo, a co kindinndo le biiloo, bɛɛlen a si lɔ́ɔ́-lɔ́ɔ̀-o sɔlaa-a pɛɛn.

Luke 8:15

Yɛi del o lɛŋnde kɛndɛlen-ndo, ndu co vanaa tuɛi sɔɛi Hala-e, má bii ndi a kɔlkɛndɔɔ a á kɔlta ndalan kpow-va ni, má lo lecoo háá má koam komɔɔ kɛndɔɔ.»

Esai 26:8

Éé Mɛlɛka! N co nɔm cumndo o nɛi tɔŋnda nɔmndan la cɔm naa-o coo, yeemɛi co naa o lakɔl taw-taw le diola nɔmndan piɔlɔɔ a le loonɔnndo a nɔm o kɔɔ.

Condii lisai 62:1

Condii David-e, í fula o condun simlacinɔ vanaa n'condua nin-nde, Yedutun pɛɛn.

Dɛnnda cɔɔmuanndan 14:12

Nuaa biuvɔn vanaa diandaa co le Hala-a cɔ̀mnun ni, a co tɔŋnda ndɔlan biyɔɔ mà laalan Yeesu-a pɛɛn!

Dɛnnda cɔɔmuanndan 13:10

Te vanndo nɔ pɛ le kɔlan o biyɔɔ nin, o biyɔɔ nin o kɔanin ni. Te vanndo nɔ pɛ le piɔ́mndo sɔlaa o mɔɛi cɔwve bɛngu, o mɔɛi cɔwve bɛngu o sɔlanin piɔ́mndo ni. Lelan vanaa diandaa bɛnda mà cɔm biuvɔn ndaa a laalan ndaa.

Hebreea 6:15

Mí Abraham biwnun, mó cum, o kon mó sɔla ɲɛ Hala ndóò dimul ndu le ndu yɔngoo-o.