Rɔmnda 8:24 - BII BILA

²⁴ Kani o kɔlkɛsiaa nin naa n sɔla cindaa ni. Nduyɛ vanndo ce nin pɛ ɲɛ o kɛsi kɔllo coo-o, mɛɛ kon co lɛ kɔlkɛsiaa le. Vɛɛ vana kɛsi yɛ vɛlɛ ɲɛ n ce nin-ndo kɔllo coo?

Rɔmnda 8:24 Referans Kwoze

Hebreea 11:1

Laalanndo co sinaa ni maa ɲɛm vana kɛsi kɔllo coo-on toɲaa lekɛ́ndɛi n co ni, nduyɛ maa vana co mun sɔla. Seile ɲɛm vana co cɔ a lehɔl te-on o co ni.

2Korɛntea 5:7

A laalanndo naa n co kelaa ni, o co le ɲɛm naa n co cɔw-von te.

2Korɛntea 4:18

Lelan, o co ɲɛm naa n co mun cɔw-von te naa n co tofa le, kɛ ɲɛm vana ci loon. Kani ɲɛm vana ca-on mun, le telen bingi koni n co ni, kɛ n vana ci loon mun co le lɔ́ɔ́-lɔ́ɔ̀.

1Piɛr 1:21

O ndu nin niaa laalan Hala tindi ndu fulaa vanvílɛ́iya tɛɛn, mó ke ndu biiloo-o ni, haliko mi laalan niaa a kɔlkɛsiaa va o Hala nin.

1Tesalonikea 5:8

Kɛ naa co le paalen-nda, n biinùn kɔlta naalan. N nɔnnùn laalanndo a kaolaa mɛɛ vana vownun mɔsil cɔwvo nuaa yɛ, mì n nɔnnùn tiindanndo le cindaa mɛɛ vana vownun mɔsil cɔwvo nuaa yɛ.

1Piɛr 1:3

Balikaa co le Hala, o co Fuɲaa Maalii naa Yeesu Krista-o. O tuinun naa iɲíí, mí n muungu a kiyɛi o tendul Yeesu Krista tendul, mó fula vanvílɛ́iya tɛɛn le tiindan kpeekpeiyo sɔlaa-o,

Rɔmnda 12:12

La dɔwnun ɲaale o kɔlkɛsiaa niaa nɔ-o nin. La va vanaa yulu dɛnɛ palaa-a, mì la biwnun o piɛilen nin.

Rɔmnda 5:2

Le ndu naa n sɔla kɛndɛi naa n co hee nin-nde ni, i naa n sɔla a laalanndo-e. Nduyɛ n nɔla mì n kuundian le tiindan naa n nɔ o biilu Hala-o nin-ndo.

Rɔmnda 15:13

Màá Hala ke vana kɔlkɛsiaa-o pei niaa ɲaaloo a kɔlɲuloo o laalan niaa nin, haliko mi la pɛ a kɔlkɛsiaa o kpaaya Kɔl-Diandaa nin!

Kolɔsea 1:27

Kani Hala ndóò yeema le nda sɔɛi viannaŋii ken cɔmndo, sɔɛi sɔvɛi kɛndɛi bɛnduei, i toosian le vanaa-mangalaa-isɔɔa kpow malaa-e. Sɔɛi viannaŋii ken co hee ni: Krista co niaa nin, mò va niaa kɔlkɛsiaa keo maa la vanin o biilu Hala-o nin.

Rɔmnda 15:4

Nduyɛ, sɔɔn kɛ́-kɛ̀ n sɛvan lɔ́ɔ́ kon, le naa pɛɛkoo n sɛvan ni, haliko mi biuvɔnndo a yoomuma Sɔɛi Hala-e ke vana-an ma mala naa le kɔllo kɛsio.

Kalatea 5:5

Naa yɛ, n laalan maa siŋnunnin vanaa sandaa o balika Hala Kɔl-Diandaa bɛngu, ken naa n co cumndo a tiindanndo ni.

Condii lisai 146:5

Duaa co le vanaa Hala Yakɔb-o co malaa-a, a co ndu tiindanndo-a pɛɛn.

1Nsaŋ 3:3

Vana-vana kɛsi pɛ ndu kɔllo coo, ndu díndin, maa mɛɛ Krista pila co o diandaa yɛ.

2Tesalonikea 2:16

Màá Maalii naa Yeesu Krista pila a Fuɲa naa Hala, o kaola naa mó luei naa yoomuan a kɛndɛi ndɔɛi le fɛɛn a fɛɛn-ndo cɛl, mò ke naa vɛlɛ tiindanndo,

Kolɔsea 1:23

Kɛ nduyɛ mɛɛ mì la lo o laalanndo nin, mì la sim lecoo yili, la faŋan o tiindan niaa sɔla kabi niaa tuei Yoongu Kɛndɔɔ-o coo le. Yoongu kɛndɛ kon tiiyalannin ɲɛm cɔwnun-ndon kpow, vana baala yoongu kon ya Pol siŋnun nuaa ni.

Kolɔsea 1:5

Sɔɛi toɲɛi tiiya o niaa lo, sɔɛi co Yoongu Kɛndɔɔ-e pɛɛn, mí la sina ɲɛ Hala co niaa mandallo o halataala-o. O tiindan kon coo laalan niaa a kaola niaa kɛsu tumndo ni.

1Korɛntea 13:13

Sunsun yɛ niko, ɲɛm yaan mun n co ni: laalanndo, kɔlkɛsiaa a kaolaa, kɛ o hiow lan kpow-vo co kaolaa ni.

Sakari 9:12

Lelan, niaa vanaa kaasoaa nɔ tiindanndo-a, la muungu o kobi niaa kungan a kpakio-o nin. Hau vɛlɛ i co ndi dimi, i vangalanin dɛnɛ kɛndɛ niaa bɛmbɛ lediin le sanga niaa sɔla-o.

Yeremi 17:7

Kɛ duaa co le vana kalifan ya Mɛlɛka-o, ò ya Mɛlɛka co kɔlkɛsiaa ndɔɔ-o pɛɛn!

Condii lisai 33:18

Kɛ Mɛlɛka nɔ hɔlten vanaa nɔ siòòŋii ndɔɛi-ya coo, vanaa co kɛndɛi ndɔɛi tiindanndo-a pɛɛn.

Condii lisai 33:22

Màá vanakɛndɛyɛi nɔmnde va naa coo, Mɛlɛka! Bau nɔm naa n tiindan ni.

Talelan 14:32

Dɛnɛ vɔɔn vana kɔlvesɛiyo tosa-o tɛɛmbuu ndu ni, kɛ vana sandaa ndu nɔ kɔlkɛsiaa hali o piɔ́mndo hɔl-ndɔ.

Rɔmnda 4:18

Tiindan kɛ́-kɛ̀ ve lɛ le, kɛ mí Abraham tiindan. Mó laalan Hala, le ken o siŋnun «fuɲa-mamaa le vanaa-mangalaa-isɔɔa bɔɔ-bɔɔ» ni, maa mɛɛ ndíì dimulun ndu yɛ aa: «Lende cuavaa nɔmnda vanin sɛ́lɛ́ ni.»

Rɔmnda 8:20

Kani ɲɛm Hala cɔw-von luɛi ɲɛ fondoo o ba bɛngu. O co hɛnan ɲɛm mun pila le luei mun te, kɛ Hala cɛl le ken tosanndo ni. Kɛ a kon kpow, tiindanndo co le ɲɛm mun.

Tite 3:7

haliko mo siinguu naa vanaa sandaa o kɛndɛi ndɔɛi bɛngu, o kon mì n sɔla cinda fɛɛn-fɛɛndo, o naa n co tiindanndo-o.