Rɔmnda 8:23 - BII BILA

²³ O co ka ɲɛm mun daama le, kɛ naa n sɔla nin Kɔl-Diandaa o tasendɔ-a bɛɛ, naa pilaa n co somisominndo. N co cumndo le mɛɛ Hala siinguu naa cuavaa ndɔa kpeekpeiya yɛ, haliko mi dialun naan sɔla baŋaa.

Rɔmnda 8:23 Referans Kwoze

Hebreea 9:28

Lende koni, lepilɛ kpé Krista solin sálà le hakila vanaa bɔɔ-bɔɔ faŋaa ni. O hun cɔmnunnin vɛlɛ o diinndɔɔ le vanaa co ndu cumndo-a hunɔɔ ciindiaa, kɛ o ve lɛnin le lahaki faŋa le.

Efɛsea 1:14

Kɔl-Diandaa kon co tɔɔmasele ɲɛm kɛndɛn o kɛsul naa-on ni, háá mi vanaa Hala-a a sɔla baŋaa. N sɔlanin mun kɛ́ɔ tuma naa n sɔlanin baŋanndo kpede le hakio-o. Lelan, n lisan bɔɔbɔɔyɛi Hala-e.

Efɛsea 4:30

La tɛɛmbuu Kɔl-Diandaa Hala-o kɔl te, o niaa sɔla pondalen holɔɔ a ndu le paale baŋaa len-ndo.

Tite 2:13

Nuaa naa n bɛnda ni mì n cum palɛi naa n co tiindanndo-e, a paale biilu Hala naa bɛndoo, a Yeesu Krista Vana naa ciindiaa cɔmnunnin-nden.

Kalatea 5:5

Naa yɛ, n laalan maa siŋnunnin vanaa sandaa o balika Hala Kɔl-Diandaa bɛngu, ken naa n co cumndo a tiindanndo ni.

Rɔmnda 7:24

Mbɔ̀ dɛnɛ pala ya fɔ́! Nɛ̀ɛ́ baŋa yɛnin ya dialun piɔ́mndon mun o ba?

Rɔmnda 8:19

Ɲɛm Hala cɔw-von kpede n co telen Hala hun cɔmnin biilu cuavaa ndɔa-o cumndo a yeemɛi bɛnduei.

Luke 20:36

A vi lɛnin te, kani maa mɛlɛkaa nda vanin ni. Poaa Hala-a nda vanin ni, le tùú nda tendulnin mà muungu yoomu-o.

1Nsaŋ 3:2

Caaŋaa nia hɛnan ya-a, cuavaa Hala-a naa n co nin ni, mɛɛ naa n hun vanin yɛ cɔmnun ndɔ le, kɛ i naa n sínà-e co ni maa telen Krista fulanin ceen-ndo, maa ndu naa n vanin ni, kani n canin ndu mɛɛ o co yɛ.

Luke 21:28

Te dɛnnda lan la kandu pɛ tosan-ndo, la heelu hɔlla, mì la tofa coocoo, kani baŋan niaa sɔɔnguu.»

1Piɛr 1:7

Laalan niaa nɔ yɛ o Yeesu nin-ndo, ndu hiow baa kaloo a sianion. Lelan, le sinaa te la nɔ pɛ laalanndo o Yeesu nin lekɛ́ndɛi, mɛɛ mì sɔɔn dɛnɛ palaan kei niaa coo. O kon, paale Yeesu Krista cɔmnunnin-nden le tiiya pɛ, la sɔlanin candɔɔ, biiloo a bɛɛlen.

2Timote 4:8

Nduyɛ, Mɛlɛka cii vɔ̀ngɔ̀ nuu manda. Ndu Mɛlɛka sandaa kialu yamɛi-yo yɔngunin ya ndu paale o kialunin vannda iyama len. O co ya kínɛí le o yɔngunin ndu le, kɛ vanaa cumnin hunɔɔ ndɔɔ a kaolaa-a kpow o yɔngunin ndu ni.

Rɔmnda 5:5

Nduyɛ, kɔlkɛsiaa hui vana le, kani Kɔl-Diandaa kennun naa-o tosá ni mí kaola Hala-o tiw o kɔlta naalan nin sɔ́.

Efɛsea 5:9

kani tɔnɔ ɲɛ-tengaa co dɛnɛ kɛndɛ súú-súù ka ni, dɛnɛ sandaa a toɲaa.

2Korɛntea 7:5

Kani telen naa n tiiya Maseduan-ndo, n sɔla pɛngi le: sɛɛngianndan la va ba-ba fee, siòònde va naa.

2Dɛnnda lemasalan 31:5

Sɔɛi ken diminndo dɔ́ɔ́, mí Israɛlla yɔngu ɲɛm tasen nda sɔla o tɔlɔɔlan nin-ndon taw: maalon, mɔiyan, cuɛiyan, lɛan a ɲɛm vaan celen. Má hun vɛlɛ a o-tɔ́ndɔ ɲɛ-ɲɛ ndáà sɔla kpow.

Rɔmnda 5:3

Hiovɔɔ o kon coo, hali n co bɛɛ o sangaa nin, n nɔla mì n kuundian, kani n sinà maa o sangaa nin biuvɔnndo fulà ni,

Rɔmnda 5:11

Hiovɔɔ o kon coo, n nɔla mì n kuundian o Hala nin Maalii naa Yeesu Krista o ba bɛngu. Ndu tosá ni mì bɛndaa muungu naa tɛɛn naa Hala-aa.

1Korɛntea 1:7

Lelan, la fola ké kɛ́-kɛ̀ le, niaa co Maalii naa Yeesu Krista cumndo telen o fulanin-ndo-a.

2Korɛntea 1:22

O handu naa tɔɔmasele ndɔɔ coo, mó luei naa yiyan Kɔl-Diandaa o lakɔl, kon co landei le ɲɛm kɛndɛn o kɛsul naa-on ni.