Rɔmnda 8:20 - BII BILA

²⁰ Kani ɲɛm Hala cɔw-von luɛi ɲɛ fondoo o ba bɛngu. O co hɛnan ɲɛm mun pila le luei mun te, kɛ Hala cɛl le ken tosanndo ni. Kɛ a kon kpow, tiindanndo co le ɲɛm mun.

Rɔmnda 8:20 Referans Kwoze

O Kandɔɔ 5:29

mó ke ndu diolan aa Noe. Mó dimi aa: «Hoo yɔngunin naa kɔlɲuloo le valta naalan a le bɛpɛla naa n co hoo o lɛŋnde Mɛlɛka dɔw len danga len coo-o ni.»

Rɔmnda 8:22

Nduyɛ n sinà maa háá sisa, ɲɛ-ɲɛ Hala cɔw co somisominndo a sangaa maa vanalanɔ pulei biŋin-ndo.

Yeremi 12:4

Háá telen kuɛɛ nɛ lɛŋnden le va yɛnin o dɛnɛ palaa nin, mì bil yondoo kpow va o vesɛiyo? Visia yondoa a yowva co cuuo le dɛnɛ vɔɔn vanaa co o lɛŋnden nden nin-nda. Kani a co dimio aa: «Yeremi cinin mɛɛlula naalan te.»

Osee 4:3

Lelan dɛnɛ palaa toalnin o lɛŋnden nden coo ni. Vanaa vanin icali lenin-nda kpow a ɲawnin. Visia yondoo nin a yowva coocoo bɛɛ a ɲawnin. Hali suvaa co o mɛmma ihɛllan nin-nda co hunɔɔ cuvɔɔ.»

Vana Kɔlkaloo 1:2

Vana kɔlkaloo dimi aa: «Sanga fondoo fúú! Sanga fondo láà sanga fondo! Dɛnndan kpow, sanga fondoo fúú la co ni.

O Kandɔɔ 6:13

O kon, mó dimul Noe aa: «I cii kiolɔɔ o kɔl nuu nin le vanndacieea ciiyo o ceendo coo. Kani a cii ceendo tɛɛmbuu a kɔlvesɛiyo. I co nda cii mì faŋa nda o ceendo coo.

Yɔɛl 1:18

La tuei-yɔ mɛɛ cɔlua co somisominndo yɛ. Nawva a visia velan a nawva-a a sina nɛɛ nda kɔ le. Kani a co lɛ bil puiyaa cɔ le. Saa a cuinnda bɛɛ a co o sanga pilɛ kon nin.

Yeremi 12:11

A toɲa, a siinguu lɛŋnde len lɛŋnde dɛnɛ palaalen. Le cuu itambu kpede ya o hɔl, le dɔwnun yɛɛvɛ kpede, vana-vana co muli le.»

Condii lisai 39:5

‹Éé Mɛlɛka! Cɔm ya mɛɛlula ceen nuu. Cɔm ya mɛɛ palɛi n kelu le yoomu nuu-e co yɛ, haliko mi sina mɛɛ ya connun ɲɛ nɛi itambu loo yɛ.

Rɔmnda 8:24

Kani o kɔlkɛsiaa nin naa n sɔla cindaa ni. Nduyɛ vanndo ce nin pɛ ɲɛ o kɛsi kɔllo coo-o, mɛɛ kon co lɛ kɔlkɛsiaa le. Vɛɛ vana kɛsi yɛ vɛlɛ ɲɛ n ce nin-ndo kɔllo coo?