Rɔmnda 8:17 - BII BILA

¹⁷ Nduyɛ, te cuavaa ndɔa naa n co ni, mɛɛ vanaa cuaa kɛ-a naa n co ni, vanaa cua kɛ Hala-o-a pɛɛn. Naa Krista-aa n cuanin ndu latulu ni, te n sanga pɛ naa ndaa latulu, haliko mi n sɔla biiloo naa ndaa latulu.

Rɔmnda 8:17 Referans Kwoze

Kalatea 4:7

Lelan, a co lɛ cɛ le, kɛ cua vialaa. Te o va yɛ pɛ maa cua vialaa n co ni, mɛɛ a bɛnda mà sɔla kɛ Hala-o.

Kalatea 3:29

Te o va yɛ pɛ maa le Krista niaa co ni, mɛɛ niaa co polale Abraham-nden ni, niaa co vanaa cuanin kɛ Hala yii kpemaa-o ni.

Efɛsea 3:6

Dɛnɛ viannan kon co hoo ni: le Yoongu kɛndɔɔ, mí vanaa co N'Yuifi le-a sɔla kɛ́ pilɔɔ nda Yuifia latulu, má siŋnun ɲɛ pilɔɔ o dialun pilɔn nin, má sɔla kpema o yiilul nda-o latulu o Yeesu Krista nin.

Dɛnnda cɔɔmuanndan 21:7

Ɲɛ vana nɔlanin-ndo sɔlanin kɛ́ɔ-vo co hoo ni: I vanin Hala ndɔɔ, mì ndu va po nuu.

1Piɛr 4:13

Kɛ la dɔwnun ɲaale le sangala Krista lan sɔlaa, haliko mi la naŋ kɔl, telen biilu ndɔɔ fulanin ceen-ndo.

1Piɛr 1:4

le kɛ́ tembu loo, o nɔɔlian too, o ɲɔfɔla loo. Kɛ́ kon co o mandaa le niaa o halataala,

Tite 3:7

haliko mo siinguu naa vanaa sandaa o kɛndɛi ndɔɛi bɛngu, o kon mì n sɔla cinda fɛɛn-fɛɛndo, o naa n co tiindanndo-o.

Hebreea 6:17

Lende koni o tosan a Abraham ni. Cuavaa ndɔa imamaa ndáà bɛnda mì ndáà sɔla ɲɛm Hala ndóò yiilu ndu kpemaa-on. Ndóò yeema le nda cɔmndo vakpa maa o mangalanin diom ndɔɔ lɔ́ɔ́-lɔ́ɔ̀ le, lelan o mɛnan o kpemaa yiiyo ni.

Nsaŋ 17:24

Pua, i yeema mì vanaa n ke ya-a bɛɛ va naa ndaa latulu nɛɛ ya co-a, haliko ma mɛɛndian biilu nuu, o n ke ya-o pɛɛn, kani lɔ́ɔ́ pá mì ceendo cɔawnun, nɔm óò kaola nin ya.

Nsaki 2:5

Puapilɛa nia hɛnan ya-a, la yaŋ-ndɔ nilan. Vɛ̀ɛ̀ o co hɛlio le Hala hɛli vanaa bala fondoa o ceendo nin le nda siinguuo vanaa bolofaa o laalanndo nin te? O hɛli nda haliko ma sɔla Masale o yiilu vanaa kaola ndu-a kpemaa len.

Filipea 1:29

Kani kɛndɛi tosalan niaa-e, o co ko le Krista laalanndo daama le, kɛ le sangaa vɛlɛ le ndu.

2Korɛntea 1:7

Nduyɛ, n tiindan niaa ɲɛkɛndɛi, kani n sínà maa mɛɛ niaa sɔla sangaa naa ikɛi yɛ, lende koni niaa sɔla vɛlɛ ɲɔɔloo ni.

Rɔmnda 5:17

I co toɲa maa piɔ́mndo cɔm kpaaya ndɔɔ le haki vanndo ndu pilɛ tosa-o. Lelan, vanaa sɔla kɛndɛi bɛnduei a dɛnɛ sandaa-a tosanin masalen Yeesu pilɛ kon o ba bɛngu o ceendo coo.

Hebreea 1:14

Mɛlɛkaa nda co macoaa maa kiilaa Hala-a, nda Hala viam le kɔlan vanaa sɔlanin cindaa-a sɔɔn dimullo ni.

Dɛnnda cɔɔmuanndan 3:21

Vana nɔlanin-ndo, i kɛsinnin ndu ikɛi o kpɛŋɛ ni lemasaa coo maa mɛɛ ya nɔla, mí n kɔ cal naa Fuɲa nuu o kpɛŋɛ ndɔ lemasaa coo yɛ.

Luke 12:32

Saa kunda pɔmbɔa, la yɔŋ isiòòn te, kani dɛnɛ hɛnan Fuɲa nia-o co kon ni le niaa masalen yɔngoo.

Matie 16:24

O kon, mí Yeesu dimul kaandeŋaa ndɔa aa: «Vana yeema pɛ le ya hunɔɔ kɔɔli, mɛɛ o pɔɛɛnun a ndu pila, mò siilun yɔm singafilaa ndɔɔ, mò del-la kɔɔli.

1Korɛntea 2:9

Kɛ maa mɛɛ o co o sɛvaa yɛ aa: «Ɲɛ hɔlte ci loo, ɲɛ nile tui loo, ɲɛ yiyan luei vana o kɔl too, ndu Hala bɛɛndiaa ni le vanaa kaola ndu-a.»

Rɔmnda 8:3

Tɔŋndo ndóò nɔla ken tosa le, kani ndóò nɔ mayoomu le, le falun ivanacieeyan. Kɛ mí Hala ndu tosa ken, mó cuu Po ndɔ ndu pilaa o velan dialun hakion nin le hakio faŋaa. O kon mó yaala hakio o falon nin.

Dɛnnda kiilaa 20:32

Nihau, i sɔɔ niaa Hala o ba a o kɛndɛi ndɔɛi bɛngu. O nɔ kpaayaa le niaa yoomuan lueiyo, mò tosal niaa dɛnɛ kɛndɔɔ taw, kpaaya o kɛsi teengen le vanaa co le ndu-a kpow-vo.

Dɛnnda kiilaa 14:22

A va kaandennda yoomuan lueiyo, má va nda silaa le lou o laalan ndaa coo aa: «Mɛɛ mì n ce sangalan taw le luɛyɔɔ o Masale Hala len nin.»

Matie 25:21

Mí vana ndɔ bɛndoo dimul ndu aa: ‹Nuvali, vana baala kɛndɔɔ a vana baala lo o lediom coo-o n co ni. A yɔŋnun vana lo o lediom coo-o o ɲɛm pɔmbɔn nin, i sɔaanin ɲɔɔn taw nɔm o ba. Sɔɔnguu mì n dɔwnun ɲaale latulu naa nɔm.›

Luke 24:26

Mɛɛ mì Krista ndóò sanga o dɛnnda lan nin kpow lende lɔ́ɔ́ pá mì ndóò luɛi o biilu ndɔɔ nin.»

Dɛnnda kiilaa 26:18

I co nɔm vomɔɔ mà kɔ kumbi nda hɔltan, mà soli nda o ɲumndan nin, mà ce ɲɛ-tengaa. Mà soli nda o kpaaya Setana-o bɛngu, mà muungu Hala o ibuŋ. O kon taa laalan ya pɛ, a sɔlanin hakio malɔɔ, mà sɔla vɛlɛ kɛ́ ndaa vanaa Hala-a tɛɛn.›»

2Korɛntea 1:5

Kani mɛɛ sangalan la kui Krista coo le naa yɛ, lende koni naa n co ɲɔɔloo cɔɔloo sɔlaa o Krista nin ni.

Filipea 3:10

I ya co kiltan kɔɔli-e co le ndu sinaa ni, mì sina kpaaya tindi ndu fulaa vanvílɛ́iya tɛɛn-ndo. O ya yeema-o co sangaa latulu a ndu, mì vel ndu o piɔ́m ndɔɔ nin ni,

Kolɔsea 1:24

Sunsun, i naŋ kɔl le sangala ya sɔla le niaa lan. Kani i co sangala tɔ̀la Krista mɛi le sɔlaa lan sɔlaa o dialun nun nin o fonda dialun ndɔn, vanaa laalannda pɛɛn.

Hebreea 1:2

Kɛ sunsun, o palɛi mɛɛlɛi he nin, mó soaa o naa lo a sondo po ndɔɔ. A po ndɔ kon o cɔw ceendo ni, ndu Hala koni hɛli vɛlɛ ni mí ɲɔɔn kpow n va le ndu.