Rɔmnda 8:15 - BII BILA

¹⁵ O co kɔl siinguu niaa n'cɛ mì la cal vɛlɛ a isiòòn te niaa sɔla le, kɛ Kɔl siinguu niaa cuavaa Hala-a-o. Ndu koni tosa ni mì n veelu Hala aa: «Pua, Fuɲa naa».

Rɔmnda 8:15 Referans Kwoze

2Timote 1:7

Kani Hala ke naa kɔl taalɛɛ le, kɛ kɔl pei naa kpaayaa, kaolaa a kɔllo biyɔɔ-o.

1Korɛntea 2:12

Nduyɛ, naa naa, o co kɔl ceendo ho le naa n sɔla le, kɛ Kɔl fula Hala o ba-o, haliko mi n sínà ɲɛ Hala ke naa fondo fúú-o.

Rɔmnda 8:16

Kɔl-Diandaa pila co seilen solio o kɔlta naalan-ndo maa cuavaa Hala-a naa n co ni.

Hebreea 2:15

O ceen ndaa nin kpow, maa n'cɛ vanndacieea va ni, kani siòònde va nda a piɔ́mndo. Kɛ Yeesu vuo, mó baŋa nda.

Efɛsea 1:5

ndóò cii nin cɛlɔɔ mi ndóò siinguu naa cuavaa ndɔa o Yeesu Krista nin. Mɛɛ hɛnan ndɔɔ co yɛ o tosa kon ni.

1Nsaŋ 4:18

Vonnan co o kaolaa nin te, kɛ kaola kpeekpeiyo ndu vonnanndo o cii ni few-few, kani sangaa co o vow kɔɔli ni, vana vo pɛ dɛnɔɔ pum, mɛɛ ndu sínà kaolaa o tivɔn ndɔɔ nin te.

Marke 14:36

Mó piɛi aa: «Aba, Pua, te o nɔla pɛ tosan, cɛl mì kol a taala kólaa imɔnɔɔ ho le. Kɛ nduyɛ, o va mɛɛ ya i yeema yɛ le, tosa mɛɛ o hɛnan nɔm yɛ.»

Yeremi 3:19

«Mí ya pila va dimio maa i yeema mi siinguu niaa po tasoo cuavaa niaa coo, mì ke niaa lɛŋnde kɛndɛ-kɛndɛlen, lɛŋnde hiow naŋɔɔ o lɛŋii tɔ̀ɛi tɛɛn-nden. I va yiyanndo maa la veelunin ya aa: ‹Fuɲa naa›, maa la mulul-lɛnin ya kɔɔ le few.

Esai 56:5

i yɔngunin nda pow sálàá a diolan tɔ́ɔ́lan o cɛi nuu nin, o kpakila nilan nin pɛɛn, mò hiow poaa a cuavaa laandua vaa fisa, I yɔngunin nda diola fɛɛn-fɛɛnndan, la ɲumnin lɔ́ɔ́-lɔ́ɔ̀ le lan.

Rɔmnda 8:23

O co ka ɲɛm mun daama le, kɛ naa n sɔla nin Kɔl-Diandaa o tasendɔ-a bɛɛ, naa pilaa n co somisominndo. N co cumndo le mɛɛ Hala siinguu naa cuavaa ndɔa kpeekpeiya yɛ, haliko mi dialun naan sɔla baŋaa.

Luke 11:2

Mó dimul nda aa: «Telen niaa co va piɛilen-ndo, la dimi aa: Pua, màá vannda sina maa Hala Diandaa n co ni. Màá masale nɔmnden le hun.

Nsaŋ 20:17

Mí Yeesu dimul ndu aa: «Pilan ya le, kani i hel-lɔ o Pua lo le. Kɛ kɔ dimul puapilɛa nia aa i co helɔɔ o fuɲa nuu a fuɲa niaa lo, o Hala nuu a Hala niaa lo.»

Luke 22:42

«Pua, taa cɛl pɛ, i kòl o taala kólaa sangaa ho nin te. Kɛ o va bɛɛ lende, hɛnan ni tosan te, kɛ o nɔm ndo tosan.»

Nsaŋ 16:8

Telen o hunnin-ndo, o cɔmnin vanndacieea o ceendo ho coo maa a co o pɔwlan nin a dɛnɛ hakio o kɔɔ, a dɛnɛ sandei o kɔɔ a á dɛnɛ yamɛi kiolɔɔ o kɔɔ.

Fulaa 20:19

O kon má dimul Moise aa: «Nɔm pila soo nin o naa lo, mì n bii sɔɛi nɔmnde. Kɛ Hala soaa lɛ o naa lo sakpo le, yɔŋii naa n sɔla piɔ́mndo.»

Dɛnnda kiilaa 16:29

O kon mí kpalilnɔɔ ɲuna ɲɛ-tengaa, mó luɛi a kiltan o cɛi kaasoo nin a ɲiiyaa, mó kɔ del Pol nda Silas o labɛngunin.

Dɛnnda kiilaa 2:37

Mɛɛ vannda tuei sɔɔn mun, mí n pilan nda kɔltan ɲɛkɛndɛi. Má ɲuna Piɛr a kiilaa tɔ̀a aa: «Puapilɛa naa, yɛɛ naa n tosa yɛ?»

Luke 8:37

O kon, mí vanaa va o tàndáá Serasenii nin-nda kpow a dimul Yeesu maa o faŋan o nda lo, kani siòònde va nda taw. Mí Yeesu luɛi o dɛ̀ndɔ̀ɔ́ nin le kɔnndan.

Luke 8:28

Ndóò cɔu Yeesu, mó yonda kpélén, mó del Yeesu o labɛngunin, mó heelu diomndo aa: «Le yɛɛ n co yɛ ya kɔɔli, nɔm Yeesu Po Hala-Hiow-Ɲɔɔn-Kpow-vo? I co nɔm tɛɛlɔn, saangiaa ya le.»

Kundalan 17:12

Mí Aarɔn tosa mɛɛ Moise dimul ndu yɛ, mó cua bonyii fuusɛi, mó kɔa a kiltan Israɛlla tɛɛn, nàà halimaa ndóò kandu nin vannda biyɔɔ lekɛ́ndɛi. Mí Aarɔn fuusa ansan le faleŋii baŋannde tosaa le haki ndaa.

Nsaki 2:19

A laalan maa Hala ndu pilɛ kpé co ni? A caa laalan lende. Ɲinaa bɛɛ laalan lende mà va ɲiiyaa.»

Rɔmnda 8:26

Lende koni Kɔl-Diandaa co naa malaa o kpaaya naa lepɛŋndo nin ni, kani n sinà ɲɛ naa n bɛnda le ɲunaa o piɛile naalen nin-ndo le. Kɛ Kɔl-Diandaa pila co piɛilen le naa a kuŋnda vanaciee nɔla tuula le lan.

Rɔmnda 9:4

Israɛlla pɛɛn, a Hala siinguu cuavaa ndɔa, mí biilu ndɔɔ va nda coo-a. A o yiilu kpemala ndɔlan-nda, a nɔ tɔŋndo a kannden-nda.

2Korɛntea 11:4

Kani vana pum co hunɔɔ o niaa lo, mò hun dimul niaa sɔɛi Yeesu celen, Yeesu o naa n dimul niaa sɔɛi ndɔ loo, mì la cɛl kɔl celen, faŋanndo o kɔl diandaa naa n cɔm niaa-o coo, mì la cɛl yoongu celen, faŋanndo o Yoongu kɛndɛ niaa sɔla naa o ba-o coo. Nduyɛ, la co kon cɛlɔɔ ɲɛkɛndɛi.

Kalatea 2:4

Kɛ a kon kpede, vanaa pum a va naa tɛɛn o kunda vanaa laalannda nin, ndáà yeema le ndu toomaa diyɔɔ. Nduyɛ, fɛɛlɔɔ kínɛí vanáà luɛi naa kan tɛɛn-nda a va toofia kon ni, le sinaa mɛɛ naa n co hɔ́ɔ́yɛi naa n sɔla o Yeesu Krista nin-nde vilio yɛ, o kon mì ndáà mingi naa o cɛle tɔŋndo bɛngu.

Kalatea 5:1

Le hɔ́ɔ́yɛi Krista mingi naa hɔ́ɔ́a ni. Lelan la sim yili, la luei lɛ bollen o cɛlen nin te.

Matie 25:25

Siòònde bii ya ni, mí kɔ vian sianin nɔmndon lɛŋ. Má cè mun! Bii ɲɛ co le nɔm-ndo.›