Rɔmnda 8:11 - BII BILA

¹¹ Te Kɔl vana tindi Yeesu fulaa vanvílɛ́iya tɛɛn-ndo co pɛ niaa nin, vana tindi Krista fulaa vanvílɛ́iya tɛɛn-ndo tosanin vɛlɛ mì dialun niaan vu-on muungu yoomu le Kɔl ndɔ co niaa nin-ndo.

Rɔmnda 8:11 Referans Kwoze

2Korɛntea 4:14

Kani n sínà maa Hala mingi Maalii Yeesu yoomu fulaa vanvílɛ́iya tɛɛn. O minginin naa vɛlɛ yoomu naa Yeesu-a, o kon kɔɔli mò kɔɛ a naa kpow o ndu lo.

2Korɛntea 4:11

A co naa n co hoo yoomu-o kpede, n co o piɔ́mndo hɔl-ndɔ le Yeesu, haliko mi yoomu ndɔɔ cɔmnun o dialun naan n co hunɔɔ vu-on nin.

Rɔmnda 8:9

Kɛ niaa niaa, la co lɛ o n'falu nin te, kɛ o kɔllo nin niaa co ni, te o va pɛ maa Kɔl Hala-o co niaa nin. Te vanndo nɔ Kɔl Krista-o nin te, mɛɛ ndu co o ndɔ le.

1Korɛntea 6:14

Hala mingi Maalii yoomu fulaa vanvílɛ́iya tɛɛn-ndo minginin vɛlɛ naa yoomu a kpaaya ndɔɔ.

Rɔmnda 8:2

Kani tɔŋ Kɔl-Diandaa yɔ̀ngu vana yoomoo o Yeesu Krista nin-ndo baŋa ya tɔŋ hakio a tɔŋ piɔ́mndo o ba.

Filipea 3:21

Ndu mangalanin kɔɔle naale dɛnɛ palaalen ni, mò mingi len maa kɔɔle ndɔle biilaa len, a kpaaya bɛndu o nɔ le ɲɛ-ɲɛ fee lueinɔnndo ndu o ba bɛngu-o.

Nsaŋ 5:21

Kani mɛɛ Fuɲaa tindi vanvílɛ́iya má muungu yoomu yɛ, lende koni Poo bɛɛ yɔngù vanà o yeema-o yoomoo ni.

Dɛnnda kiilaa 2:24

Kɛ mí Hala mingi ndu yoomu, mó soli ndu piɔ́mndo o ba, kani ndóò bɛnda mì ndóò lo o kpaaya piɔ́m kon bɛngu le.

Efɛsea 2:5

mó mingi naa yoomu naa Krista-a, naa n va nin a vílɛ́iya le tɛɛmbuula naalan-nda. Le kɛndɛi Hala-e niaa sɔla cindaa ni.

Esekiɛl 37:14

I lueinin hoeyii nii yoomuɛi niaa nin, mì la muungu yoomu. I minginin niaa kɛsi o lɛŋnde niaalen coo, mì la sina o kon maa ya Mɛlɛka, i soo, mì tosa vɛlɛ o ya dimi-o.» Diom Mɛlɛka dimi-o co kon ni.

Dɛnnda cɔɔmuanndan 11:11

Kɛ palɛi yaa a talɛi ken hiovɔɔ, mí hoeyii yoomuɛi pum hun fulaa o Hala lo, mí i luɛi nda nin, má can isisi. Mí siòòŋii bɛnduei bii vanaa va nda cɔu-va.

1Piɛr 3:18

Kani, lepilɛ kpé Krista bɛɛ vi le hakilan ni. Ndu vana sandaa, mó vu le vanaa sendu le-a, le niaa yɔɔ o Hala lo. Ndóò vuo o falon nin, mí Kɔl-Diandaa mingi ndu yoomu.

Nsaŋ 14:17

ndu co Kɔl toɲaa ni, o ceendo nɔlà sɔla loo, kani o co ndu cɔ le, o sina ndu le. Kɛ niaa la sina ndu, kani o co niaa ikɛi, o vanin niaa nin.

Dɛnnda cɔɔmuanndan 1:18

I co yoomu. Yáà vi, kɛ tofa vɔ, i co yoomu le fɛɛn a fɛɛn. Kiin piɔ́mndo co ya o ba, kiin ciee-piɔ́mndo pɛɛn.

1Piɛr 1:21

O ndu nin niaa laalan Hala tindi ndu fulaa vanvílɛ́iya tɛɛn, mó ke ndu biiloo-o ni, haliko mi laalan niaa a kɔlkɛsiaa va o Hala nin.

1Korɛntea 15:16

Nduyɛ taa muungu yoomu le, mɛɛ Krista bɛɛ muungu yoomu le.

Esai 26:19

Kɛ vanvílɛ́yaa nɔmnda muungunin yoomu, dialun vanaa nɔmaa vi-a n tendulnin! La tendul, la yɛkɛlan a kɔlkɛndɔɔ, niaa co o cundoo nin o lɛŋnden bɛngu-a! Kani mɔ́m mingi yoomoo-o mɔ́m nɔmndo co ni. Lɛŋnden le minginin vanaa vi-a yoomu ma ce paalen.

Rɔmnda 6:12

Lelan, la cɛl mì hakio nɔ kpaayaa dialun niaan puulun n co vu-on coo le, la cɛl mò tundu niaa o yeemɛi ndɔɛi vɔɔnde bɛngu le.

Hebreea 13:20

Hala yɔngù naa kɔlɲuloo ni. Mó mingi Maalii Yeesu, vana mandaa n'saa bɛndoo, yoomu fulaa vanvílɛ́iya tɛɛn. Mí kooma sálà ndɔɔ ma siŋnun sabuo le kpema fɛɛn-fɛɛndo.

2Korɛntea 5:4

Kani te n co vɔ pɛ o cɛi-kola-toandaa ceendo ho nin, mɛɛ mì n va sangaa maa mɛɛ vana sanga o volɔɔ lusulaa bɛngu nuaa yɛ. I co toɲa maa n yeema mì n faŋan ndu lekɔɔ le, kɛ n yeema mì n cuɛinun volɔɔ fula o halataala-o, haliko mi yoomoo mangala dialun co hunɔɔ vu-on.

Rɔmnda 8:1

Yaala co lɛ le vanaa co o Yeesu Krista nin-nda le.

Rɔmnda 8:12

Lelan puapilɛa nia, kueo co naa, kɛ o co kuee n'falu le kelaa o dɛnnda n'falulan nin te.

Rɔmnda 16:3

La yil-la caaŋaa nia naa n co baala Yeesu Krista-o tosaa latulu-a, Priska nda Akilas pɛɛn.

Rɔmnda 16:7

Mì la yil-la Andronikus nda Yunias, vanaa nia naa n va o biyɔɔ nin naa ndaa-a nda co ni. Vanaa kiilaa luɛi yii taw-va nda co ni, a del Krista kɔɔli ya tase.

Rɔmnda 16:9

La yil-la Irbɛn, caan naa naa n va baalaa latulu o Krista nin-ndo nda Stasis ya kaola taw-vo.

Rɔmnda 16:10

Mì la yil-la Apelɛs, o cɔm lekɛ́ndɛi maa vana Krista-o o co ni-o. Mì la yil yungu Aristobul-lo.

Kalatea 6:8

Vana saŋ pɛ le yeemɛi ndɔɛi ndu pila-e, ɲɛ yeemɛi ndɔɛi koam-ndo o koaw ni, piɔ́mndo pɛɛn. Kɛ vana saŋ pɛ le Kɔl-Diandaa, ndu kow o fula o Kɔl-Diandaa nin-ndo, yoomu fɛɛn-fɛɛndo pɛɛn.