Rɔmnda 7:9 - BII BILA

⁹ Paandu, i vannun yoomu, i ve o tɔŋ bɛngu le. Kɛ tɔŋndo hunɔɔ, mí hakio muungu yoomu,

Rɔmnda 7:9 Referans Kwoze

Kalatea 3:10

Kani vanaa-vanaa tiindan tɔŋndan biyɔɔ, nda co o dangaa bɛngu, kani o co o sɛvaa aa: «Dangaa co le vana biinin sɔɔn co n sɛvaa o tɔŋndo nin kpede mò kɛɛ le kelaa lecoo-o.»

Rɔmnda 8:7

Kani dɛnnda n'falulan la co yaamɔɔ Hala-o ni. Bau la bii tɔŋ Hala-o le, la nɔla bɛɛ ndu biyɔɔ le.

Kalatea 2:19

Kani a ba tɔŋndo o kɔɔ, vana vílɛ́i koni ya co nin nuaa ni, haliko mi va yoomu le Hala.

Rɔmnda 10:5

Mí Moise sɛva le dɛnɛ sandaa vana sɔla o tɔŋndo biyɔɔ nin-ndo aa: «Vana bii pɛ sɔɔn tɔŋndon mò kela lecoo, ndu sɔlanin cindaa.»

Rɔmnda 7:11

Kani o tɔŋndo nin hakio sɔla kpaayaa ni, mó hui ya a tɔŋ kon, o kon mó dii ya a ndu.

Rɔmnda 7:6

Kɛ sunsun, n sɔla baŋaa a ba tɔŋndo, kani n vi a ba ɲɛ ndóò bii naa o cɛlen nin-ndo. N nɔla nin mì n tosal Hala baalaa tosa sɛnɛi o hɛnan Kɔl-Diandaa bɛngu, kɛ o co lɛ maa paandu mɛɛ tɔŋndo sɛvan yɛ le.

Rɔmnda 7:4

Puapilɛa nia, lende koni i co ni. Niaa bɛɛ la vi a ba tɔŋndo o dialun Krista-on nin, mí la muungu sumialii vana celen, o tendul fulaa vanvílɛ́iya tɛɛn-ndo, haliko mi n kom kɔmnde kɛndɛlen le Hala.

Luke 18:21

Mí langbanɔɔ muli aa: «I bii nin sɔɔn mun kpow kabi o felengiyɛi nii nin.»

Luke 15:29

Kɛ mó mulul fuɲa ndɔ aa: ‹Vɔsilan ndan kpede, i co nɔm baalaa tosallo, i kɛɛ nɔm diom tueyɔɔ le. A kon kpede, lepilɛ bɛɛ a soli hali cuin cuaa mì tosa kɔlkɛndɔɔ naa caaŋaa nia le.

Matie 19:20

Mí langbanɔɔ mulul ndu aa: «I bii nin sɔɔn mun kpow. Yɛɛ lo yɛ ya vɛlɛ?»

Condii lisai 40:12

Nɔm Mɛlɛka, a tuŋ ya ɲíí nɔmnde le. Vanakɛndɛyɛi nɔmnde a sakpoyɛi nɔmnde vanin ya mandaa lɔ́ɔ́-lɔ́ɔ̀.

Rɔmnda 7:8

O tɔŋndo nin hakio sɔla yoomuan ni, mó kui ya yeeman vɔɔŋun súú-súù ka o kɔl. Kani te tɔŋndo ndóò ve le, maa ɲɛ vílɛ́i hakio ndóò vanin ni.

Rɔmnda 7:10

mí ya koni vu. O kon, mí tɔŋ yɔ̀ngu vana yoomoo-o yɔngu ya piɔ́mndo.