Rɔmnda 7:5 - BII BILA

⁵ Kani telen naa n va o falon nin-ndo, yeemɛi dɛnɛ vɔɔŋii tɔŋndo va kpeeŋiaa-e va vallo naa o n'falu, haliko mi náà n tosa dɛnnda yaa vana o piɔ́mndo nin-ndan.

Rɔmnda 7:5 Referans Kwoze

Efɛsea 2:3

Naa kpow, maa nda naa n va kelaa telen pum ni, n va yeemɛi naa n'dial-le a ɲɛ va naa hunɔɔ o lebollo tosaa. Mɛɛ mì kɔl tambɛi Mɛlɛka-o ndóò tol naa coo maa vanaa celen le vanacieeyɛi nɛi paandui ken.

Kalatea 5:24

Vanaa co o Yeesu Krista nin-nda, nda cii dɛnnda n'falulan a yeemɛi n'faluei baŋɔɔ o yɔm singafilaa coo.

Kalatea 3:10

Kani vanaa-vanaa tiindan tɔŋndan biyɔɔ, nda co o dangaa bɛngu, kani o co o sɛvaa aa: «Dangaa co le vana biinin sɔɔn co n sɛvaa o tɔŋndo nin kpede mò kɛɛ le kelaa lecoo-o.»

Rɔmnda 6:13

La yɔngu lɛ falun niaan le hakio tosaa maa ɲɛm valin dɛnɛ sandaa lepɛŋ-ndon te. Kɛ niaa pila yɔngun le Hala maa vanaa tendul fulaa vanvílɛ́iya tɛɛn-nda, mì falun niaan va maa ɲɛm valin dɛnɛ sandaan le Hala.

Rɔmnda 6:21

Tɔnɔ yɛɛ niaa sɔla yɛ o dɛnnda lan nin telen kon, dɛnnda siɛmbulan la co niaa biyɔɔ sunsun-ndan pɛɛn? Kani mɛɛlula dɛnnda lan co piɔ́mndo ni.

1Nsaŋ 3:4

Vana-vana tosa pɛ hakio, mɛɛ ndu tɛɛmbuu tɔŋndo, kani hakio, ndu co tɔŋndo tɛɛmbuuo ni.

Kolɔsea 3:5

La diw dɛnnda ceennda kɛ́-kɛ̀ co niaa nin: suundaa, dɛnnda nɔɔlɛilan, yeeman bɛndon, yeeman vɔɔnndon a yeemɛi ɲɛ sɔlɛi, kani piɔmnda sooloo co yeemɛi ɲɛ-sɔlaa ni.

1Korɛntea 15:56

Kefii piɔ́mnde i co hakio ni, kpaaya hakio co tɔŋndo ni.

Nsaki 4:1

Kuɛɛ nɛ sɔngɔlan a cɔlɔbala co niaa tɛɛn-ndan la co yɛ fulaa? Vɛ̀ɛ̀ o co o yeeman co niaa cɔlɔbaa o lakɔl-lon nin te?

Nsaki 1:15

Te yeemɛi cua pɛ folio, i velu hakio. Te hakio kendu pɛ, o kom piɔ́mndo.

Tite 3:3

Kani naa bɛɛ diɔmnda naa n va paandu ni, vanaa bii isɔɔ le-a, n va o pɔwlan nin. N va cɛa le yeemɛi vɔɔŋun súú-súù ka a le yeemɛi ɲɛm kɛndɔn. N va kɔlvesɛiyo tosaa mí n va yeemɛi vɔɔnde. Náà n nɛinun vannda, mí nda bɛɛ va nɛyɔnndo a naa.

Efɛsea 2:11

La yiyan ndɔ mɛɛ niaa va paandu yɛ, la co N'Yuifi le. Yuifia a va niaa veeloo aa kɔndɛa, mí nda pila va veelɔnndo aa falennda le tooma n'falu nda dii-yo.

Rɔmnda 7:23

kɛ mí saalun maa tɔŋ celen co o dialun nun nin, o co tɔŋ kɔlkalu nuu cɔlɔbaa-o. O bii ya o cɛle tɔŋ haki co o falun nun nin-ndo-o.

Rɔmnda 6:23

Kani sala hakio co piɔ́mndo ni, kɛ ɲɛ Hala ke vana fondo fúú-o, ndu co yoomu fɛɛn-fɛɛndo o Yeesu Krista nin ni, Maalii naa.

Rɔmnda 6:19

O vanacieeyɛi nin ya co sɔɛi ni, le tùú niaa nɔ mayoomu o falun niaan nin too. Maa mɛɛ niaa luei paandu dialun niaan o cɛle dɛnɛ nɔɔlɛilen a o cɛle dɛnɛ sandaa lepɛŋndo nin le dɛnɛ sandaa lepɛŋ kon tosaa yɛ, mɛɛ la luei niko dialun mun o cɛle dɛnɛ sandaa nin le dɛnɛ diandaa tosaa.

Rɔmnda 5:20

Nduyɛ, tɔŋndo ndu hin, haliko mi yɔŋ vɔɔndo kui, kɛ nɛɛ yɔŋ vɔɔndo kui pɛ, lon kɛndɛi Hala-e ndi hiaw kuiyo ni.

Rɔmnda 4:15

Kani tɔŋndo hun a kɔltuwvo ni. Nɛɛ tɔŋ co yɛ le, tɔŋ tɛɛmbua ve vɛlɛ lon te.

Rɔmnda 3:20

Lelan, vana-vana sɔlanin di Hala o hɔl le tɔŋndo biyɔɔ le, kani tɔŋndo tosa ni mì hakio sinan.

Rɔmnda 1:26

Lelan Hala mal nda ni, má del yeemɛi vɔɔŋii tuisi nda siɛmbulan-nde kɔɔli, kani laandua ndaa co lɛ kpelemɔɔsaa tosa mɛɛ vanndacieea bɛnda le tosaa yɛ le.

Nsaŋ 3:6

O velun a falon-ndo, falon ndu co ni, o velun yɛ a Kɔl Hala-o o, kɔllo ndu co ni.

Matie 15:19

Kani o kɔllo nin yiyannda vɔɔnndan, yeemɛi diyaa n'vanndacie-e, tiɔmɔɔ, suundaa, vuilen, seile lakafalen timbio a vannda diolan tɛɛmbuuo fula ni.

2Korɛntea 10:3

I co toɲa maa vanndacieea naa n co ni, kɛ n co cɔlɔba o ivanaciea nin te.