Rɔmnda 7:4 - BII BILA

⁴ Puapilɛa nia, lende koni i co ni. Niaa bɛɛ la vi a ba tɔŋndo o dialun Krista-on nin, mí la muungu sumialii vana celen, o tendul fulaa vanvílɛ́iya tɛɛn-ndo, haliko mi n kom kɔmnde kɛndɛlen le Hala.

Rɔmnda 7:4 Referans Kwoze

1Piɛr 2:24

Mó cua hakila naalan o n'dial o yɔmndo coo, haliko mi n vi a ba hakio, o kon mì n muungu yoomu a ceen sandaa. Fungbula ndɔlan la tosa ni mì la sɔla siongɔɔ.

Esai 54:5

Kani vana cɔw nɔmndo ndu co pɔnɔ nɔm ni, diola ndɔlan aa Mɛlɛka-Nɔ-Kpaayaa-Kpow-vo. Vana nɔm baŋaa ndu co O-Diandaa Israɛlla ni. A veelu ndu aa Hala co lɛŋnden kpow bollen-ndo.

Rɔmnda 8:2

Kani tɔŋ Kɔl-Diandaa yɔ̀ngu vana yoomoo o Yeesu Krista nin-ndo baŋa ya tɔŋ hakio a tɔŋ piɔ́mndo o ba.

Efɛsea 2:15

Mó faŋa tɔŋndo a silala tɔŋndan, mó siinguu naa vanaa kundala tiɔnda haa yungu sɛnɛiyo ndu pilɛ kpé o ndu pila nin. Nuaa o mingi kɔlɲuloo toosiaa ni.

Rɔmnda 7:6

Kɛ sunsun, n sɔla baŋaa a ba tɔŋndo, kani n vi a ba ɲɛ ndóò bii naa o cɛlen nin-ndo. N nɔla nin mì n tosal Hala baalaa tosa sɛnɛi o hɛnan Kɔl-Diandaa bɛngu, kɛ o co lɛ maa paandu mɛɛ tɔŋndo sɛvan yɛ le.

Kalatea 5:18

Kɛ te Kɔl-Diandaa sim pɛ niaa laci, mɛɛ la va lɛ o cɛle tɔŋndo bɛngu le.

Kolɔsea 1:22

Kɛ nihau, o piɔ́m Po ndɔɔ sɔla o falon nin-ndo kɔɔli Hala mingi bɛndaa niaa ndaa tɛɛn ni, haliko mi la fula Hala o hɔl a sɛyannda a ɲɛm celen, a diandaa, la nɔ́ sɔŋ te.

Rɔmnda 6:22

Kɛ sunsun, la hɛlun hakio, mì la siŋnun cɛa Hala-a. La tosà niko dɛnndan le dindinndo, o kon mì sɔla yoomu fɛɛn-fɛɛndo.

Kalatea 3:13

Krista soli naa o danga tɔŋndo bɛngu, le tùú danga naa muungu ndu coo-o, kani o co o sɛvaa aa: «Dangaa co le vana-vana nda baŋ pɛ o yɔmndo coo.»

Rɔmnda 6:14

Kani hakio nɔ lɛnin niaa kpaaya coo le, bau la co lɛ o tɔŋ bɛngu le, kɛ o kɛndɛi bɛngu niaa co nin ni.

Kolɔsea 2:14

Mó ɲumi sɛbɛ ndáà sɛva le naa cɔlɔbaa-o, o tɔŋnda ndɔlan la ve ɲɛ kɛndɛ a naa loo, mó kpeeŋa ndu o baŋɔɔ nda baŋ ndu o yɔm singafilaa coo-o.

Kolɔsea 1:10

O kon la tiwnin ba kelaa mɛɛ vanaa Maalii-a bɛnda mà kela yɛ, la vanin dɛnnda hɛnan ndu lan tosaa lɔ́ɔ́-lɔ́ɔ̀. La tosanin dɛnnda kɛndɛlan kpow mì la hiow laci a Hala sinaa.

Filipea 1:11

Mì Krista mala niaa, mì la pɛ a dɛnnda sandaa lan, o kon mì Hala sɔla biiloo a sangalaa.

Dɛnnda cɔɔmuanndan 19:7

N dɔwnun ɲaale mì n vannun a kɔlkɛndɔɔ, mì n kennun ndu biiloo, kani kafo yiyaa nɔu tiiya le Saa téndóó, laa ndɔ kalaa cii bɛɛndian.

Rɔmnda 6:2

Kɛì-kɛì bɛɛ! Naa n vi nin a ba hakio-a, vɛ̀ɛ̀ naa n muungu yɛnin vɛlɛ mì va o hakio nin?

Kolɔsea 2:20

Te o va pɛ maa la vi nin niaa Krista-aa latulu, mí la sɔla baŋaa kpaayala ceenndan o ba, mɛɛ le yɛɛ niaa co yɛ vɛlɛ kelaa o dɛnnda ceenndan nin, mì la va tɔŋnda vanaa ceenda cɛlɔɔ vana ca kaa o ceendo nin niaa co vɔ ni?

Kolɔsea 1:6

Mí Yoongu Kɛndɛ kon tiiya o niaa lo. Mɛɛ o co yoomuan sɔlaa mò va hiovɔɔ laci o ceendo nin yɛ, lende koni o co niaa tɛɛn kabi paale niaa tuei, mí la sínà kɛndɛi Hala-e a toɲaa ni.

Filipea 4:17

Ken co dimi le maa ɲɛm-kéan niaan ya co kɔɔli ni, o ya co kɔɔli-o co ni, mì la sɔla tɔnɔɔ taw.

Nsaŋ 3:29

Vana co lanɔɔ cuaa sɛnɛi-yo, le ndu lanɔ sɛnɛi kon co ni. Kɛ te caaŋoo vana co lanɔɔ cuaa sɛnɛi-yo tuei pɛ ndu vana co kon lanɔɔ cuaa-o sɔɛi, ɲɔɔ hɛnan ndu taw. Lende koni ɲaale bɛndoo co ya o kɔl ni.

Matie 26:26

Tuma nda va ɲɛdiaa dioo-o, mí Yeesu cua buloo, mó dɔaw ndu duaa, mó yimiyimi ndu, mó yɔngu kaandeŋaa ndɔa, mó dimul nda aa: «La bii mì la de, dialun nun co mun ni.»

Dɛnnda cɔɔmuanndan 21:9

O kon mí mɛlɛkanɔɔ pilɛ o mɛlɛkaa ŋɔmmɛvaa ndáà nɔ taalala kólaala ŋɔmmɛwla va lapiaalan a dɛnnda palaala ŋɔmmɛwla mɛɛlaalan-nda hun soaa o ya lo, mó dimi aa: «Hun i cɔm nɔm lanɔ co kɔlan Saa téndóó o ba o nɔu-vo.»

Hebreea 10:10

Yeesu Krista tosa hɛnan Hala-o, mí ndu pila yɔngun lepilɛ kpé, ken tosa ni mí n sɔla baŋaa a hakio.

2Korɛntea 11:2

I kaola niaa mì va paŋalaa le niaa, Hala o ba kon co fulaa ni. Kani i dɔw niaa fulu le vanapɔnɔɔ ndu pilɛ kpé, Krista pɛɛn, haliko mi la kɔ fula ndu o hɔl maa felengi sina vɔ dɛnɛ vanapɔnɔ loo, o dendu Mɛlɛka o hɔl-lo pɛɛn.

1Korɛntea 10:16

La yiyan-ndɔ a taala kólaa duaa naa n mel Hala balikaa mì n kol lenin-ndo. Vɛ̀ɛ̀ o co ndu le co kooma Krista ma naa n kol vellaa-velle-an te? Bulu naa n yimiyimi-o, vɛ̀ɛ̀ o co ndu le co dialun Krista naa n dia vellaa-velle-on te?

Nsaŋ 15:8

La yɔngu pɛ komɔɔ kɛndɔɔ taw, mì la siŋnun kaandeŋaa nia, Fuɲa nuu sɔla biiloo.

Nsaŋ 6:51

Ya, ya co ɲɛdiaa kiyɛi tol fulaa o halataala-o ni. Te vanndo de pɛ ɲɛdiaa kon, o vanin yoomu le fɛɛn a fɛɛn. Ɲɛdiaa ya yɔngunin-ndo, ndu co dialun nun ni, haliko mi ceendo va yoomu.»

Esai 62:5

Mɛɛ poombɔ piaandoo cua cuaambɔ laandoo o nɔ̀u nin yɛ, lende koni vanaa minginin nɔm tangul-la siŋnunnin piaandua nɔmnda ni. Mɛɛ vanalanɔ co calle o nɔu-vo nɛŋi vanapɔnɔ fula ndu kɔɔli le ndu cuaa-o kɔl-lɛ, lende koni nɔm bɛɛ nɛŋinin Hala nɔmndo kɔl ni.

Marke 4:20

Kulun deli o lɛŋnde kɛndɛlen-ndon, mun co vanaa tuɛi sɔɛi Hala-e, má bii ndi, mí i koam-nda ni: mí n pum koam beleyaa, n pum belaŋɔmpum, n pum kɛmɛ.»

Rɔmnda 6:11

Lende koni, niaa bɛɛ la cɔnnun maa la vi a ba hakio, mì la cennun maa la co yoomu le Hala o Yeesu Krista nin.

Rɔmnda 7:3

Lelan, te pɔnɔ ndɔ co vɔ pɛ yoomu, mò cal o nɔu vanapɔnɔ celen o ba, mɛɛ vana suundɛiyo o co ni. Kɛ te pɔnɔ ndɔ vi pɛ, mɛɛ o co lɛ o tɔŋ bɛngu le. Vanapɔnɔ celen yil nin bɛɛ ndu o nɔ̀u nin, o ve vana suundɛi le ken te.