Rɔmnda 7:3 - BII BILA

³ Lelan, te pɔnɔ ndɔ co vɔ pɛ yoomu, mò cal o nɔu vanapɔnɔ celen o ba, mɛɛ vana suundɛiyo o co ni. Kɛ te pɔnɔ ndɔ vi pɛ, mɛɛ o co lɛ o tɔŋ bɛngu le. Vanapɔnɔ celen yil nin bɛɛ ndu o nɔ̀u nin, o ve vana suundɛi le ken te.

Rɔmnda 7:3 Referans Kwoze

Fulaa 20:14

La suunda le.

Matie 5:32

Kɛ ya, i co niaa dimul: vana-vana kɛɛ pɛ laa ndɔ, te o co yɛ mò suunda le, ndu vem laa ndɔ kon suundaa. Vana cua yɛ pɛ vanalanɔ kɛyan nda pɔnɔ ndɔ-o o nɔ̀u nin, mɛɛ vana kon suunda.»

Tɔŋ lasálàá 20:10

Te vanndo suunda pɛ a lanɔ pilaa, nda ŋiɔn kpow a bɛnda mà sɔla piɔ́mndo.

Ruti 2:13

Mí Ruti dimi aa: «Nuvali vana ni bɛndoo, a ce ya bɔɔ ɲia, a ɲɔɔlu ya kɔllo nin, nduyɛ i sulan bɛɛ a buɛyaa nɔmaa laandua ha o pilɛ le.»

Rɔmnda 7:2

Kani vanalanɔ co o nɔu-vo, o tɔŋ pɔnɔ ndɔ-o bɛngu o co ni, te pɔnɔɔ co vɔ pɛ yoomu. Kɛ te pɔnɔ ndɔ vi pɛ, mɛɛ o fula o tɔŋ ndóò yii ndu kon a pɔnɔ ndɔ-o bɛngu.

Rɔmnda 7:4

Puapilɛa nia, lende koni i co ni. Niaa bɛɛ la vi a ba tɔŋndo o dialun Krista-on nin, mí la muungu sumialii vana celen, o tendul fulaa vanvílɛ́iya tɛɛn-ndo, haliko mi n kom kɔmnde kɛndɛlen le Hala.