Rɔmnda 7:24 - BII BILA

²⁴ Mbɔ̀ dɛnɛ pala ya fɔ́! Nɛ̀ɛ́ baŋa yɛnin ya dialun piɔ́mndon mun o ba?

Rɔmnda 7:24 Referans Kwoze

Rɔmnda 6:6

N sínà maa vanacieeyɛi nɛi paanduei baŋnun o yɔm singafilaa coo a ndu latulu, haliko mi dialun hakion siŋnun ɲɛ fondoo fúú, yɔŋii naa n va vɛlɛ cɛa hakia.

2Timote 4:18

Nduyɛ Mɛlɛka ciindiaanin ya o dɛnnda vɔɔnndan kpow nin, mò manda ya le luɛyɔɔ o Masale ndɔlen nin o halataala. Màá o sɔla biilu fɛɛn-fɛɛndo! Amiina!

Tite 2:14

O yɔngún ndu pila le naa, le naa solio o dɛnnda vɔɔnndan nin kpow, mó siinguu naa vanaa diandaa co le ndu-a, haliko mi n va vanaa dialun fulaa le dɛnnda kɛndɛlan tosaa-o.

Rɔmnda 8:2

Kani tɔŋ Kɔl-Diandaa yɔ̀ngu vana yoomoo o Yeesu Krista nin-ndo baŋa ya tɔŋ hakio a tɔŋ piɔ́mndo o ba.

Condii lisai 102:20

Mɛlɛka lo o Fonda-Diandaa ndɔɔ, mó naŋun le tofaa. O lo o halataala, mó mɛɛndan lɛŋnden

Dɛnnda cɔɔmuanndan 21:4

O vɔɔsuunin nda mɛmɛan kpow o lahɔl. Piɔ́mndo ve lɛnin te, biisi ve lɛnin te, yeela ve lɛnin te, ɲɛ nɛyaa ve lɛnin te, kani ɲɛm tason hiow.»

Hebreea 2:15

O ceen ndaa nin kpow, maa n'cɛ vanndacieea va ni, kani siòònde va nda a piɔ́mndo. Kɛ Yeesu vuo, mó baŋa nda.

Rɔmnda 8:26

Lende koni Kɔl-Diandaa co naa malaa o kpaaya naa lepɛŋndo nin ni, kani n sinà ɲɛ naa n bɛnda le ɲunaa o piɛile naalen nin-ndo le. Kɛ Kɔl-Diandaa pila co piɛilen le naa a kuŋnda vanaciee nɔla tuula le lan.

Rɔmnda 8:13

La kela pɛ o dɛnnda n'falulan nin, la co vu. Kɛ te Kɔl-Diandaa tosa pɛ mì la dii dɛnnda ivanaciea lan, mɛɛ la vanin yoomu.

Luke 4:18

«Kɔl Hala-o co ya coo, kani o hɛli ya le vanaa bala fondoa Yoongu Kɛndɔɔ tiiyallo. Le vanaa co o kaasolan-nda baŋaa, le vanaa sumɛiya hɔltan kumbio, le vanaa co o sangaa nin-nda pɛngio keo,

Condii lisai 72:12

Kani o baŋanin vana bala fondo co cɛɛŋɔnndo-o a vana ikɔɔ nɔ vana malaa loo.

Kolɔsea 2:11

O ndu nin koni niaa dii toomaa ni, tooma vanaciee dii vana loo, kɛ tooma fula Krista o ba-o, o baŋa naa ceen naa lahakio o ba-o.

Matie 5:6

Dɛnɛ kɛndɔɔ co le vanaa yeemɛi bii le dɛnɛ sandaa mɛɛ yiaan a kolɔɔ bii vana nuaa yɛ-a, kani a pumnin.

Misee 7:19

O laan vɛlɛ nɔm Hala, a co naa iɲíí tuinɔn, a biinin naa maa tɛɛmbuula naalan la co yɛ le. A viawnin hakila naalan kpow o mɛmma ihɛllan nin polon.

Condii lisai 119:20

Yeemɛi co ya bɔɔ o kɔl o telenndan kpow nin le tɔŋnda nɔmndan biyɔɔ.

Condii lisai 71:11

A co dimio aa: «Hala cii ndu yomnɔn, la kuel ndu mì la bii ndu, vana-vana venin le ndu baŋa le.»

Condii lisai 6:6

Bau vanndo vi pɛ, o yiyan ndɛ a nɔm o kɔɔ le. Ɔ́ɔ̀ vana lisanin nɔm ciee-piɔ́m-ndo?

1Masaa 8:38

te vana pilɛ, te kon te Israɛlaa tɔ̀a kpow a solul pɛ nɔm diomndan o piɛilen nin le nɔm tɛɛlɔnndo, te vana-vana sina pɛ yɔŋ ndɔ vɔɔndo o kɔl ndɔɔ nin, mò muli hɔlla a ba Cɛiyo ho, mo heelu balan, mò piɛi nɔm,

Matie 5:4

Dɛnɛ kɛndɔɔ co le vanaa co caŋndo-a, kani a sɔlanin ɲɔɔloo.

Esekiɛl 9:4

mí Mɛlɛka dimul ndu aa: «Balu kobio Yerusalɛm kpow, mà kei pondalen handɔɔ vanaa sɔɛi co palaa má va cɛɛŋɔnndo le dɛnnda nɔɔlɛila co lan tosanndo lan-nda o itendu.»

Condii lisai 119:176

I co kelanndo maa saa lo-o, nuwviaa ya, ya vana baala nɔmndo, kani i co tɔŋnda nɔmndan pɔɛɛnɔn te.

Condii lisai 119:143

Dɛnɛ palaa a mɔnɛi co ya coo, kɛ o tɔŋnda nɔmndan nin ya dɔawnun ɲaale ni.

Condii lisai 119:131

I kumbi sondoo, i co sangaa, kani tɔŋnda nɔmndan la co ya yeemɛi.

Condii lisai 88:5

I co vanaa co kɔlan o sɛiyo nin-nda tɛɛn, i co macoaa maa vana nɔ mayoomu loo.

Condii lisai 38:2

Éé Mɛlɛka! Soaŋ ya o kɔltuw nɔmndo nin te, saangiaa ya o kɔlfulaa nɔmndo nin te.

Rɔmnda 8:23

O co ka ɲɛm mun daama le, kɛ naa n sɔla nin Kɔl-Diandaa o tasendɔ-a bɛɛ, naa pilaa n co somisominndo. N co cumndo le mɛɛ Hala siinguu naa cuavaa ndɔa kpeekpeiya yɛ, haliko mi dialun naan sɔla baŋaa.