Rɔmnda 6:4 - BII BILA

⁴ Le yinɔɔ naa n sɔla o piɔ́m ndɔɔ nin-ndo, mí n sɔla kumbɔɔ a ndu latulu, haliko mɛɛ Krista tendul mó fula vanvílɛ́iya tɛɛn a biilu Fuɲa ndɔ-o yɛ, mì naa bɛɛ n kela kela sɛnɛi.

Rɔmnda 6:4 Referans Kwoze

2Korɛntea 5:17

Te vanndo va pɛ o Krista nin, vana kon siŋnun vana sɛnɛi. Vanacieeyɛi ndɔɛi paanduei i hiow, vanacieeyɛi sɛnɛiye muungu.

Kolɔsea 3:10

mì la vownun vanacieeyɛi sɛnɛiye le sinapɛngu peelanndo sɔlaa maa mɛɛ vana cɔw vanacieeyɛi kalɛi-yo co yɛ.

Rɔmnda 7:6

Kɛ sunsun, n sɔla baŋaa a ba tɔŋndo, kani n vi a ba ɲɛ ndóò bii naa o cɛlen nin-ndo. N nɔla nin mì n tosal Hala baalaa tosa sɛnɛi o hɛnan Kɔl-Diandaa bɛngu, kɛ o co lɛ maa paandu mɛɛ tɔŋndo sɛvan yɛ le.

1Piɛr 3:21

Tuula yinɔɔ co niaa hau ciindiaa-o va kon ni, yinɔɔ kon dindi vana le nɔɔ n'faloo le, kɛ piɛilen o co le Hala yɔngɔnndo fasɛi ni, ndu ciindiaa vana a tendul Yeesu Krista-o o kɔɔ ni.

Rɔmnda 6:9

Kani n sínà maa tendul Krista tendul hoo mó fula vanvílɛ́iya tɛɛn-ndo, o vi lɛnin te, piɔ́mndo nɔ lɛ kpaaya oo kpaaya ndu coo le.

2Korɛntea 13:4

I co toɲa, maa lɔ́ɔ́ nda baŋ ndu o yɔm singafilaa coo-o, oo nɔ mayoomu le. Kɛ sisa, o co yoomu o kpaaya Hala-o bɛngu. Lende koni naa bɛɛ n co ni, n nɔ mayoomu le, kɛ n co yoomu o ndu nin o kpaaya Hala-o bɛngu.

Rɔmnda 6:3

La co macoaa sínà le maa naa kɛ́-kɛ̀ n sɔla yinɔɔ o Yeesu Krista nin, maa o piɔ́m ndɔɔ nin te naa n sɔla yinɔɔ lende le?

1Nsaŋ 2:6

Vana dimi pɛ maa o co o Hala nin, ndu bɛnda mò kela maa Yeesu.

1Korɛntea 6:14

Hala mingi Maalii yoomu fulaa vanvílɛ́iya tɛɛn-ndo minginin vɛlɛ naa yoomu a kpaaya ndɔɔ.

Rɔmnda 8:11

Te Kɔl vana tindi Yeesu fulaa vanvílɛ́iya tɛɛn-ndo co pɛ niaa nin, vana tindi Krista fulaa vanvílɛ́iya tɛɛn-ndo tosanin vɛlɛ mì dialun niaan vu-on muungu yoomu le Kɔl ndɔ co niaa nin-ndo.

Efɛsea 4:17

Lelan, ɲɛ ya co niaa dimul mì tiiyal niaa o Maalii nin-ndo co hoo ni: la va lɛ kelaa maa vanaa sínà Hala le-a le, a del yiyannda yɔngu nda ɲɛ-ɲɛ le lan kɔɔli-a pɛɛn,

Rɔmnda 6:19

O vanacieeyɛi nin ya co sɔɛi ni, le tùú niaa nɔ mayoomu o falun niaan nin too. Maa mɛɛ niaa luei paandu dialun niaan o cɛle dɛnɛ nɔɔlɛilen a o cɛle dɛnɛ sandaa lepɛŋndo nin le dɛnɛ sandaa lepɛŋ kon tosaa yɛ, mɛɛ la luei niko dialun mun o cɛle dɛnɛ sandaa nin le dɛnɛ diandaa tosaa.

Nsaŋ 11:40

Mí Yeesu dimul ndu aa: «I dimul nɔm, maa taa laalan pɛ, a canin biilu Hala-o?»

Dɛnnda kiilaa 2:24

Kɛ mí Hala mingi ndu yoomu, mó soli ndu piɔ́mndo o ba, kani ndóò bɛnda mì ndóò lo o kpaaya piɔ́m kon bɛngu le.

Kolɔsea 4:1

Niaa vanaa bɛndua, la bii cɛa niaa o dɛnɛ sandaa a o kpen-kpenndo nin. La sínà pɛɛngu maa niaa bɛɛ la nɔ vana bɛndoo o halataala.

Efɛsea 5:8

Ɲumndan niaa va paandu ni, kɛ sunsun, ɲɛ-tengaa niaa co o Maalii nin ni. La va niinoo maa vanaa co o ɲɛ-tengaa nin-nda,

Nsaŋ 2:11

Dɛnɛ Yeesu tosa kon Kana o tàndá Kalile-o nin-ndo yɔŋnun kaamaa ndɔ tasoo ni. Mó cɔm biilu ndɔɔ, o kon mí kaandeŋaa ndɔa laalan ndu.

Dɛnnda kiilaa 2:32

Nduyɛ, mí Hala mingi Yeesu ya co hoo sɔɛi ndɔɛi dimio-o yoomu, naa kpow n co lesei.

Rɔmnda 6:8

Kɛ te n vi pɛ a Krista latulu, n laalan vɛlɛ maa n vanin yoomu a ndu latulu.