Rɔmnda 6:3 - BII BILA

³ La co macoaa sínà le maa naa kɛ́-kɛ̀ n sɔla yinɔɔ o Yeesu Krista nin, maa o piɔ́m ndɔɔ nin te naa n sɔla yinɔɔ lende le?

Rɔmnda 6:3 Referans Kwoze

Kalatea 3:27

Niaa kɛ́-kɛ̀ sɔla yinɔɔ o Krista nin, la cuu siŋnɔn velan ndɔɔ.

Rɔmnda 6:8

Kɛ te n vi pɛ a Krista latulu, n laalan vɛlɛ maa n vanin yoomu a ndu latulu.

1Korɛntea 12:13

Kani naa kpow n sɔla yinɔɔ Kɔl-Diandaa pilɛ kon o ba, mí n siŋnun kɔɔle pilɛ len, vana va Yuifinɔ, vana va Yuifinɔ le. Vana va cɛ, vana vannun o ba nɔm coo, mí n sɔla Kɔl-Diandaa pilɛ kon le kolɔɔ.

1Piɛr 3:21

Tuula yinɔɔ co niaa hau ciindiaa-o va kon ni, yinɔɔ kon dindi vana le nɔɔ n'faloo le, kɛ piɛilen o co le Hala yɔngɔnndo fasɛi ni, ndu ciindiaa vana a tendul Yeesu Krista-o o kɔɔ ni.

Dɛnnda kiilaa 2:38

Mí Piɛr mulul nda aa: «La mangalan, mì vana-vana o niaa tɛɛn sɔla yinɔɔ o diola Yeesu lan, haliko mi hakila niaalan la malnun haki. O kon mì la sɔla ke Kɔl-Diandaa.

Matie 28:19

La kɔ mì la siinguu vanaa-mangalaa-isɔɔa súúlan kpow kaandennda, mì la yin nda o diola Fuɲaa, Poo a Kɔl-Diandaa,

Nsaki 4:4

Éé niaa vanaa laasiannda ha! Vɛ̀ɛ̀ la co sina le maa, yeemɛi ceendo ho i siinguu vana yaamɔɔ Hala-o ni? Lelan, vana yeema pɛ le vaa caaŋoo ceendo, ndu siŋnun yaamɔɔ Hala-o.

1Korɛntea 9:13

Niaa pila sínà maa vanaa co baalaa o Cɛi-Hala-o nin-nda, o cɛi kon nin koni nda sɔla ɲɛdiaa ndaa ni. Vanaa co sálàlan solio o fonda-loamaa-lasálàá coo-a bɛɛ, o sálàla lan nin ɲɛ nda diaa fula ni.

Rɔmnda 7:1

Puapilɛa nia, vɛ̀ɛ̀ la co sinà le maa o vanaa sinà tɔŋndo-a lo ya co sɔɛi nuaa ni? La sinà maa lɔ́ɔ́ vanacieo co vɔ yoomu-o kínɛí o co o tɔŋndo bɛngu ni.

Rɔmnda 6:16

La sinà maa te la yɔngun pɛ vanndo le ndu baalaa tosallo mì la bii sɔɛi ndɔɛi, mɛɛ la siŋnun cɛa vana niaa bii kon sɔɛi ndɔɛi-yo. Te sɔɛi hakio niaa bii ni, la sɔla piɔ́mndo, te sɔɛi Hala-e ni, la siŋnun vanaa sandaa.

Dɛnnda kiilaa 19:5

Mɛɛ nda tuei sɔɔn mun, má sɔla yinɔɔ o diola Maalii Yeesu lan.

1Korɛntea 6:9

Niaa pila sínà maa vanaa sendu le-a lueinin o Masale Hala len nin te. La huinun te: vanaa-vanaa co keiyo suundaa, vanaa soolaa n'piɔmnda, vanaa kei suundaa a langbaa felengia-a, vanpiaandua tosa kpelemɔsaa a caaŋaa ndaa vanpiaandua-a,

1Korɛntea 5:6

Kuundian niaa niŋ te. La sínà maa lɛvɛnndo ɲɛ-pɔmbɔ nɔla mò heelu kpeyan buloo.

Dɛnnda kiilaa 8:16

Nduyɛ, Hala Kɔl-Diandaa kon ndóò tul-lɔ vana-vana coo o nda tɛɛn te. Yinɔɔ daama ndáà sɔla vɔ o diola Maalii Yeesu lan ni.

2Korɛntea 13:5

Niaa pila yaasiaa vɔ kɔlta niaalan ɲɛkɛndɛi, le sinaa te la nɔ pɛ laalanndo. Niaa pila solin kɔlɔ. Vɛ̀ɛ̀ la co sínà le maa Yeesu Krista co niaa nin? Te la cee kɔlɔ solin te, fɔ le kon.

1Korɛntea 15:29

Te vana muungu yɛ yoomu le, vɛ̀ɛ́ nɛ vanaa co yinɔɔ sɔlaa o fonda vanvílɛ́iya-a tosa yɛnin? Te vanaa vi-a muungunin yoomu le, le kɔlɔ yɛɛ nda sɔla yɛ niko yinɔɔ le nda?

1Korɛntea 3:16

Cɛi-Hala-o niaa co ni, Hala Kɔl-Diandaa co niaa nin. Vɛ̀ɛ̀ la sínà ken te?

1Korɛntea 6:19

La sínà le maa dialun nian n co Cɛi-Mɛlɛka Hala Kɔl-Diandaa ni, o co niaa nin-ndo pɛɛn, o niaa sɔla Hala o ba-o? La co a ba niaa le.

1Korɛntea 9:24

La sínà maa vanaa ɲaanun-nda kpow a ɲaanun o falle nin ni, kɛ vana pilɛ kpé sɔla salaa ni? La ɲaanun lende, mì la sɔla salaa.

1Korɛntea 10:2

Má sɔla yinɔɔ o yumbuyumbu kon nin a o mɛmma ihɛllan nin a Moise latulu.