Rɔmnda 6:23 - BII BILA

²³ Kani sala hakio co piɔ́mndo ni, kɛ ɲɛ Hala ke vana fondo fúú-o, ndu co yoomu fɛɛn-fɛɛndo o Yeesu Krista nin ni, Maalii naa.

Rɔmnda 6:23 Referans Kwoze

Nsaŋ 3:36

Vana laalan pɛ Poo, ndu sɔla yoomu fɛɛn-fɛɛndo. Vana kɛɛ pɛ le Poo laalanndo, ndu sɔlanin yoomu kon te, kɛ kɔltuw Hala-o vanin vana kon coo.»

Rɔmnda 5:12

Lelan, mɛɛ hakio luɛi o ceendo nin le vanacieo ndu pilɛ mí haki kon hun a piɔ́mndo yɛ, lende piɔ́mndo kei vanndacieea kpow coo ni. Kani nda kpede a tosa hakio.

Nsaki 1:15

Te yeemɛi cua pɛ folio, i velu hakio. Te hakio kendu pɛ, o kom piɔ́mndo.

Nsaŋ 6:40

Hɛnan Fuɲa nuu co kon ni, maa vannda kpow a mulul Poo hɔlla, mà laalan ndu, mà sɔla cinda fɛɛn-fɛɛndo. Ya yɛ, i minginin nda yoomu fulaa vanvílɛ́iya tɛɛn o paale mɛɛlaa len.»

Matie 25:46

Vanaa kan nda nda, dɛnɛ palaa fɛɛn-fɛɛndo toalnin nda coo, kɛ vanaa sandaa kɔanin o yoomu fɛɛn-fɛɛndo nin.»

Esekiɛl 18:20

Vana co hakio tosaa-o, vana kon vunin ni. Poo bɛnda mò sɔla sangaa le haki fuɲa ndɔ tosa-o le. Dɛnɛ sandaa vana sandaa tosa-o lonin vana sandaa kon coo, mì dɛnɛ kɔlvesɛi vana kɔlvesɛiyo tosa-o lo vana kɔlvesɛi kon coo.

Esekiɛl 18:4

Kani la tofa vɔ, le ya yoomulan kpede la co ni, yoomu poo co le ya mɛɛ yoomu fuɲaa po kon co le ya yɛ. Tan tiɔn kpow, sumialii ni la co ni. Lelan vana co hakio tosa-o, vana kon vunin ni.

Nsaŋ 5:24

Mí Yeesu hiaw laci a nda dimullo aa: «I co niaa toɲaa dimul kpendekele, vana-vana tuei pɛ sɔɛi nii mò laalan vana vem ya-o, vana kon ndu sɔla cinda fɛɛn-fɛɛndo, o sɔla yaala le, kɛ o fula o piɔ́mndo nin, mó muungu yoomu.

Rɔmnda 5:21

Nduyɛ, mɛɛ hakio tosa masalen a piɔ́mndo o kɔɔ yɛ, lende koni kɛndɛi co masalen tosaa a dɛnɛ sandaa o kɔɔ ni, le vanndacieea yoomu fɛɛn-fɛɛndo yɔngoo Maalii naa Yeesu Krista o ba bɛngu.

Rɔmnda 2:7

O kenin vanaa co biuvɔnndo le dɛnɛ kɛndɔɔ tosaa-a yoomu fɛɛn-fɛɛndo, a co kindinndo le biiloo, bɛɛlen a si lɔ́ɔ́-lɔ́ɔ̀-o sɔlaa-a pɛɛn.

O Kandɔɔ 2:17

kɛ dia kɔmnde yɔm tosà mì vana sina dɛnɛ kɛndɔɔ a dɛnɛ vɔɔndo-o le. Kani paale n co ndu dio len, piɔ́mndo siŋnun ɲinkon mial nɔm.»

Nsaŋ 10:28

I yɔngu nda yoomu fɛɛn-fɛɛndo. A vinin lɔ́ɔ́-lɔ́ɔ̀ le, nduyɛ vana-vana solinin nda ya o ba le.

Dɛnnda cɔɔmuanndan 21:8

Kɛ vanaa isiòònda, vanaa laalan te-a, vanaa tosa mààlan-nda, vanaa diw vannda-a, vanaa tosa dɛnnda laasiɛilan-nda, vanaa mangalaa, vanaa soolaa n'piɔmnda a vanaa lacòòvaa kpede, o dala bɛndu leyin fungoo vanin ŋɔu nin-ndo nin fonda ndaa vanin ni, piɔ́m diinndɔɔ co kon ni.»

Tite 1:2

mà sɔla kɔlkɛsiaa le yoomu fɛɛn-fɛɛndo sɔlaa. Hala, o dimi lacòòva loo dimi sɔɛi yoomu kalaa kabi paandu ni.

Rɔmnda 5:17

I co toɲa maa piɔ́mndo cɔm kpaaya ndɔɔ le haki vanndo ndu pilɛ tosa-o. Lelan, vanaa sɔla kɛndɛi bɛnduei a dɛnɛ sandaa-a tosanin masalen Yeesu pilɛ kon o ba bɛngu o ceendo coo.

Rɔmnda 6:16

La sinà maa te la yɔngun pɛ vanndo le ndu baalaa tosallo mì la bii sɔɛi ndɔɛi, mɛɛ la siŋnun cɛa vana niaa bii kon sɔɛi ndɔɛi-yo. Te sɔɛi hakio niaa bii ni, la sɔla piɔ́mndo, te sɔɛi Hala-e ni, la siŋnun vanaa sandaa.

Nsaŋ 17:2

maa mɛɛ n ke ndu kpaayaa ɲɔɔn kpow coo yɛ, haliko mo ke vanaa n ke ndu-a kpow yoomu fɛɛn-fɛɛndo.

O Kandɔɔ 3:19

Lɔ́ɔ́ pá ma sɔlá nin ɲɛdiaa nɔmndo, fɔ ma kelun lalle o itendu. A lonin lende háá mà muungu lɛŋ, nɛɛ n fula-a. Kani a puuloo n cɔwnun ni, lelan o puuloo nin n co vɛlɛ muungu ni.»

Nsaŋ 6:68

Mí Simɔn Piɛr mulul ndu aa: «Maalii, o nɛ̀ɛ̀ lo naa n kɔa yɛnin? Nɔm nɔ sɔɔn yoomu fɛɛn-fɛɛnndon ni.

Nsaŋ 6:27

La fafala le ɲɛdiaa nɔla mò tambu-o le, kɛ la fafala le ɲɛdiaa tembu loo, o tosa mi vana va yoomu le fɛɛn a fɛɛn-ndo, o Po vanacieo kenin niaa-o, kani ndu Hala Fuɲaa sui pondale ndɔlen ni.»

Esai 3:11

Dɛnɛ palaa co le vana kɔlvesɛiyo! Sangaa co ndu cum! Kani o sɔlanin tɔnɔ vali bala ndɔlan la co tosaa-o.

1Nsaŋ 2:25

Ɲɛ o dimi le naa keo-vo co yoomu fɛɛn-fɛɛndo ni.

Kalatea 3:10

Kani vanaa-vanaa tiindan tɔŋndan biyɔɔ, nda co o dangaa bɛngu, kani o co o sɛvaa aa: «Dangaa co le vana biinin sɔɔn co n sɛvaa o tɔŋndo nin kpede mò kɛɛ le kelaa lecoo-o.»

Nsaŋ 4:14

kɛ vana kol pɛ mɛmma ya co ndu yɔngu-an, kolɔɔ bii lɛnin ndu lɔ́ɔ́-lɔ́ɔ̀ le. Mɛmma ya co ndu man yɔngu-an ma siŋnunnin pee-lebollo ndu nin, mì mɛmma ndɔan ma kɔɛ háá o cinda fɛɛn-fɛɛndo nin.»

Talelan 11:19

Vana kelu pɛ le vaa vana sandaa, ndu vanin yoomu, kɛ vana holnun pɛ dɛnɛ vɔɔndo tosaa, ndu sɔlanin piɔ́mndo.

Esai 3:9

Hɔlaa ndaa co nda seilen tɛndallo kpendekele. A co hakila ndalan solio ceen vakpa. Mɛ̀ɛ́-mɛ̀ɛ́ sodɔmnda va tosaa yɛ, a co lan tɔ́ɔ́ keeliaa o co bɛɛ o vionnɔn nin te! Lelan, dɛnɛ palaa co nda cum! Kani a cii dɛnɛ palaa toosiaa le nda pila.

Nsaŋ 4:36

Vana koavaa co nin bɛɛ salaa sɔlaa, mo va kullon cuungiaa le cinda fɛɛn-fɛɛndo, haliko mi vana saŋaa nda vana koavaa dɔwnun ɲaale latulu.

Rɔmnda 1:32

Kɛ nduyɛ, a siná yamɛi Hala-e pɛɛngu maa vanaa-vanaa co dɛnnda lan tosaa, piɔ́mndo co le nda ni. O tasoo, nda pila co dɛnnda lan tosaa, mà sim vɛlɛ vanaa co lan tosaa-a kɔɔli.

Rɔmnda 6:21

Tɔnɔ yɛɛ niaa sɔla yɛ o dɛnnda lan nin telen kon, dɛnnda siɛmbulan la co niaa biyɔɔ sunsun-ndan pɛɛn? Kani mɛɛlula dɛnnda lan co piɔ́mndo ni.

Rɔmnda 8:6

Kani dɛnnda n'falulan la co piɔ́mndo ni. Kɛ dɛnnda Kɔl-Diandaa la co yoomoo a kɔlɲuloo ni.

Rɔmnda 8:13

La kela pɛ o dɛnnda n'falulan nin, la co vu. Kɛ te Kɔl-Diandaa tosa pɛ mì la dii dɛnnda ivanaciea lan, mɛɛ la vanin yoomu.

Rɔmnda 8:38

Kani i laalan maa o va piɔ́mndo, o va yoomoo, o va mɛlɛkaa, o va kundala co o masalen nin coocoo lan, o va dɛnndan ndan sunsun, o va la co hunɔɔ lan, o va kpaayalan,

Rɔmnda 8:39

o va ɲɛm co coocoo-on, o va ɲɛm co lebɛngu-on, o va ɲɛm celen Hala cɔw-von, ɲɛ-ɲɛ nɔlanin naa siɛi a kaola Hala kaola naa o Maalii naa Yeesu Krista nin-ndo le.