Rɔmnda 6:22 - BII BILA

²² Kɛ sunsun, la hɛlun hakio, mì la siŋnun cɛa Hala-a. La tosà niko dɛnndan le dindinndo, o kon mì sɔla yoomu fɛɛn-fɛɛndo.

Rɔmnda 6:22 Referans Kwoze

1Piɛr 2:16

La kela maa vanaa co o ba nda coo-a, kɛ nduyɛ, la siinguu hɔ́ɔ́yɛi niɛi kunga viannanndo le dɛnɛ vɔɔndo vionɔɔ le, kɛ la tosa dɛnndan maa vanaa baalaa Hala.

Rɔmnda 6:18

Mɛɛ niaa hɛlun hakio, mí la siŋnun cɛa dɛnɛ sandaa.

Rɔmnda 8:2

Kani tɔŋ Kɔl-Diandaa yɔ̀ngu vana yoomoo o Yeesu Krista nin-ndo baŋa ya tɔŋ hakio a tɔŋ piɔ́mndo o ba.

Nsaŋ 8:32

la sinanin toɲaa, mì toɲaa soli niaa o cɛlen nin.»

Kalatea 5:13

Puapilɛa nia, le hɔ́ɔ́yɛi niaa sɔla veeloo ni. Kɛ nduyɛ, la siinguu hɔ́ɔ́yɛi ken fɛɛlɔɔ le luɛyɔɔ dɛnnda n'falulan tosaa le, kɛ la tosalan baalaa vellaa-velle a kaolianndo.

1Korɛntea 7:22

Kani vana sɔla pɛ veeloo Mɛlɛka o ba telen o co cɛɔ-vo, o sɔla hɔ́ɔ́yɛi Mɛlɛka o ba. Lende vɛlɛ koni, vana vannun pɛ o hɔ́ɔ́yɛi nin telen o sɔla veeloo-o, mɛɛ cɛ Krista-o o co ni.

1Piɛr 1:9

kani la sɔla i niaa va kiltan kɔɔli-e: cindaa le kɔlta niaalan.

Kalatea 1:10

Mò va maa candɔɔla vanndacieea ya co nuwviaa ni baa Hala ya candɔɔ? Mò va maa le hɛnan vanndacieea tosaa ya co kindinndo ni? Te yáà yeema pɛ le hɛnan vanndacieea tosaa, yáà venin vana baala Krista-o le.

Rɔmnda 6:14

Kani hakio nɔ lɛnin niaa kpaaya coo le, bau la co lɛ o tɔŋ bɛngu le, kɛ o kɛndɛi bɛngu niaa co nin ni.

Esai 54:17

Lelan, ɲɛ cɔw oo ɲɛ cɔw cɔwnun pɛ le nɔm delɔɔ coo, le nɔm dɛnɛ vɔɔndo tosallo, ɲɛ cɔw kon nɔnin mayoomu le kpeku oo kpeku soli le, vana-vana kɔɔsa pɛ a nɔm o fonda kialaa n'yamaa, a mulinin ndu kɔllo mò sina maa vana kɔlvesɛiyo o co ni. Lende kɛ́ vanaa baalaa Mɛlɛka-a co ni, lende dɛnɛ sandaa fula ya o ba le nda-o co ni, Mɛlɛka soo lende ni.»

Kalatea 5:22

Kɛ kulii Kɔl-Diandaa koam-nde co kaolaa, ɲaaloo, kɔlɲuloo, biuvɔnndo, vanakɛndɛyɛi, kɛndɛi, lou o diomnden coo,

Rɔmnda 7:4

Puapilɛa nia, lende koni i co ni. Niaa bɛɛ la vi a ba tɔŋndo o dialun Krista-on nin, mí la muungu sumialii vana celen, o tendul fulaa vanvílɛ́iya tɛɛn-ndo, haliko mi n kom kɔmnde kɛndɛlen le Hala.

Rɔmnda 6:21

Tɔnɔ yɛɛ niaa sɔla yɛ o dɛnnda lan nin telen kon, dɛnnda siɛmbulan la co niaa biyɔɔ sunsun-ndan pɛɛn? Kani mɛɛlula dɛnnda lan co piɔ́mndo ni.

Matie 25:46

Vanaa kan nda nda, dɛnɛ palaa fɛɛn-fɛɛndo toalnin nda coo, kɛ vanaa sandaa kɔanin o yoomu fɛɛn-fɛɛndo nin.»

Daniɛl 3:26

Mí Nebukanɛsar sɔɔnguu o tóndó bɛndu leyinndo sondoo, mó veelu coocoo aa: «Sadrak! Mesak! Abɛd-Neko! Vanaa baalaa Hala-Hiow-Ɲɔɔn-kpow-vo-a, la fula mì la hin nanu!» O kon, mí Sadrak, Mesak a Abɛd-Neko a fula o yinnden nin.

Condii lisai 143:12

Le kaola nɔmndo, a kindanin yaamɔaa nia sondolan, mà cii vanaa co yoomu nuu simullo-a kpow tɛɛmbuu.

Tite 1:1

Ya Pol, ya vana baala Hala-o a kiilanɔ Yeesu Krista-o. I sɔla vomɔɔ haliko mi vanaa Hala hɛli-a sɔla laalanndo, mà sina toɲaa mɛɛ o bɛnda o laalanndo nin yɛ,

Kolɔsea 1:10

O kon la tiwnin ba kelaa mɛɛ vanaa Maalii-a bɛnda mà kela yɛ, la vanin dɛnnda hɛnan ndu lan tosaa lɔ́ɔ́-lɔ́ɔ̀. La tosanin dɛnnda kɛndɛlan kpow mì la hiow laci a Hala sinaa.

Filipea 4:17

Ken co dimi le maa ɲɛm-kéan niaan ya co kɔɔli ni, o ya co kɔɔli-o co ni, mì la sɔla tɔnɔɔ taw.

Filipea 1:11

Mì Krista mala niaa, mì la pɛ a dɛnnda sandaa lan, o kon mì Hala sɔla biiloo a sangalaa.

Efɛsea 5:9

kani tɔnɔ ɲɛ-tengaa co dɛnɛ kɛndɛ súú-súù ka ni, dɛnɛ sandaa a toɲaa.

2Korɛntea 3:17

Nduyɛ, Kɔl-Diandaa co Mɛlɛka ni. Nɛɛ Kɔl Mɛlɛka-o co pɛ, lon hɔ́ɔ́yɛi co ni.

Rɔmnda 7:25

Balikaa co le Hala o diola Maalii naa Yeesu Krista lan! Kani i co bɛɛ o tɔŋ hakio bɛngu o dialun nun nin nuaa, kɛ i co tɔŋ Hala-o biyɔɔ o kɔl nuu nin.

Nsaŋ 15:16

O co niaa le hɛli ya le, kɛ ya hɛli niaa ni, mí kɛsi niaa, haliko mi la kɔɛ, mì la kom kullon taw, mì kulun nian lo le fɛɛn a fɛɛn. O kon ɲɛ-ɲɛ niaa ɲuna pɛ Pua o diola nilan, o yɔngu niaa ndu.

Nsaŋ 15:2

Lɛvii-lɛvii co pɛ o ya nin, mì i kum te, o kialunin ndi. Lɛvii-lɛvii kom yɛ pɛ, o kɛɛya ndi haliko mi i cɔɔlu komɔɔ.

Nsaŋ 4:36

Vana koavaa co nin bɛɛ salaa sɔlaa, mo va kullon cuungiaa le cinda fɛɛn-fɛɛndo, haliko mi vana saŋaa nda vana koavaa dɔwnun ɲaale latulu.

Matie 19:29

Nduyɛ vana-vana mɛi pɛ cɛila ndɔlan, puapilɛa ndɔa, yemaa ndɔa, fuɲa ndɔ, kala ndɔ, laa ndɔ, cuavaa ndɔa, te kon te yondola ndɔlan le diola nilan, ndu sɔlanin o hiow kon polon-ndo. O kon kɔɔli, o sɔlanin yoomu fɛɛn-fɛɛndo.

Matie 13:43

O telen kon, vanaa sandaa vanin tengaa maa lepala o masale Fuɲa nda len nin. Vana nɔ pɛ nilan, mɛɛ ndu tueí!»

Matie 13:40

Nduyɛ, mɛɛ vana suingi bil vɔɔndo le ndu malɔɔ o yin nuaa yɛ, lende koni mɛɛlula ceendo la vanin ni.

Condii lisai 92:14

Le tùú nda co a tɔalaa o Cɛi-Hala-o nin-ndo, a kuinin o Hala naa lo bɛɛ.

SƐBƐ YƆB-O 1:8

Mí Mɛlɛka ɲuna ndu aa: «Vɛ̀ɛ̀ a dɔw pá Yɔb, vana ni baalaa, taasi? Vana-vana co maa ndu o lɛŋnden coo le, vana sakpoo a vana sandaa o co ni. O nɔ siòòŋii Hala-e o kpakpalà dɛnɛ vɔɔndo.»

Kundalan 23:10

Nɛ̀ɛ́ nɔla yɛ polale Yakɔb len cɔmndo tɛ́kpɛ́-tɛ́kpɛ́? Nɛ̀ɛ́ nɔla yɛ mò cɔm cundu co lɛŋ-ndo o pilɛn-pilɛnndo? Nɛ̀ɛ́ nɔla yɛ mò cɔm cuavaa-imamaa Yakɔb-a? Màá piɔ́m nuu yɔŋnun maa piɔ́m vanaa sandaa! Màá mɛɛlula nilan la yɔŋnun maa mɛɛlula ndalan!»

O Kandɔɔ 50:17

naa n ɲuna nɔm mì nɔm mal naa haki le kɔlvesɛi naa n tosal nɔm-ndo a haki naa n cua a nɔm-ndo. Lelan, n tɛɛlun nɔm yandi, mal niko vanaa baalaa Hala fuɲa nɔm-nda haki, naa pɛɛn.» Yosɛf tueyɔɔ sɔɛi ken, mó koŋul.

Dɛnnda cɔɔmuanndan 7:13

O kon mí bɛndu yuuvɛiyo pilɛ cua sɔɛi, mó ɲuna ya aa: «A nɔ haa domala bɛndula humbulan-nda, vanaa súú yɛɛ nda co yɛ, kuɛɛ nda fula yɛ?»

Nsaki 1:1

Ya Nsaki, vana baala Hala-o a vana baala Maalii Yeesu Krista-o co sɛbɔɔ ho sɛvaa ni, le poloma tɔ́ a mamiɔmma co ma sɛŋianndan vanaa-mangalaa-isɔɔa tɛɛn-ndan, i yil niaa!

Daniɛl 6:20

Idiiyo púŋ, mí masaa can a kiltan, mó kɔa o soon yàlàá sondoo.

Condii lisai 86:2

I co vana pilɛ o vanaa lo o lediom coo a nɔm-nda tɛɛn, kanda ya. Vana baala nɔmndo ya co ni, nɔm ya tiindan ni. Hun ciindiaa ya, nɔm Hala nuu.

Kolɔsea 4:12

Epafras fula o niaa lo-o yil niaa. Vana baala Yeesu Krista-o langbanɔ kon co ni, o co pɛngì Hala piɛyo le niaa le, haliko mi la sim yili, mì la peelun, mì la tosa hɛnan Hala-o o dɛnndan kpow nin.

Hebreea 12:14

La kindin le vaa o kɔlɲuloo nin a vannda kpow, mì la va a diandaa. Kani te o co o dindinndo nin te, vana-vana cinin Maalii le.