Rɔmnda 6:19 - BII BILA

¹⁹ O vanacieeyɛi nin ya co sɔɛi ni, le tùú niaa nɔ mayoomu o falun niaan nin too. Maa mɛɛ niaa luei paandu dialun niaan o cɛle dɛnɛ nɔɔlɛilen a o cɛle dɛnɛ sandaa lepɛŋndo nin le dɛnɛ sandaa lepɛŋ kon tosaa yɛ, mɛɛ la luei niko dialun mun o cɛle dɛnɛ sandaa nin le dɛnɛ diandaa tosaa.

Rɔmnda 6:19 Referans Kwoze

Rɔmnda 6:13

La yɔngu lɛ falun niaan le hakio tosaa maa ɲɛm valin dɛnɛ sandaa lepɛŋ-ndon te. Kɛ niaa pila yɔngun le Hala maa vanaa tendul fulaa vanvílɛ́iya tɛɛn-nda, mì falun niaan va maa ɲɛm valin dɛnɛ sandaan le Hala.

Rɔmnda 3:5

Kɛ te sandii nɛi lepɛŋnde tosa pɛ mì sandii Hala-e sinan, vɛ̀ɛ̀ naa n dimi yɛnin ken? Vɛ̀ɛ̀ vana sandaa lepɛŋndo Hala va le kɔllo tuuloo a naa ni? (O vanacieeyɛi nin ya co sɔɛi nuaa ni.)

1Korɛntea 6:11

Nduyɛ lende vanaa pum niaa tɛɛn a va paandu ni. Kɛ mí la sɔla pulɔɔ diandaa Mɛlɛka-o, mí la sɔla diondɔɔ le hakila niaalan, mí la siŋnun vanaa dɛnɛ sandaa Mɛlɛka-a o diola Maalii Yeesu Krista lan a á Kɔl-Diandaa Hala naa.

Kalatea 3:15

Puapilɛa nia, n cuannun-ndɔ tɔɔmaseloo o naamula naalan nin, te vanndo va pɛ vuo, mò bɛɛndiaa sɛbɛ leseiyo ɲɛkɛndɛi, vana-vana nɔ dí mò faŋa ɲɛ pum, te kon te mò handu ɲɛ pum lecoo o sɛbɛ vaa lende nin te.

Hebreea 12:15

La caa dɛ! Vana-vana fula o kɛndɛi Hala-e bɛngu le. Vana-vana va maa tɔlɔɔ vɔɔn vul o tɔlɔɔ kɛndɔɔ tɛɛn mò tɛɛmbuu ndu-o le.

Hebreea 4:15

Bolle vanaa-solia-lasálà naa n nɔ-o nɔ ɲíí nɛi. Kani fúú le, o sínà maa n nɔ kpaaya le. Kani ndu bɛɛ mó sɔla tɔɔndanndan o nɛi oo nɛi coo mɛɛ naa n co tɔɔndanndan sɔlaa yɛ, kɛ o tosa haki kɛ́-kɛ̀ le.

1Korɛntea 9:8

Vɛ̀ɛ̀ sɔɔn ivanaciean daama ya co dimio ni? Vɛ̀ɛ̀ o co ɲɛ pilɛ kon te tɔŋndo dimi le?

1Korɛntea 5:6

Kuundian niaa niŋ te. La sínà maa lɛvɛnndo ɲɛ-pɔmbɔ nɔla mò heelu kpeyan buloo.

Rɔmnda 15:1

Naa vanaa nɔ kpaayaa o laalanndo nin-nda, o bɛnda mì n biwnun vanaa nɔ kpaaya le-a. N nuwvian o hɛnan naa pila-o kínɛí le.

Rɔmnda 8:26

Lende koni Kɔl-Diandaa co naa malaa o kpaaya naa lepɛŋndo nin ni, kani n sinà ɲɛ naa n bɛnda le ɲunaa o piɛile naalen nin-ndo le. Kɛ Kɔl-Diandaa pila co piɛilen le naa a kuŋnda vanaciee nɔla tuula le lan.

Matie 4:23

Yeesu va kelaa o tàndá Kalile-o kpow nin, o va keiyo vannda pɛɛkoo o cɛila lekaannda Yuifia nin, o va yondaa a masale Hala len o kɔɔ, o va vannda singio a nààla ndalan kpow a á namtale kɛ́-kɛ̀ ndáà nɔ.

Rɔmnda 7:23

kɛ mí saalun maa tɔŋ celen co o dialun nun nin, o co tɔŋ kɔlkalu nuu cɔlɔbaa-o. O bii ya o cɛle tɔŋ haki co o falun nun nin-ndo-o.

Tɔŋ lasálàá 13:40

Te yiiŋii co vanndo o lebol-le keendun pɛ, mì temboo del ndu, mɛɛ vana kon dendu Mɛlɛka o hɔl.