Rɔmnda 6:17 - BII BILA

¹⁷ Kɛ kɛɛmasɔlan Hala le, la va cɛa hakia, kɛ mí la bii sɔɛi a kɔlta niaalan kpow, sɔɛi pɛɛku niaa sɔla-o pɛɛn.

Rɔmnda 6:17 Referans Kwoze

1Piɛr 2:9

Kɛ niaa, vanaa Hala hɛli-a niaa co ni, vanaa-solia-lasálàá lemasaa, kunda diandaa, haliko mi la yonda dɛnnda kɛndɛla vana soli niaa o ɲumndan nin, mó cuu niaa o ɲɛ-tengaa ndɔ sɔvɛɔ-o nin-ndo lan.

2Timote 1:13

Loonun sɔɔn toɲan n tuei ya o sondo-on, va tɔɔmaseloo o laalanndo a o kaola n nɔ le Yeesu Krista-o nin.

2Korɛntea 2:14

Kɛ n melnun Hala balika, kani o co cɛlɔɔ mì n va dɛnndan tiwvo ba lɔ́ɔ́-lɔ́ɔ̀ o diola Krista lan. O co vɛlɛ tosaa mì n va sɔɛi Krista-e vannda cɔmndo nɛɛ-nɛɛ ka maa mɛɛ lasikɔlɔ cun kɛndɔɔ tiw ba-ba fee nuaa yɛ.

Rɔmnda 16:26

Sunsun, o co o cɔmnan kpendekele. O kon mí vanaa súúla yɛ́-yɛ́a co n'yuif le-a a sínà yoongu kon o sɛbɛla vanaa-tɛɛngaa-diom Hala-a nin. Hala co le fɛɛn a fɛɛn-ndo dimi ndu ni, haliko mi vannda súúlan kpow a laalan ndu, mà bii sɔɛi ndɔɛi.

Rɔmnda 1:8

Ɲɛ tasoo, i mel Hala nuu balika o diola Yeesu Krista lan le niaa kpow, kani laalan niaa kela tɔ́ɔ́ o ceendo coo kpow.

3Nsaŋ 1:3

I nàŋ kɔl taw, kani puapilɛa hin má timbi seilen le toɲa co nɔm o kɔl-lo a le kela kɛndɛ n co cɔmndo o nɛi toɲaa coo-o.

Rɔmnda 15:18

Kani i diminin isɔɔ oo isɔɔ le, te o co sɔɛi Krista tosa o ya nin-nde le, sɔɛi o tosa mí vanaa co n'yuif le-a bii sɔɛi Hala-e yɛ. A sɔɛi sondoei a á dɛnndan o tosa ken

Dɛnnda kiilaa 11:18

Mɛɛ nda tuei sɔɔn mun, mí nda kpow a mei, má candu Hala aa: «Mɛɛ Hala cɛl mì vanaa co N'Yuifi le-a bɛɛ mangala kelala ndalan, mà sɔla ciinda kpeekpeiyo.»

2Nsaŋ 1:4

Ɲɔɔ hɛnan ya taw lɔ́ɔ́ ya ce cuavaa nɔmnda pum kelaa o toɲaa coo-o, maa mɛɛ tɔŋ naa n sɔla Pua o ba-o co yɛ.

Hebreea 5:9

Nduyɛ, mó peelun o dɛnndan kpow nin. Sunsun, vana-vana bii pɛ sɔɛi ndɔɛi, o ke ndu cinda fɛɛn-fɛɛndo.

Filemɔn 1:4

Telen oo telen ya va pɛ piɛilen, i yiyan nɔm coo, i mel Hala nuu balika.

2Tesalonikea 1:3

Puapilɛa naa, mɛɛ mì n va Hala balikaa mello le niaa. O bɛnda mì n tosa kon, kani laalan niaa co cɔɔloo hiovɔɔ laci, kaola co niaa tɛɛn vellaa-velle-o co hiovɔɔ laci tuŋ.

1Piɛr 4:17

Kani o telen kon, yamɛi kandunnin kiolɔnndo a Cɛi-Hala-o o kɔɔ. Nduyɛ, te yamɛi kandun pɛ a naa, vɛ̀ɛ̀ mɛɛlula vanaa cɛl sɔɛi Hala-e le-a va yɛnin?

1Piɛr 3:1

Niaa vanlaandua bɛɛ, vana-vana tuisin pɔnɔ ndɔ o labɛngunin, o kon hali mì a pum o nda tɛɛn a laalan sɔɛi Hala-e le, mà sɔlan le kela laandua ndaa, o ve a isɔɔ le,

1Piɛr 1:22

La cii kɔlta niaalan dindi o sɔɛi toɲɛi biyɔɔ nin, haliko mi kaolian kpeekpeiyo va niaa tɛɛn. Puapilɛa nia co ni, lelan la kaolian vellaa-velle a kɔltan kpow,

Hebreea 11:8

A laalanndo Abraham cɛl veelu Hala-o ni, mó kɔa o lɛŋnde Hala yiilu ndu kpemaa le ndu len keo kɛ́ɔ len nin, ndóò sínà vɔ bɛɛ lon te, mó kɔa.

1Tesalonikea 3:9

N sínà bɛɛ mɛɛ naa n mel Hala balika le niaa le, kani la yɔngu naa ɲaaloo o lakɔl ndu o hɔl.

Efɛsea 1:16

i co pɛngi Mɛlɛka balikaa mello le niaa le, i co niaa yiyanndo coo o piɛilen nin.

1Korɛntea 1:4

I co Hala balikaa mello lɔ́ɔ́-lɔ́ɔ̀ le kɛndɛi ndɔɛi, i yɔngun niaa o Yeesu Krista nin-nde.

Rɔmnda 1:5

O ndu kɔɔli naa n sɔla kɛndɛi ni, mí n siŋnun kiilaa le vanaa-mangalaa-isɔɔa kpow sɔɛi ndɔɛi dimullo haliko ma cɛl ndi, mà laalan.

Condii lisai 18:44

Nɔm Mɛlɛka, a co ya baŋaa vanaa nila kalua o ba, o kɛsi ya simlacinɔ vanaa-mangalaa-isɔɔa coo, vanaa yáà sina paandu le-a cal o ba nuu bɛngu.

Ɛsdras 7:27

«Biiloo co le Mɛlɛka, ó co Hala fuɲaa naa imamaa-o, ó luei masaa yiyan kɛndɔɔ o kɔl le Cɛi-Hala co Yerusalɛm-ndo bɛɛle bɛndule vaa nuaa yɔngoo-o!

Rɔmnda 2:8

Kɛ o tuisinin kɔltuw ndɔɔ a hiilɛi ndɔɛi vanaa sɛɛngiaa ndu, má kɛɛ toɲaa, má muungu bollen vowvo o dɛnɛ vɔɔndo nin-nda coo.

Dɛnnda kiilaa 28:15

Mɛɛ puapilɛa naa va Rɔm-nda tuei naa tɔ́ɔ́, má hun naa bɔŋa háá Apius o lɔ́ɔ́ nin a o Cɛila Yaala Yiyaa mialla. Pol cɔu nda dɔ́ɔ́, mó mel Hala balika, mó sɔla yoomuan.

1Korɛntea 14:6

Puapilɛa nia, te i kɔɛ pɛ o niaa lo, mì kɔ soo o sɔɔn mangalan celen nin, yɛɛ kon nɛŋul-lɛnin niaa? Kon nɛŋul niaa ɲɛ-ɲɛ le, mɛɛ mì tɛɛngul niaa sɔɛi cɔmnun-nde, te kon te dɛnɛ sinaa, te kon te mì tɛɛngul niaa diom Hala-o, te kon te vɛlɛ mì pɛɛku niaa?