Rɔmnda 6:16 - BII BILA

¹⁶ La sinà maa te la yɔngun pɛ vanndo le ndu baalaa tosallo mì la bii sɔɛi ndɔɛi, mɛɛ la siŋnun cɛa vana niaa bii kon sɔɛi ndɔɛi-yo. Te sɔɛi hakio niaa bii ni, la sɔla piɔ́mndo, te sɔɛi Hala-e ni, la siŋnun vanaa sandaa.

Rɔmnda 6:16 Referans Kwoze

Nsaŋ 8:34

Mí Yeesu mulul nda aa: «I co niaa toɲaa dimul kpendekele, vana-vana tosa pɛ hakio, ndu siŋnun cɛ hakio.

2Piɛr 2:19

A co nda dimullo maa a kenin nda hɔ́ɔ́yɛi, nduyɛ nda pila co o cɛlen nin dɛnnda tɛɛmbuu vana lan o ba, kani vana-vana co o biyaa o cɛlen nin ɲɛ o nɔla hiɔlɔnndo loo o ba.

Yosue 24:15

Te ɲɔɔ hɛnan yɛ niaa le Mɛlɛka baalaa tosallo le, mɛɛ la hɛli hau vana niaa yeema le baalaa tosallo-o, o va halaa fuɲaa niaa mamaa ndáà sooluu paandu peo leeloo-a, o va halaa Amoriaa niaa co icali o lɛŋnde ndalen nin-nda co sooloo-a. Kɛ ya a yungu nuu, Mɛlɛka naa n vanin baalaa tosallo ni.»

Matie 6:24

«Vana-vana tiwba mò tosal vanaa bɛndua nda ŋiɔn baalaa o lepilɔɔ le. Kani o pilɛ nɛinunnin ndu, mò kaola o pilɔɔ, te kon te o yiinunnin a ò pilɛ, mò mulul o pilɔɔ kɔɔ. Lá tiwba mì la tosal Hala a volion baalaa o lepilɔɔ le.»

Rɔmnda 6:17

Kɛ kɛɛmasɔlan Hala le, la va cɛa hakia, kɛ mí la bii sɔɛi a kɔlta niaalan kpow, sɔɛi pɛɛku niaa sɔla-o pɛɛn.

O Kandɔɔ 4:7

Taa caa pɛ kelaa, a cuanin bollen, kɛ taa cee kelaa le, hakio co nɔm o dio maa ɲɛ-vueinan, o yeema mò tiw nɔm ba, kɛ nɔm, a bɛnda ma nɔla haki kalaa.»

Rɔmnda 11:2

O co kɛɛ le Hala kɛɛ vanaa ndɔa o síná o tasendɔ-a le. La sínà ɲɛ sɛvan a Elii o kɔɔ-o le? Mó cɛɛŋun a Israɛlla o sondo o Hala lo aa:

Rɔmnda 12:1

Puapilɛa nia, le mɛɛ Hala co naa ɲííye tuinɔnndo yɛ, i co niaa yoomuan luei mì niaa pila solin sálà kiyɛiyo, o dendu mo hɛnan Hala-o, kaannde kpeekpeile niaa bɛnda mì la tosa len le co len ni.

1Korɛntea 3:16

Cɛi-Hala-o niaa co ni, Hala Kɔl-Diandaa co niaa nin. Vɛ̀ɛ̀ la sínà ken te?

1Korɛntea 5:6

Kuundian niaa niŋ te. La sínà maa lɛvɛnndo ɲɛ-pɔmbɔ nɔla mò heelu kpeyan buloo.

1Korɛntea 6:2

Vɛ̀ɛ̀ la co sínà maa vanaa diandaa le a kialunin yamɛi vanaa ceenda le? Te o va yɛ pɛ maa niaa kialunin ceendo iyama ni, vɛ̀ɛ̀ mì la bumba sɔɔn pɔm-pɔmbɔn toosiaa niaa pilaa tɛɛn?

1Korɛntea 6:3

Vɛ̀ɛ̀ la co sínà le maa naa kialunin mɛlɛkaa iyama ni? Te o co yɛ pɛ lende, vɛ̀ɛ̀ mì la bumba sɔɔn ceendo ho toosiaa?

1Korɛntea 6:9

Niaa pila sínà maa vanaa sendu le-a lueinin o Masale Hala len nin te. La huinun te: vanaa-vanaa co keiyo suundaa, vanaa soolaa n'piɔmnda, vanaa kei suundaa a langbaa felengia-a, vanpiaandua tosa kpelemɔsaa a caaŋaa ndaa vanpiaandua-a,

1Korɛntea 9:13

Niaa pila sínà maa vanaa co baalaa o Cɛi-Hala-o nin-nda, o cɛi kon nin koni nda sɔla ɲɛdiaa ndaa ni. Vanaa co sálàlan solio o fonda-loamaa-lasálàá coo-a bɛɛ, o sálàla lan nin ɲɛ nda diaa fula ni.

1Korɛntea 9:24

La sínà maa vanaa ɲaanun-nda kpow a ɲaanun o falle nin ni, kɛ vana pilɛ kpé sɔla salaa ni? La ɲaanun lende, mì la sɔla salaa.

Matie 20:4

Mó dimul nda aa: ‹Niaa bɛɛ la kɔ tosa vallo o nakɔ nuu nin, dɔ́ɔ́ i ke niaa sala bɛnda-o.›