Rɔmnda 6:12 - BII BILA

¹² Lelan, la cɛl mì hakio nɔ kpaayaa dialun niaan puulun n co vu-on coo le, la cɛl mò tundu niaa o yeemɛi ndɔɛi vɔɔnde bɛngu le.

Rɔmnda 6:12 Referans Kwoze

Kalatea 5:16

I ya co niaa dimul-le co hee ni: la màl Kɔl-Diandaa niaa simndan laci o ceen niaa nin, o kon la tosà lɛnin yeemɛi n'faluei le.

Rɔmnda 6:16

La sinà maa te la yɔngun pɛ vanndo le ndu baalaa tosallo mì la bii sɔɛi ndɔɛi, mɛɛ la siŋnun cɛa vana niaa bii kon sɔɛi ndɔɛi-yo. Te sɔɛi hakio niaa bii ni, la sɔla piɔ́mndo, te sɔɛi Hala-e ni, la siŋnun vanaa sandaa.

Rɔmnda 8:13

La kela pɛ o dɛnnda n'falulan nin, la co vu. Kɛ te Kɔl-Diandaa tosa pɛ mì la dii dɛnnda ivanaciea lan, mɛɛ la vanin yoomu.

Kalatea 5:24

Vanaa co o Yeesu Krista nin-nda, nda cii dɛnnda n'falulan a yeemɛi n'faluei baŋɔɔ o yɔm singafilaa coo.

Condii lisai 19:13

Nɛ̀ɛ́ sina yɛ pɔwla ndɔla ndu pila lan? Mɛlɛka, tuinun ya iɲíí le biondɔnnda ya co tosaa o sina lepɛŋndo nin-ndan.

2Korɛntea 4:11

A co naa n co hoo yoomu-o kpede, n co o piɔ́mndo hɔl-ndɔ le Yeesu, haliko mi yoomu ndɔɔ cɔmnun o dialun naan n co hunɔɔ vu-on nin.

2Timote 2:22

Màl yeemɛi ifelengiyɛi, mà nuwviaa dɛnɛ sandaa a laalanndo, a kaolaa a á kɔlɲuloo niaa vanaa co Mɛlɛka biiloo a kɔl diandaa-a latulu.

Efɛsea 4:22

Lelan, mɛɛ mì la mal niinu niaa paandoo, mì la kɛɛ vanacieeyɛi niɛi paanduei. I yiyannda ndɔlan la hui vana, mì la luei vana o tambei nin-nde.

Rɔmnda 2:8

Kɛ o tuisinin kɔltuw ndɔɔ a hiilɛi ndɔɛi vanaa sɛɛngiaa ndu, má kɛɛ toɲaa, má muungu bollen vowvo o dɛnɛ vɔɔndo nin-nda coo.

1Piɛr 2:11

Niaa vanaa hɛnan ya-a, i co niaa sila, niaa co mialla a vanaa hiavannda o lɛŋnden coo-a, la kpakpala yeeman falun co kɔlta niaalan cɔlɔbaa-on.

Tite 2:12

Kɛndɛi kalɛi co naa pɛɛkoo le laalan lepɛŋndo a yeemɛi vɔɔnde o ceendo ho coo malɔɔ, mì n kela kela kɛndɔɔ, kela sandaa, mì n kela a laalanndo o palɛi he sisa nin.

Efɛsea 2:3

Naa kpow, maa nda naa n va kelaa telen pum ni, n va yeemɛi naa n'dial-le a ɲɛ va naa hunɔɔ o lebollo tosaa. Mɛɛ mì kɔl tambɛi Mɛlɛka-o ndóò tol naa coo maa vanaa celen le vanacieeyɛi nɛi paandui ken.

Condii lisai 119:133

Luei nɛila nilan yoomuan mɛɛ sɔɛi nɔmnde i co yɛ, cɛl mì haki oo haki tiw ya ba le.

Kundalan 33:55

Kɛ te la tuw vanaa-mangalaa-isɔaa co icali niaa laci lon-nda kpow le, a niaa co mɛi lon ma va icali niaa tɛɛn-nda co niaa saangiaa mɛ̀ɛ́-mɛ̀ɛ́ yɔɔn cuku vana hɔlten nuaa yɛ, mɛɛ kevekevon via vanndo kɔɔ nuaa yɛ. Yaamɔaa niaa nda vanin o lɛŋnde niaa vanin icali nin-nden nin ni.

Yude 1:18

A va dimio aa: «O telenndo ho mɛɛlulan, vanaa mam vannda-a cannin balɔɔ a yeemɛi ndɛi vɔɔnde.»

1Piɛr 1:14

La del yeeman niáà nɔ paandu o sina lepɛŋ niaa nin-ndon kɔɔli le, n niáà nɔ telen niaa va vɔ n'cuaambɔ-on pɛɛn.

Tite 3:3

Kani naa bɛɛ diɔmnda naa n va paandu ni, vanaa bii isɔɔ le-a, n va o pɔwlan nin. N va cɛa le yeemɛi vɔɔŋun súú-súù ka a le yeemɛi ɲɛm kɛndɔn. N va kɔlvesɛiyo tosaa mí n va yeemɛi vɔɔnde. Náà n nɛinun vannda, mí nda bɛɛ va nɛyɔnndo a naa.

1Tesalonikea 4:5

La malnun yeemɛi vɔɔnde o ba maa vanaa sìna Hala le-a le.

Rɔmnda 13:14

Kɛ n vownun Maalii Yeesu Krista maa doma. N malnun falon o ba le yeemɛi ndɔɛi vɔɔnde tosaa le.

Rɔmnda 8:11

Te Kɔl vana tindi Yeesu fulaa vanvílɛ́iya tɛɛn-ndo co pɛ niaa nin, vana tindi Krista fulaa vanvílɛ́iya tɛɛn-ndo tosanin vɛlɛ mì dialun niaan vu-on muungu yoomu le Kɔl ndɔ co niaa nin-ndo.

Rɔmnda 6:14

Kani hakio nɔ lɛnin niaa kpaaya coo le, bau la co lɛ o tɔŋ bɛngu le, kɛ o kɛndɛi bɛngu niaa co nin ni.

Rɔmnda 5:21

Nduyɛ, mɛɛ hakio tosa masalen a piɔ́mndo o kɔɔ yɛ, lende koni kɛndɛi co masalen tosaa a dɛnɛ sandaa o kɔɔ ni, le vanndacieea yoomu fɛɛn-fɛɛndo yɔngoo Maalii naa Yeesu Krista o ba bɛngu.

Masaa kialaa n'yamaa 2:3

Lelan bɛɛ ya tosa ni mí la bumba nda, la co lo icali latulu niaa ndaa mì halaa ndaa siŋnun pow boŋaa le niaa.»

Tɔŋ miingua 7:2

te Mɛlɛka Hala niaa mal nda pɛ niaa o ba mi la nɔla nda, la bɛnda mì la cii nda kpede. La bɛnda mì la yii kpema oo kpema a nda le, la bɛnda mì la nɔ iɲíí a nda le.

Yude 1:16

Vanaa kan co sɔɔn pɔmbɔn dimio a vannda tɔ́ɔ́yanndan biyɔɔ, mà va kelaa o yeeman ndan vɔɔnndon coo. A nɔ lebɛɛ a vana-vana le, fɔ vana nda co tɔnɔɔ solio o n'dial-lo.

2Korɛntea 5:4

Kani te n co vɔ pɛ o cɛi-kola-toandaa ceendo ho nin, mɛɛ mì n va sangaa maa mɛɛ vana sanga o volɔɔ lusulaa bɛngu nuaa yɛ. I co toɲa maa n yeema mì n faŋan ndu lekɔɔ le, kɛ n yeema mì n cuɛinun volɔɔ fula o halataala-o, haliko mi yoomoo mangala dialun co hunɔɔ vu-on.

O Kandɔɔ 4:7

Taa caa pɛ kelaa, a cuanin bollen, kɛ taa cee kelaa le, hakio co nɔm o dio maa ɲɛ-vueinan, o yeema mò tiw nɔm ba, kɛ nɔm, a bɛnda ma nɔla haki kalaa.»

Tɔŋ lasálàá 13:40

Te yiiŋii co vanndo o lebol-le keendun pɛ, mì temboo del ndu, mɛɛ vana kon dendu Mɛlɛka o hɔl.