Rɔmnda 6:11 - BII BILA

¹¹ Lende koni, niaa bɛɛ la cɔnnun maa la vi a ba hakio, mì la cennun maa la co yoomu le Hala o Yeesu Krista nin.

Rɔmnda 6:11 Referans Kwoze

1Korɛntea 6:20

Hala pendu niaa a vɔngu bɛndoo ni. Lelan la biilu ndu a dialun nian a á kɔlta niaalan.

Rɔmnda 6:2

Kɛì-kɛì bɛɛ! Naa n vi nin a ba hakio-a, vɛ̀ɛ̀ naa n muungu yɛnin vɛlɛ mì va o hakio nin?

Rɔmnda 6:13

La yɔngu lɛ falun niaan le hakio tosaa maa ɲɛm valin dɛnɛ sandaa lepɛŋ-ndon te. Kɛ niaa pila yɔngun le Hala maa vanaa tendul fulaa vanvílɛ́iya tɛɛn-nda, mì falun niaan va maa ɲɛm valin dɛnɛ sandaan le Hala.

Kolɔsea 3:17

Ɲɛ-ɲɛ niaa va pɛ dimio, te kon te tosaa, la tosà ndu o diola Maalii Yeesu lan, mì la mel Hala Fuɲaa balika o diola Yeesu lan.

Rɔmnda 8:18

I ce maa vana tuu sangala co naa coo sisa lan a biilu hun fulanin ceen le naa-o le.

1Piɛr 2:5

Niaa bɛɛ, la va maa powta kiyɛi, mì la sɔla luɛyɔɔ o tangul cɛi Kɔl-Diandaa nin, mì la va vanaa-solia-lasálàá diandaa, le sálàla kɔltan solio, la hɛnan Hala o Yeesu Krista nin-ndan,

Efɛsea 2:7

O kɛndɛi bɛndui o cɔm ken o Yeesu Krista nin-nde nin, ndóò yeema mì ndóò cɔm kɛndɛi ndɔɛi fɛɛn-fɛɛnnde.

Nsaŋ 20:31

Kɛ mun sɛvan haliko mi la laalan maa Yeesu co Krista ni, Po Hala-o pɛɛn. O kon la laalan pɛ, la sɔla yoomoo o diola ndɔlan.

1Piɛr 4:11

Te vanndo va pɛ sɔɛi, o soo le diomnda Hala lan tɛɛnguuo. Vana nɔ pɛ keo le dɛnɔɔ pum tosaa, o tosa ndu a kpaaya Hala yɔngu vana-o, haliko mi Hala sɔla biiloo o dɛnndan kpow nin o diola Yeesu Krista lan. O biiloo a kpaayaa co le ndu le fɛɛn a fɛɛn-ndo. Amiina!

Filipea 1:11

Mì Krista mala niaa, mì la pɛ a dɛnnda sandaa lan, o kon mì Hala sɔla biiloo a sangalaa.

Rɔmnda 5:1

Le tùú naa n sɔla dío le laalanndo-o, kɔlɲuloo co naa tɛɛn naa Hala-aa o kɛndɛi Maalii naa Yeesu Krista-e bɛngu ni.

Rɔmnda 6:23

Kani sala hakio co piɔ́mndo ni, kɛ ɲɛ Hala ke vana fondo fúú-o, ndu co yoomu fɛɛn-fɛɛndo o Yeesu Krista nin ni, Maalii naa.

Filipea 4:7

O kon mì kɔlɲulu Hala-o, o hiow kɔlkalu kɛ́-kɛ̀-o manda kɔlta niaalan a yiyannda niaalan o Yeesu Krista nin.

Rɔmnda 16:27

Hala nɔ kɔlkaloo ndu pilɛ kpé-o biiloo bɛnda o Yeesu Krista nin le fɛɛn a fɛɛn ni. Amiina!

Rɔmnda 6:10

Kani vu o vi-o, le hakio o vi o lepilɔɔ ni kpow. Kɛ co o co yoomu sunsun-ndo, le Hala o co yoomu ni.

Rɔmnda 7:4

Puapilɛa nia, lende koni i co ni. Niaa bɛɛ la vi a ba tɔŋndo o dialun Krista-on nin, mí la muungu sumialii vana celen, o tendul fulaa vanvílɛ́iya tɛɛn-ndo, haliko mi n kom kɔmnde kɛndɛlen le Hala.

Rɔmnda 7:6

Kɛ sunsun, n sɔla baŋaa a ba tɔŋndo, kani n vi a ba ɲɛ ndóò bii naa o cɛlen nin-ndo. N nɔla nin mì n tosal Hala baalaa tosa sɛnɛi o hɛnan Kɔl-Diandaa bɛngu, kɛ o co lɛ maa paandu mɛɛ tɔŋndo sɛvan yɛ le.

Kolɔsea 2:20

Te o va pɛ maa la vi nin niaa Krista-aa latulu, mí la sɔla baŋaa kpaayala ceenndan o ba, mɛɛ le yɛɛ niaa co yɛ vɛlɛ kelaa o dɛnnda ceenndan nin, mì la va tɔŋnda vanaa ceenda cɛlɔɔ vana ca kaa o ceendo nin niaa co vɔ ni?

1Piɛr 2:24

Mó cua hakila naalan o n'dial o yɔmndo coo, haliko mi n vi a ba hakio, o kon mì n muungu yoomu a ceen sandaa. Fungbula ndɔlan la tosa ni mì la sɔla siongɔɔ.