Rɔmnda 5:8 - BII BILA

⁸ Kɛ mí Hala cɔm naa kaola ndɔɔ, bau n vannun ndɔ vanaa lahakia, mí Krista vu le naa.

Rɔmnda 5:8 Referans Kwoze

Nsaŋ 15:13

Kaola kɛ́-kɛ̀ hiw kaola vana yɔngu yoomu ndɔɔ le caaŋaa ndɔa-o le.

Nsaŋ 3:16

Kani Hala kaola ceendo háá mó yɔngu Po ndɔ pilɔɔ, haliko vana-vana laalan ndu pɛ, o kue o ɲánndávàà le, kɛ o sɔla yoomu fɛɛn-fɛɛndo.

Rɔmnda 5:6

Tuma naa n nɔ vɔ mayoomu loo, mí Krista vu le naa vanaa lahakia o telen kelun-ndo.

1Piɛr 3:18

Kani, lepilɛ kpé Krista bɛɛ vi le hakilan ni. Ndu vana sandaa, mó vu le vanaa sendu le-a, le niaa yɔɔ o Hala lo. Ndóò vuo o falon nin, mí Kɔl-Diandaa mingi ndu yoomu.

1Nsaŋ 3:16

Ɛ̀ɛ̀ o ken naa n cɔm ni maa n sínà kaolaa: Yeesu yɔngu yoomu ndɔɔ le naa. Naa bɛɛ n bɛnda mì n yɔngu yoomu naa le puapilɛa naa.

Esai 53:6

Naa kpow n va laasianndo nɛɛ-nɛɛ ka maa n'saa, vana-vana va kɔlan pemale ndɔ kɔɔli, kɛ mí Mɛlɛka tuisi tɛɛmbuu naa kpow ndu coo.

Efɛsea 2:7

O kɛndɛi bɛndui o cɔm ken o Yeesu Krista nin-nde nin, ndóò yeema mì ndóò cɔm kɛndɛi ndɔɛi fɛɛn-fɛɛnnde.

Rɔmnda 4:25

Le tɛɛmbuula naalan nda mal ndu vannda o ba ni, mó tendul le naa dio keo.

1Timote 1:16

Kɛ lelan Hala tuinun ya iɲíí ni. Yeesu Krista ndóò yeema mí ndóò cɔm biuvɔn ndɔ nɔ lamɛɛlu loo o ya vana lahaki bɛndoo nin, haliko mi biuvɔn kon va tɔɔmaseloo le vanaa ndáà hun laalannin ndu, mì ndáà sɔla yoomu fɛɛn-fɛɛn ndo-a.

Rɔmnda 5:20

Nduyɛ, tɔŋndo ndu hin, haliko mi yɔŋ vɔɔndo kui, kɛ nɛɛ yɔŋ vɔɔndo kui pɛ, lon kɛndɛi Hala-e ndi hiaw kuiyo ni.

Rɔmnda 3:5

Kɛ te sandii nɛi lepɛŋnde tosa pɛ mì sandii Hala-e sinan, vɛ̀ɛ̀ naa n dimi yɛnin ken? Vɛ̀ɛ̀ vana sandaa lepɛŋndo Hala va le kɔllo tuuloo a naa ni? (O vanacieeyɛi nin ya co sɔɛi nuaa ni.)

Rɔmnda 5:7

O kendu le cɛlɔɔ mì vana vi le vana sandaa. Bɔɔle mì vanndo pum cɛl le vuo le vana tosaa dɛnɛ kɛndɔɔ.

Rɔmnda 8:32

Ndu kuunan Po ndɔ ndu pila-o coo loo, kɛ mó faŋa ndu baa coo le naa kpow, baa mò kɛɛ naa ɲɔɔn kpow ke naa Po ndɔ kon-ngaa latulu?

Rɔmnda 8:39

o va ɲɛm co coocoo-on, o va ɲɛm co lebɛngu-on, o va ɲɛm celen Hala cɔw-von, ɲɛ-ɲɛ nɔlanin naa siɛi a kaola Hala kaola naa o Maalii naa Yeesu Krista nin-ndo le.

Kalatea 2:20

I sɔla piɔ́mndo naa Krista latulu o yɔm singafilaa coo, lelan o co lɛ ya le co yoomu le, Krista co nin yoomoo ya nin ni. Sunsun, ceen ni ivanacieeyaa, i co ndu vilio a laalanndo o Po Hala-o nin, o kaola ya, mó yɔngu yoomu ndɔɔ le ya-o.

Efɛsea 5:2

Mì la va kelaa o kaolaa nin maa mɛɛ Krista kaola naa, mí ndu pila yɔngu yoomu ndɔɔ le naa, mó siŋnun sálà cun kɛndɔɔ a sálà hɛnan Hala-o yɛ.

Hebreea 8:3

Vana-vana nda suili pɛ bolle vanaa-solia-lasálàá, baala ndɔɔ co ɲɛm-kéan yɔngoo a sálàlan solio ni. Lelan, o naa bɛɛ bɛnda mò nɔ ɲɛ o soli sálàá-o.