Rɔmnda 5:6 - BII BILA

⁶ Tuma naa n nɔ vɔ mayoomu loo, mí Krista vu le naa vanaa lahakia o telen kelun-ndo.

Rɔmnda 5:6 Referans Kwoze

Rɔmnda 5:8

Kɛ mí Hala cɔm naa kaola ndɔɔ, bau n vannun ndɔ vanaa lahakia, mí Krista vu le naa.

Kolɔsea 2:13

Niaa va a vílɛ́iya o kɔllo nin le tɛɛmbuula niaalan a le tooma niaa kɛɛ diyɔɔ o diallon nin-ndo-a, mó tosa mí la muungu ceen a ndu latulu, mó mal tɛɛmbuula niaalan kpow haki.

Rɔmnda 5:10

Kani, telen naa n va yaamɔaa Hala-va-o, mí ndu pila mingi bɛndaa naa ndaa tɛɛn a piɔ́m Po ndɔɔ sɔla-o. Kodinte mɛɛ bɛndaa co nin naa tɛɛn naa ndaa nuaa yɛ, o ciindiaanin naa a yoomu Po ndɔɔ.

Rɔmnda 4:25

Le tɛɛmbuula naalan nda mal ndu vannda o ba ni, mó tendul le naa dio keo.

Tite 2:12

Kɛndɛi kalɛi co naa pɛɛkoo le laalan lepɛŋndo a yeemɛi vɔɔnde o ceendo ho coo malɔɔ, mì n kela kela kɛndɔɔ, kela sandaa, mì n kela a laalanndo o palɛi he sisa nin.

Rɔmnda 4:5

Kɛ te vanndo tosa ɲɛ le, mò laalan Hala maa o kialu vana lahakio iyama, laalan vana kon cɔmnun maa dɛnɛ sandaa.

Hebreea 9:26

Te o co kon te, mɛɛ mì ndóò sanga bɛmbɛla bɔɔ-bɔɔ kabi ceendo cɔwnun. O telen mɛɛlaa ho, lepilɛ kpé o fula ni, mí ndu pila solin sálàá le hakio faŋaa few-few.

Kalatea 4:4

Kɛ telenndo tiiyaa, mí Hala viam Po ndɔɔ, o vanalanɔɔ velu-o, o velun o tɔŋndo bɛngu-o,

1Timote 1:9

N sínà vɛlɛ maa o co le vanaa co dɛnɛ sandaa tosaa-a le tɔŋndo co le, kɛ le vanaa yɔŋ vɔɔnda a vanaa nila kalua, le vanaa sínà Hala le-a a le vanaa lahakia, le vanaa ke Hala a ɲɛm dendu Hala o hɔl-lon lebɛɛ le-a, le vanaa diw fuɲaa ndaa, te kon te kalaa nda-a, le vanaa diuvaa n'vannda,

1Tesalonikea 5:9

Kani Hala kɛsi naa le naa kɔl ndɔ tuwvo tuisio coo le, kɛ mì n sɔla cindaa Maalii naa Yeesu Krista kɔɔli.

1Piɛr 1:20

Mó sɔla hɛlio lɔ́ɔ́ pá mí ceendo cɔawnun, mó fula ceen vakpa o palɛi mɛɛlɛi he le dɛnɛ niaa kɛndɔɔ.

Yude 1:4

Kani vanaa vɔɔnda pum a sɔɔŋa niaa tɛɛn, a co dɛnɛ kɛndɛi Hala-e yɛlɛmaa le kela nda laasi-laasio cɛwcɛwvo, nduyɛ Maalii Yeesu Krista, Vana Bɛndu co Maalii-yo nda co kɛɔ lende nuaa ni. Kɛ nduyɛ, kabi sindɛ, Sɛbɛ Hala-o cii nin vanaa vaa lende yaala.

Yude 1:15

le yamɛi vannda kpow kiolɔɔ, le vanaa lahakia kpow sangaa tuisio coo le dɛnnda vɔɔnnda kɛ́-kɛ̀ nda tosa má simul Hala, a le sɔɔn vɔɔŋun kɛ́-kɛ̀ vanaa nɔ kan lebɛɛ le-a dimi a ndu Hala-on.»

2Piɛr 3:7

Halataalaa a lɛŋnden nden sisa, sɔɛi Hala-e pilɛi ken co lan mandaa le lan hunɔɔ tɛɛmbuuo o yin, le paale kialaa iyamalen a le tambii vanaa vo Hala le-a.

Rɔmnda 11:26

O kon mí Israɛlla kpow a sɔla cindaa maa mɛɛ o sɛvan yɛ aa: «Vana baŋaa fulanin Siɔn, mò ɲindu vanaa tosaa dɛnnda vɔɔŋaa co o cuavaa-imamaa Yakɔb-a tɛɛn-nda ikɛi.

Daniɛl 11:15

Masaa a ba luaŋ-ndo hunnin, mò tangul nɛiyo a powtan háá o kpakio bollen, mó del kobi nda kunga a kpakio-o coo. Vanaa cɔwva a ba too a nɔlanin ndu simullo le, kani kpaaya ndaa venin o bɔɔ le ndu simullo le.

Condii lisai 1:1

Dɛnɛ kɛndɔɔ co le vana kon, vana kela o silala vanaa kɔlvesɛiya coo loo, vana sim o nɛi vanaa lahakia coo loo, vana cel o kunda vanaa mamaa n'vannda tɛɛn too.

Cɛɛŋɔnnda Yeremi lan 1:6

Biilu va le kobio Siɔn-ndo hɛlun ndu. Vanaa ndɔa bɛndua muungu maa kialaa co lɛ bil diaa saalɔn te-a. A co kiltan doosunɔ laci, kɛ hali yoomulen, a nɔ len te.

Yude 1:18

A va dimio aa: «O telenndo ho mɛɛlulan, vanaa mam vannda-a cannin balɔɔ a yeemɛi ndɛi vɔɔnde.»

Rɔmnda 5:7

O kendu le cɛlɔɔ mì vana vi le vana sandaa. Bɔɔle mì vanndo pum cɛl le vuo le vana tosaa dɛnɛ kɛndɔɔ.

Rɔmnda 8:32

Ndu kuunan Po ndɔ ndu pila-o coo loo, kɛ mó faŋa ndu baa coo le naa kpow, baa mò kɛɛ naa ɲɔɔn kpow ke naa Po ndɔ kon-ngaa latulu?

Rɔmnda 8:34

Nɛ̀ɛ́ co yɛ vana yaala vana-o? Yeesu Krista vi, hiovɔɔ o kon coo, mó tendul, o co icali Hala o ba kɛndɔɔ coo mo va piɛilen le naa.

Kalatea 2:20

I sɔla piɔ́mndo naa Krista latulu o yɔm singafilaa coo, lelan o co lɛ ya le co yoomu le, Krista co nin yoomoo ya nin ni. Sunsun, ceen ni ivanacieeyaa, i co ndu vilio a laalanndo o Po Hala-o nin, o kaola ya, mó yɔngu yoomu ndɔɔ le ya-o.

Efɛsea 5:2

Mì la va kelaa o kaolaa nin maa mɛɛ Krista kaola naa, mí ndu pila yɔngu yoomu ndɔɔ le naa, mó siŋnun sálà cun kɛndɔɔ a sálà hɛnan Hala-o yɛ.

Hebreea 8:3

Vana-vana nda suili pɛ bolle vanaa-solia-lasálàá, baala ndɔɔ co ɲɛm-kéan yɔngoo a sálàlan solio ni. Lelan, o naa bɛɛ bɛnda mò nɔ ɲɛ o soli sálàá-o.