Rɔmnda 5:3 - BII BILA

³ Hiovɔɔ o kon coo, hali n co bɛɛ o sangaa nin, n nɔla mì n kuundian, kani n sinà maa o sangaa nin biuvɔnndo fulà ni,

Rɔmnda 5:3 Referans Kwoze

Nsaki 1:12

Dɛnɛ kɛndɔɔ co le vana bìwnùn o tɔɔndanndo nin-ndo, kani o cii pɛ tɔɔndanndo sɔla, o sɔla mɔsil lemasa cindaa, o Mɛlɛka yiilu vanaa kaola ndu-a kpemaa-o.

1Piɛr 3:14

La sɔla pɛ sangaa le dɛnɛ kɛndɛ niaa co tosaa-o, mɛɛ dɛnɛ kɛndɔɔ vanin le niaa. La nɔ siòònde a ɲɛ vanndacieea nɔ siòònde-o le, la va yoloma-yoloma le.

2Korɛntea 4:17

Kani sanga bɛndu co naa hoo coo sunsun-ndo co ɲɛ-ɲɛ le, nduyɛ le telen bingi koni o co ni. O co naa pɔɔ bɛɛndiaa le biilu naa hun sɔlanin-ndo. Biilu kon vanin le fɛɛn a fɛɛn, ndu hiawnin vaa o bɔɔ a sangaa ho.

Luke 21:19

Lelan la ló biuvɔnndo, mì la sɔla cindaa.»

Efɛsea 3:13

Lelan, i co niaa tɛɛlɔn, la vu n'dial le sanga ya co sɔlaa le niaa-o le, biilu niaa co kon ni.

Dɛnnda kiilaa 5:41

Mí kiilaa faŋan vanaa kialaa n'yamaa o hɔl a ɲaaloo taw le tùú Hala cɛl má sɔla sangaa o diola Yeesu lan-ndo.

Filipea 1:29

Kani kɛndɛi tosalan niaa-e, o co ko le Krista laalanndo daama le, kɛ le sangaa vɛlɛ le ndu.

Habakuk 3:18

Kɛ ya ya, i dɔawnunnin ɲaale o Mɛlɛka nin, mì viow kponyoo o Hala vana ciindiaa nuu nin.

Rɔmnda 5:11

Hiovɔɔ o kon coo, n nɔla mì n kuundian o Hala nin Maalii naa Yeesu Krista o ba bɛngu. Ndu tosá ni mì bɛndaa muungu naa tɛɛn naa Hala-aa.

Rɔmnda 8:23

O co ka ɲɛm mun daama le, kɛ naa n sɔla nin Kɔl-Diandaa o tasendɔ-a bɛɛ, naa pilaa n co somisominndo. N co cumndo le mɛɛ Hala siinguu naa cuavaa ndɔa kpeekpeiya yɛ, haliko mi dialun naan sɔla baŋaa.

Rɔmnda 9:10

O co ka ken te, Rebeka bɛɛ, telen o cua folio vanndo ndu pilɛ kpé o ba-o, Isaake fuɲa mamaa pɛɛn,

2Korɛntea 8:19

Handɔɔ o kon coo, a cii ndu hɛli le naa liilaa le vali kɛndɔɔ ho tosaa, o naa n nɔ mì n tosa, mì vannda biilu Maalii pila-o. O kon mì n cɔm vɛlɛ mɛɛ naa n nɔ yeemɛi le ndu tosaa-e.