Rɔmnda 5:12 - BII BILA

¹² Lelan, mɛɛ hakio luɛi o ceendo nin le vanacieo ndu pilɛ mí haki kon hun a piɔ́mndo yɛ, lende piɔ́mndo kei vanndacieea kpow coo ni. Kani nda kpede a tosa hakio.

Rɔmnda 5:12 Referans Kwoze

Rɔmnda 5:19

Le sɔɛi biyɛi lepɛŋii vanndo ndu pilɛ, mí vanaa bɔɔ-bɔɔ a siŋnun vanaa lahakia. Lende vɛlɛ koni, le sɔɛi biyɛi vanndo ndu pilɛ, mí vanaa bɔɔ-bɔɔ a siŋnun vanaa sandaa Hala o hɔl.

Rɔmnda 6:23

Kani sala hakio co piɔ́mndo ni, kɛ ɲɛ Hala ke vana fondo fúú-o, ndu co yoomu fɛɛn-fɛɛndo o Yeesu Krista nin ni, Maalii naa.

Rɔmnda 3:23

Kani vanndacieea kpow a tosa hakio, má fola biilu Hala-o.

Nsaki 1:15

Te yeemɛi cua pɛ folio, i velu hakio. Te hakio kendu pɛ, o kom piɔ́mndo.

O Kandɔɔ 2:17

kɛ dia kɔmnde yɔm tosà mì vana sina dɛnɛ kɛndɔɔ a dɛnɛ vɔɔndo-o le. Kani paale n co ndu dio len, piɔ́mndo siŋnun ɲinkon mial nɔm.»

Condii lisai 51:5

Kani i sina tɛɛmbuula nilan. Nduyɛ, i co haki nuu cɔnnɔnndo ya o hɔl lɔ́ɔ́-lɔ́ɔ̀.

O Kandɔɔ 3:19

Lɔ́ɔ́ pá ma sɔlá nin ɲɛdiaa nɔmndo, fɔ ma kelun lalle o itendu. A lonin lende háá mà muungu lɛŋ, nɛɛ n fula-a. Kani a puuloo n cɔwnun ni, lelan o puuloo nin n co vɛlɛ muungu ni.»

O Kandɔɔ 3:6

Mí vanalanɔɔ ca maa yɔm kon naŋ taw o dioo a o tofaa, maa yeemɛi bii vana le kɔmnde ndɔlen dioo le dɛnɛ sinaa bɛndoo sɔlaa. O kon, mó kiandu komɔɔ o pilɛ, mó dia. Mó yɔngu vɛlɛ pɔnɔ ndɔ, o nda va latulu-o, mí ndu bɛɛ dia.

Rɔmnda 5:21

Nduyɛ, mɛɛ hakio tosa masalen a piɔ́mndo o kɔɔ yɛ, lende koni kɛndɛi co masalen tosaa a dɛnɛ sandaa o kɔɔ ni, le vanndacieea yoomu fɛɛn-fɛɛndo yɔngoo Maalii naa Yeesu Krista o ba bɛngu.

Nsaki 3:2

Kani naa vanaa bɔɔ-bɔɔ n co boŋilan o nɛilan taw coo. Te vanndo boŋ o sɔɛi sondoei nin te, mɛɛ vana peelun o dɛnndan nin-ndo co kon ni, o nɔla vɛlɛ mò manda dialun ndɔn kpow.

Esekiɛl 18:4

Kani la tofa vɔ, le ya yoomulan kpede la co ni, yoomu poo co le ya mɛɛ yoomu fuɲaa po kon co le ya yɛ. Tan tiɔn kpow, sumialii ni la co ni. Lelan vana co hakio tosa-o, vana kon vunin ni.

Rɔmnda 5:18

Lelan, le tɛɛmbuu vanacieo ndu pilɛ, mí vanndacieea kpow a sɔla yaalaa. Lende vɛlɛ koni, le dɛnɛ sandaa vanndo ndu pilɛ, mí vanndacieea kpow a sɔla dɛnɛ sandaa, o kon má sɔla cindaa.

Rɔmnda 6:21

Tɔnɔ yɛɛ niaa sɔla yɛ o dɛnnda lan nin telen kon, dɛnnda siɛmbulan la co niaa biyɔɔ sunsun-ndan pɛɛn? Kani mɛɛlula dɛnnda lan co piɔ́mndo ni.

1Korɛntea 15:56

Kefii piɔ́mnde i co hakio ni, kpaaya hakio co tɔŋndo ni.

Efɛsea 2:3

Naa kpow, maa nda naa n va kelaa telen pum ni, n va yeemɛi naa n'dial-le a ɲɛ va naa hunɔɔ o lebollo tosaa. Mɛɛ mì kɔl tambɛi Mɛlɛka-o ndóò tol naa coo maa vanaa celen le vanacieeyɛi nɛi paandui ken.