Rɔmnda 5:1 - BII BILA

¹ Le tùú naa n sɔla dío le laalanndo-o, kɔlɲuloo co naa tɛɛn naa Hala-aa o kɛndɛi Maalii naa Yeesu Krista-e bɛngu ni.

Rɔmnda 5:1 Referans Kwoze

Esai 32:17

Vali dɛnɛ sandaa tosanin-ndo vanin kɔlɲuloo ni, kɔmnde dɛnɛ sandaa le vanin vaa o ba coo yili a vannɔnndo nila ɲulu le fɛɛn a fɛɛn ni.

Rɔmnda 15:13

Màá Hala ke vana kɔlkɛsiaa-o pei niaa ɲaaloo a kɔlɲuloo o laalan niaa nin, haliko mi la pɛ a kɔlkɛsiaa o kpaaya Kɔl-Diandaa nin!

Nsaŋ 16:33

Hee kpede niaa dimullo, haliko mi la sɔla kɔlɲuloo o ya nin. La sɔlanin sangaa o ceendo coo, kɛ la vu n'dial te, ya, i nɔla ceendo.»

Kolɔsea 1:20

le bɛndaa mingio ndu tɛɛn a ɲɛm co-on kpow. O piɔ́m Po ndɔɔ sɔla o yɔm singafilaa coo-o kɔɔli, mó mingi diom pilɔɔ ndu pila tɛɛn a ɲɛm co o lɛŋnden coo-on a á ɲɛm co o halataala-on.

Rɔmnda 6:23

Kani sala hakio co piɔ́mndo ni, kɛ ɲɛ Hala ke vana fondo fúú-o, ndu co yoomu fɛɛn-fɛɛndo o Yeesu Krista nin ni, Maalii naa.

Rɔmnda 14:17

Kani masale Hala len le co dɛnɛ ɲɛdiaa te kon te dɛnɛ kolaa le, kɛ dɛnɛ sandaa, kɔlɲuloo a ɲaaloo dɔwnɔnndo, o Kɔl-Diandaa yɔngu vana-o.

2Tesalonikea 3:16

Màá Mɛlɛka nɔ kɔlɲuloo o ba-o kei o nɛi oo nɛi coo, mò va niaa ndu yɔngoo lɔ́ɔ́-lɔ́ɔ̀! Màá ndu Mɛlɛka va niaa kpow ikɛi!

Nsaŋ 14:27

I co niaa kɔlɲuloo mel, i co niaa kɔl ni ɲuloo ke. Ya, i kenin niaa ndu mɛɛ ceendo yɔngu yɛ le. Kɔlta niaalan la lààsian mì la buulan te.

Rɔmnda 4:5

Kɛ te vanndo tosa ɲɛ le, mò laalan Hala maa o kialu vana lahakio iyama, laalan vana kon cɔmnun maa dɛnɛ sandaa.

Kolɔsea 3:15

Màá kɔlɲulu Krista-o, o niaa sɔla veeloo le ndu le vaa kɔɔle pilɛlen-ndo tosa masalen niaa o lakɔl! La va vanaa sinaa ikɛndɛa.

Esai 54:13

Poaa nɔmnda kpow delnin ya Mɛlɛka kɔɔli, nduyɛ kɔlɲulu cuavaa nɔmnda vanin o bɔɔ!

Rɔmnda 15:33

Màá Hala yɔngu vana kɔlɲuloo-o va niaa kpow ikɛi! Amiina.

Dɛnnda kiilaa 10:36

O cuu Israɛlla sɔɛi ndɔɛi, sɔɛi ken i co Yoongu Kɛndɛ vana sɔla kɔlɲuloo a Yeesu Krista o kɔɔ-e ni, Yeesu co Maalii le vannda kpow-vo pɛɛn.

Filipea 3:9

o kon mí siŋnun vana sandaa o ndu nin, kɛ o ve sandii fula ya pila nin le tɔŋnda ya bii lan te, kɛ sandii vana sɔla o Krista laalanndo-e. Sandii fula Hala o ba, mì i nɔ tumndo o laalanndo coo-e.

Esai 27:5

Fɔ mì vannda kɛɛ dɔ́ɔ́ le ya sinaa maa nɛɛ ndaa viannan, mà kɛɛ dɔ́ɔ́ le kɔlɲuloo lueiyo naa ndaa tɛɛn dɛ! Mbɔ̀ fɔ mà kɛɛ dɔ́ɔ́ le kɔlɲuloo lueiyo naa ndaa tɛɛn.»

1Tesalonikea 5:23

Màá Hala yɔngù vana kɔlɲuloo-o tosa mì la va vanaa ndɔa lɔ́ɔ́-lɔ́ɔ̀! Màá o mandà yiyan niaa, yoomu niaa a kɔɔle niaalen, mì la va vanaa yaalan te-a lɔ́ɔ́ Maalii Yeesu Krista hunnin-ndo!

Rɔmnda 5:18

Lelan, le tɛɛmbuu vanacieo ndu pilɛ, mí vanndacieea kpow a sɔla yaalaa. Lende vɛlɛ koni, le dɛnɛ sandaa vanndo ndu pilɛ, mí vanndacieea kpow a sɔla dɛnɛ sandaa, o kon má sɔla cindaa.

Luke 19:42

mó dimi aa: «Vannda Yerusalɛm, te niáà bɛɛ sina pɛ hau mɛɛ vana sɔla kɔlɲuloo yɛ! Kɛ o vinnun niaa, la tiwnin ba ndu cɔw le!

Rɔmnda 1:7

Niaa vanaa-vanaa Hala kaola mí la va Rɔm, niaa veelun aa vanaa diandaa-a pɛɛn. Màá Hala Fuɲa naa a Maalii Yeesu Krista tosal niaa dɛnɛ kɛndɔɔ mò ke niaa kɔlɲuloo!

Luke 19:38

Má va dimio aa: «Biiloo co le masa co hunɔɔ o diola Mɛlɛka lan-ndo! Màá kɔlɲuloo va o halataala, mì biiloo va coocoo pɔ́!»

Esai 55:12

A toɲa, la fulanin a kɔlkɛndɔɔ taw, a yaanin niaa o kɔlɲuloo nin, pembun bɛndon a n'pɔmbɔn piɔndinin a ɲaaloo niaa o hɔl, nduyɛ yɔmii co yondoo nin-nde kpow i tiamnin balan.

Kalatea 2:16

Kɛ nduyɛ, n sínà ndi válán maa o co le dɛnnda tɔŋndan biyɔɔ le vanacieo va vana sandaa le, kɛ le laalan o laalan Yeesu Krista-o. Naa bɛɛ n laalan Yeesu Krista, haliko mi n siŋnun vanaa sandaa le laalan naa laalan Krista-o, kɛ o co le dɛnnda naa n co tosaa o tɔŋndo biyɔɔ nin-ndan te, kani vana-vana sɔlanin sandei le tɔŋnda o co biyɔɔ lan te.

Nsaŋ 20:31

Kɛ mun sɛvan haliko mi la laalan maa Yeesu co Krista ni, Po Hala-o pɛɛn. O kon la laalan pɛ, la sɔla yoomoo o diola ndɔlan.

Rɔmnda 10:10

Kani vana laalan pɛ a kɔllo, a sɔla dɛnɛ sandaa. Vana sɔlalan pɛ a sondo, a sɔla cindaa.

Rɔmnda 3:30

kani Hala ndu pilɛ kpé co ni. O kenin vanaa dii toomaa-a dio le laalan ndaa, mò ke vɛlɛ vanaa dii tooma le-a dio le laalan ndaa.

Rɔmnda 1:17

Kani Yoongu kɛndɛ kon cɔm maa Hala siinguu vanndacieea vanaa sandaa le laalanndo. Nduyɛ laalan kon tiw. Maa mɛɛ o sɛvan yɛ aa: «Vana sandaa vanin yoomu le laalan ndɔɔ.»

Habakuk 2:4

Vana nɔ tuula vɔɔnndan-ndo pɛ a yongaa ca, yiyannda ndɔlan la sendu le, kɛ vana sandaa vanin yoomu le laalan ndɔɔ.

Hebreea 13:20

Hala yɔngù naa kɔlɲuloo ni. Mó mingi Maalii Yeesu, vana mandaa n'saa bɛndoo, yoomu fulaa vanvílɛ́iya tɛɛn. Mí kooma sálà ndɔɔ ma siŋnun sabuo le kpema fɛɛn-fɛɛndo.

Efɛsea 2:7

O kɛndɛi bɛndui o cɔm ken o Yeesu Krista nin-nde nin, ndóò yeema mì ndóò cɔm kɛndɛi ndɔɛi fɛɛn-fɛɛnnde.

Kalatea 3:25

Laalanndo hin niko, tɔŋndo nɔ lɛ naa lehɔl coo le.

Rɔmnda 10:15

Nduyɛ vɛɛ nɛ nda yonda yɛnin, te vana vim nda le? Maa mɛɛ o sɛvan yɛ aa: «O naŋ bɔɔ le vanaa kan cɔu hunɔɔ, vanaa co yoongula kɛndɛlan yondaa-a.»

Rɔmnda 9:30

Vɛɛ naa n liima yɛ niko sɔɛi he? Vanaa ve dí nuwviaa le-a sɔla dío, di sɔlan a laalanndo-o.

Luke 2:14

«Biiloo co le Hala o halataalaa nin coocoo, kɔlɲuloo co o lɛŋnden coo le vanaa hɛnan ndu-a.»

Sakari 6:13

Ndu baŋnin Cɛi-Mɛlɛka-o ni, ndu tuɛinin biilu cɛi kon yeela ni. O calnin o kpɛŋɛ lemasaa coo, mò tosa masalen. O vanin vɛlɛ vana-solia-lasálàá o kpɛŋɛ ndɔ lemasaa coo, o tosanin valta tiɔnnda lan ɲɛkɛndɛ-kɛndɛ o lepilɔɔ.

Rɔmnda 3:22

Hala ke vanndacieea kpow dɛnɛ sandaa ndɔɔ le laalan nda laalan Yeesu Krista-o, hɛli co le.

Nsaŋ 5:24

Mí Yeesu hiaw laci a nda dimullo aa: «I co niaa toɲaa dimul kpendekele, vana-vana tuei pɛ sɔɛi nii mò laalan vana vem ya-o, vana kon ndu sɔla cinda fɛɛn-fɛɛndo, o sɔla yaala le, kɛ o fula o piɔ́mndo nin, mó muungu yoomu.

Condii lisai 122:6

La piɛi, mì Yerusalɛm sɔla kɔlɲuloo. Màá vanaa kaola Yerusalɛm-nda vannun nila ɲulu!

SƐBƐ YƆB-O 21:21

Kani ɔ́ɔ̀ mako ndɔɔ le yungu ndɔɔ ndu kɔɔli lɔ́ɔ́ paangun ndɔn cuunin mò vi-o?

Rɔmnda 5:11

Hiovɔɔ o kon coo, n nɔla mì n kuundian o Hala nin Maalii naa Yeesu Krista o ba bɛngu. Ndu tosá ni mì bɛndaa muungu naa tɛɛn naa Hala-aa.

Kalatea 5:22

Kɛ kulii Kɔl-Diandaa koam-nde co kaolaa, ɲaaloo, kɔlɲuloo, biuvɔnndo, vanakɛndɛyɛi, kɛndɛi, lou o diomnden coo,