Rɔmnda 4:25 - BII BILA

²⁵ Le tɛɛmbuula naalan nda mal ndu vannda o ba ni, mó tendul le naa dio keo.

Rɔmnda 4:25 Referans Kwoze

1Piɛr 3:18

Kani, lepilɛ kpé Krista bɛɛ vi le hakilan ni. Ndu vana sandaa, mó vu le vanaa sendu le-a, le niaa yɔɔ o Hala lo. Ndóò vuo o falon nin, mí Kɔl-Diandaa mingi ndu yoomu.

Kalatea 1:4

Maalii Yeesu yɔngu yoomu ndɔɔ le naa ciindiaa le hakila naalan, mó soli naa o ceen vɔɔndo ho nin, maa mɛɛ hɛnan Hala Fuɲa naa-o co yɛ.

2Korɛntea 5:21

Krista ndóò nɔ haki le, kɛ nduyɛ, mí Hala handu ndu hakila naalan coo, haliko mi n siŋnun vanaa sandaa Hala o hɔl.

1Nsaŋ 2:2

Kani ndu pila solin sálà le hakila naalan faŋaa ni. O co ka le la naalan te, kɛ le la ceendo kpede.

1Piɛr 2:24

Mó cua hakila naalan o n'dial o yɔmndo coo, haliko mi n vi a ba hakio, o kon mì n muungu yoomu a ceen sandaa. Fungbula ndɔlan la tosa ni mì la sɔla siongɔɔ.

Efɛsea 5:2

Mì la va kelaa o kaolaa nin maa mɛɛ Krista kaola naa, mí ndu pila yɔngu yoomu ndɔɔ le naa, mó siŋnun sálà cun kɛndɔɔ a sálà hɛnan Hala-o yɛ.

Dɛnnda cɔɔmuanndan 1:5

a Yeesu Krista, sei toɲaa, o velun tase vanvílɛ́iya tɛɛn, mó va masa masaa o lɛŋnden coo kpow-vo o ba! Vana kaola naa mó baŋa naa a kooma ndɔan, mó cii hakila naalan-ndo,

1Piɛr 1:21

O ndu nin niaa laalan Hala tindi ndu fulaa vanvílɛ́iya tɛɛn, mó ke ndu biiloo-o ni, haliko mi laalan niaa a kɔlkɛsiaa va o Hala nin.

1Korɛntea 15:17

Nduyɛ te Krista muungu yoomu le, mɛɛ laalan niaa siŋnun fúú, la co vɔ o hakila niaalan nin.

Rɔmnda 8:3

Tɔŋndo ndóò nɔla ken tosa le, kani ndóò nɔ mayoomu le, le falun ivanacieeyan. Kɛ mí Hala ndu tosa ken, mó cuu Po ndɔ ndu pilaa o velan dialun hakion nin le hakio faŋaa. O kon mó yaala hakio o falon nin.

Matie 20:28

Lende Po vanacieo hin ni. O hín mì vana tosal ndu baala le, kɛ le vannda baalaa tosallo a le yoomu ndɔɔ yɔngoo le vanaa bɔɔ-bɔɔ baŋaa.»

Sakari 13:7

Ɲɛ Mɛlɛka-Nɔ-Kpaayaa-Kpow-vo dimi-o co hoo ni aa: «Mɔɛi cɔwve! Cɔ́n ma kuel vana mandaa n'cɔlu nuu! Cɔ́n ma kuel vɛlɛ vana naa n co nɛɛ pilɛ-o! Lɔva vana mandaa n'saa, o kon mì saa saŋnun! O kon, i mululunnin saa cuawva, mì diw nda tɛ́ɛ́.»

Hebreea 9:28

Lende koni, lepilɛ kpé Krista solin sálà le hakila vanaa bɔɔ-bɔɔ faŋaa ni. O hun cɔmnunnin vɛlɛ o diinndɔɔ le vanaa co ndu cumndo-a hunɔɔ ciindiaa, kɛ o ve lɛnin le lahaki faŋa le.

Rɔmnda 5:18

Lelan, le tɛɛmbuu vanacieo ndu pilɛ, mí vanndacieea kpow a sɔla yaalaa. Lende vɛlɛ koni, le dɛnɛ sandaa vanndo ndu pilɛ, mí vanndacieea kpow a sɔla dɛnɛ sandaa, o kon má sɔla cindaa.

Rɔmnda 3:25

Ndu Hala hɛli le siŋnɔnndo sálà-baŋaa a kooma ndɔan ni. O kon, mí piɔ́m ndɔɔ tosa mí vanaa laalan ndu-a kpow a sɔla malɔɔ lahakio

Dɛnnda cɔɔmuanndan 5:9

Ma va condii sɛnɛiye solio aa: Nɔm bɛnda ni mà bii sɛbɔɔ ho, mà tɛɛmbuu tɔɔmaselela co lecoo lan, mà kumbi ndu. Kani a sɔla piɔ́mndo, má baŋa vanaa fula o polama yɛ́-yɛ́an nin-nda, vanaa-mangalaa-isɔɔa súúlan kpow, a vanaa fula o lɛŋii yɛ́-yɛ́i nin-nda a kooma nɔmndan le Hala,

Tite 2:14

O yɔngún ndu pila le naa, le naa solio o dɛnnda vɔɔnndan nin kpow, mó siinguu naa vanaa diandaa co le ndu-a, haliko mi n va vanaa dialun fulaa le dɛnnda kɛndɛlan tosaa-o.

Kalatea 3:13

Krista soli naa o danga tɔŋndo bɛngu, le tùú danga naa muungu ndu coo-o, kani o co o sɛvaa aa: «Dangaa co le vana-vana nda baŋ pɛ o yɔmndo coo.»

Daniɛl 9:26

O lɔ́ɔ́la belaŋɔmpum a latiɔn ndan kɔɔli, vana nda pɔla pɔla diandaa-o kialunnin. Vana-vana venin le ndu le, yungu simlacinɔ co hunɔɔ-o tɛɛmbuunin kobio a cɛi-diandaa. Kɛ piɔ́mndo hinulnin simlacinɔ kon súlùlù maa o kpundɛ kɔltuw Hala-o nin. O kelun maa háá o mɛɛlulan ndɔlan, o tosanin cɔwvo, mò tɛɛmbuu ɲɔɔn taw.

Daniɛl 9:24

Lɔ́ɔ́lan la kelun belaŋɔmmɛw le yungu nɔmndo a kobi nɔm diandaa, le diondɔɔ a hakilan, le yɔŋ vɔɔndo ciiyo, le hunɔɔ a dɛnɛ sandaa fɛɛn-fɛɛndo, le vunduan a sɔɔn vanaa-tɛɛngaa-diom Hala-a dimi-on peelɔnndo, le Fonda-Dianda-Diandaa mingio sɔɔ Mɛlɛka o ba.

Dɛnnda cɔɔmuanndan 7:14

Mí mulul ndu aa: «Vana bɛndoo, a sina válán.» Mó dimul-la aa: «Vanaa kei o yɛle tolaale bɛndulen nin-nda co kan ni. A cii domala ndala bɛndulan tɔɔ, má dindi lan o kooma Saa téndóó nin.

Esai 53:4

Nduyɛ sangala naalan lekɛ́ndɛi ndóò cua ni, ɲɛla kindilaala naalan ndóò siilun ni. Naa yɛ, mí n ca ndu maa vana dɛnɛ palaa tol coo-o, maa Hala soŋ ndu ni mó tuisi ndu siɛmbulan.

2Korɛntea 5:15

Nduyɛ le vanndacieea kpow o vi vu kon ni, haliko vanaa co yoomua va lɛ yoomu le nda pila le, kɛ le vana vi mó tendul le nda-o.

Kalatea 2:20

I sɔla piɔ́mndo naa Krista latulu o yɔm singafilaa coo, lelan o co lɛ ya le co yoomu le, Krista co nin yoomoo ya nin ni. Sunsun, ceen ni ivanacieeyaa, i co ndu vilio a laalanndo o Po Hala-o nin, o kaola ya, mó yɔngu yoomu ndɔɔ le ya-o.

Hebreea 8:3

Vana-vana nda suili pɛ bolle vanaa-solia-lasálàá, baala ndɔɔ co ɲɛm-kéan yɔngoo a sálàlan solio ni. Lelan, o naa bɛɛ bɛnda mò nɔ ɲɛ o soli sálàá-o.