Rɔmnda 4:20 - BII BILA

²⁰ Sika bii ndu mò kɛɛ kpema Hala yiilu ndu-o laalan te, kɛ mí laalan ndɔɔ luei ndu yoomuan, mó biilu Hala.

Rɔmnda 4:20 Referans Kwoze

Luke 1:45

Vanalanɔ dɛnɛ kɛndɔɔ n co ni, a laalan maa sɔɛi dimulun nɔm fulaa Mɛlɛka o sondo-e co hunɔɔ peelɔn!»

2Korɛntea 12:10

Lelan i dɔwnun ɲaale le kpaaya lepɛŋndo, le yeowla vannda co ya lan, le ɲɛm nda co ya tuŋɔɔ-on, le yɛle nda co ya tollo-len, a le sangala co ya coo le Krista lan. Kani telen ya nɔ mayoomu loo, telen kon ya sɔlà kpaayaa ni.

1Korɛntea 16:13

La pɔɛɛnun te, la sim yili o laalanndo nin, la luei yoomuan a kpaayaa.

Daniɛl 10:19

Mó dimul-la aa: ‹Siòòŋii bii nɔm te, nɔm po Hala kaola taw-vo. Vannun a kɔlɲulu. Kindikindin mà sɔla yoomuan.› Tuma o va sɔɛi-yo, mí kandu yoomuan sɔlaa, mí dimul ndu aa: ‹Soo, Maalii nuu! Kani a luei ya yoomuan.›

2Timote 2:1

Nɔm yɛ niko, po nuu, luei yoomuan le kɛndɛi naa n sɔla Yeesu Krista o ba-e.

Esai 35:4

La dimul vanaa kɔltan la hiilun nin-nda aa: «La lueí yoomuan, siòòŋii bii niaa le! La tofa vɔ, Hala niaa co hunɔɔ le màá mingio a le vana-vana sala dɛnnda ndɔlan keo. Ndu pila hunnin le niaa ciindiaa ni!»

Esai 7:9

Samari co kobi lebollo le tàndá Efraim-ndo ni, po Remalia-o yɛ, ndu co masa lebollo le kobio Samari ni. Lelan te la sim yili o laalanndo nin te, la nɔlanin simullo yili le.›»

Sakari 8:13

Niaa cuavaa Israɛlla a niaa polale Yuda len, La paandu maa vanaa danga vanaa-mangalaa-isɔaa tɛɛn yɛ. Kɛ o laan, i co niaa ciindiaa, mì la siŋnun vanaa duaa. Lelan, siòòŋii bíì niaa le. La lueí yoomuan.

Sakari 8:9

Ya Mɛlɛka-Nɔ-Kpaayaa-Kpow-vo soaa nuaa ni: La lueí yoomuan, niaa co hau sɔɔn vanaa-tɛɛngaa-diom Hala-a dimi lɔ́ɔ́ kon-ndon tueyɔɔ-a. Lɔ́ɔ́ Cɛi-Mɛlɛka-Nɔ-Kpaayaa-Kpow-vo-o kilan tumndo-o nda dimi mun ni, lɔ́ɔ́ nda kandu Cɛi-Hala-o mingio tangullo-o pɛɛn.

Aasee 2:4

Lelan, nɔm Sorobabɛl, luei yoomuan. Ya Mɛlɛka soaa nuaa ni. Nɔm Yosue bolle vanaa-solia-lasálàá, po Yehosadak-o bɛɛ, luei yoomuan. Niaa vanaa tɔ̀a lɛŋnden nin kpow, la lueinun yoomuan. Ya Mɛlɛka soaa nuaa ni. La tosa baalaa, Kani i co niaa ikɛi. Ya Mɛlɛka-Nɔ-Kpaayaa-Kpow-vo o soaa nuaa ni.

Luke 1:18

Mí Sakari ɲuna mɛlɛkanɔɔ aa: «Vɛ̀ɛ̀ ya sina yɛnin kon? Kani i yuuva, laa nuu bɛɛ nɔnin vɔsilan taw.»

Matie 9:8

Sɛ́lɛ́ va lon-ndo cɔu dɛnɛ kon, mí siòònde bii nda, má biilu Hala le vanndacieea kpaaya vaa lende yɔngoo.

Daniɛl 11:32

O lueinin vanaa kɛɛ kpemaa-a o pɔwlan nin a candula ikpaavalan. Kɛ yungu vanaa sina Hala ndaa-a nda simnin yili o dɛnnda ndalan nin ma lo lecoo.

2Masaa 7:19

Mí simlacinɔ cɔwvo pilɛ o simlacia masaa Israɛl tɛɛn, ó va lɔ́ɔ́-lɔ́ɔ̀ fulaa a luɛyɔɔ nda masaa latulu-o ɲuna Elise aa: «Hali Mɛlɛka buuluunin tɛɛngon o halataala, sɔɛi n dimi hee-e nɔla pá tosan?» Mí Elise mulul ndu aa: «A canin ndi o tosanndo, kɛ a dinin ɲɛm mun te.»

2Masaa 7:2

Mí simlacinɔ vanaa cɔwva, ó va lɔ́ɔ́-lɔ́ɔ̀ fulaa a luɛyɔɔ nda masaa latulu-o ɲuna Elise aa: «Hali Mɛlɛka buuluunin tɛɛngon o halataala, sɔɛi n dimi hee-e nɔla pá tosanndo?» Mí Elise mulul ndu aa: «A canin ndi o tosanndo, kɛ a dinin ɲɛm mun te.»

Efɛsea 6:10

Le sɔɛi siowvo, la luei yoomuan o Maalii nin a o kpaaya ndɔ bɛndu-bɛndoo nin.

O Kandɔɔ 15:6

Mí Abram laalan sɔɛi Mɛlɛka dimul ndu-e. Le hee, mí Mɛlɛka ca ndu vana sandaa.

1Samiɛl 30:6

Mí mɔnɛi bii David taw, kani vannda va ndu kɔngɔlanndo le ndu viiyo a powtan, le mɔnɛi va nda le poaa ndaa a le cuavaa ndaa laandua-e. Kɛ mí Mɛlɛka Hala ndɔɔ luei ndu yoomuan.