Rɔmnda 4:18 - BII BILA

¹⁸ Tiindan kɛ́-kɛ̀ ve lɛ le, kɛ mí Abraham tiindan. Mó laalan Hala, le ken o siŋnun «fuɲa-mamaa le vanaa-mangalaa-isɔɔa bɔɔ-bɔɔ» ni, maa mɛɛ ndíì dimulun ndu yɛ aa: «Lende cuavaa nɔmnda vanin sɛ́lɛ́ ni.»

Rɔmnda 4:18 Referans Kwoze

Rɔmnda 8:24

Kani o kɔlkɛsiaa nin naa n sɔla cindaa ni. Nduyɛ vanndo ce nin pɛ ɲɛ o kɛsi kɔllo coo-o, mɛɛ kon co lɛ kɔlkɛsiaa le. Vɛɛ vana kɛsi yɛ vɛlɛ ɲɛ n ce nin-ndo kɔllo coo?

Rɔmnda 5:5

Nduyɛ, kɔlkɛsiaa hui vana le, kani Kɔl-Diandaa kennun naa-o tosá ni mí kaola Hala-o tiw o kɔlta naalan nin sɔ́.

Dɛnnda kiilaa 27:25

Lelan la luei yoomuan, kani i laalan Hala, mɛɛ o dimul-la-e ɲɔɔ yɔŋnunnin ni.

Talelan 13:12

Vanndo hiw pɛ ɲɔɔ pum viovɔɔ cumndo, o tambu kɔllo. Kɛ maa yɔm cindaa yeemɛi peelun-nde co ni.

Rɔmnda 4:17

Maa mɛɛ o sɛvan yɛ aa: «I siinguu nɔm fuɲaa le vanaa-mangalaa-isɔɔa bɔɔ-bɔɔ». Fuɲa vanaa kan o co vana o laalan-ndo o hɔl ni, Hala pɛɛn. O yɔngu vanvílɛ́iya yoomoo, mó tosa mí ɲɛm co lon fula.

Esekiɛl 37:11

Mó dimul-la aa: Po vanacieo sei, paalan ndan, la co cuavaa Israɛlla kpow ni. Kani cuavaa Israɛlla co dimio aa: ‹Paala naalan la vesan, tiindan naa tambu. Mbɔ̀ naa n cuu fɔ́!›

Luke 1:18

Mí Sakari ɲuna mɛlɛkanɔɔ aa: «Vɛ̀ɛ̀ ya sina yɛnin kon? Kani i yuuva, laa nuu bɛɛ nɔnin vɔsilan taw.»

Rɔmnda 4:19

Ndóò nɔ nin le vɔsilan kɛmɛ, mó muungu maa vana vílɛ́i. Sara laa ndɔ bɛɛ, sɔngɔ ciee-piɔ́m koni o va nin ni. Kɛ a kon kpow, Abraham vi n'dial o laalanndo nin te.

Hebreea 6:19

N nɔ laalan kon le yoomu naa maa ciliŋii nda mal o mɛnndan nin le dɛ̀ndɛ̀la bɛndulan simio-e. Laalan kpekpeiyo o co ni, o naa sim coo yilio, o luɛi haa o kola landaa co o Cɛi-Hala-o nin-ndo kɔɔli.