Rɔmnda 4:16 - BII BILA

¹⁶ Lelan, le laalanndo naa n sɔla ɲɛm Hala yii kpemaa le naa keo-von ni, vɛ̀ɛ̀ kɛndɛi le co ken te! O kon, kpema kon co le vanaa-vanaa co cuavaa-imamaa Abraham-nda: a co o tɔŋndo bɛngu-a a á laalan vɛlɛ maa ndu Abraham fuɲa naa faw-faw-vo-a.

Rɔmnda 4:16 Referans Kwoze

Efɛsea 2:8

Kani le kɛndɛi Hala-e niaa sɔla cindaa ni, le laalan niaa laalan ndu-o. O co niaa pila o ba le cinda kon fula le, ke Hala-o co kon ni.

Kalatea 3:22

Kɛ mí Sɛbɛ Hala-o cɔm naa maa o kpaaya hakio bɛngu ceendo kpede co ni. Ken yɔŋ ni, mí kpema Hala yii kon-ndo peelun le vanaa laalannda, le laalan nda laalan Yeesu Krista-o.

Rɔmnda 9:8

Kon co dimio ni maa o co cuavaa velun o falon nin-nda le a co cuavaa Hala-a le, kɛ cuavaa kpemaa co cuavaa nɔ diolan o polalen coo-a ni.

Tite 3:7

haliko mo siinguu naa vanaa sandaa o kɛndɛi ndɔɛi bɛngu, o kon mì n sɔla cinda fɛɛn-fɛɛndo, o naa n co tiindanndo-o.

Efɛsea 2:5

mó mingi naa yoomu naa Krista-a, naa n va nin a vílɛ́iya le tɛɛmbuula naalan-nda. Le kɛndɛi Hala-e niaa sɔla cindaa ni.

Rɔmnda 15:8

I co niaa ndi dimul, vana lo o lediom coo-o Hala co ni. Lelan Krista siŋnun vana baala Yuifia ni, le kpemala Hala yiilu fuɲaa ndaa mamaa lan peeloo.

Rɔmnda 5:1

Le tùú naa n sɔla dío le laalanndo-o, kɔlɲuloo co naa tɛɛn naa Hala-aa o kɛndɛi Maalii naa Yeesu Krista-e bɛngu ni.

Esai 51:2

La yiyan-ndɔ a Abraham fuɲa niaa o kɔɔ, la loonun-ndɔ a Sara velu niaa-o o kɔɔ, kani telen Abraham va ndu pilɛ-o ya veelu ndu ni. O kon kɔɔli, mí dɔaw ndu duaa, mí tosa mó kui.

2Piɛr 1:10

Lelan puapilɛa nia, la cɔɔlu yoomuan luei o veelu Hala veelu niaa-o a o hɛli o hɛli niaa-o nin, la va pɛ tosaa lende, la delnin lɔ́ɔ́-lɔ́ɔ̀ le.

Rɔmnda 4:11

Tooma Abraham dii-o, tɔɔmasele dɛnɛ sandaa o yɔŋnun le ndu ni. Ndóò dii-yɔ bɛɛ tooma kon te, mó sɔla dío le laalanndo. Lelan o co vɛlɛ fuɲaa vanaa laalannda kpow ni, hali a dii tooma le-a, haliko mi Hala cɛl nda maa vanaa sandaa.

Luke 19:9

O kon mí Yeesu dimul ndu aa: «Vanaa co o nɔm ndo cɛinin nanu-a sɔla hau cindaa. Kani nɔm bɛɛ, o polale Abraham-nden nin n fula ni.

Rɔmnda 3:22

Hala ke vanndacieea kpow dɛnɛ sandaa ndɔɔ le laalan nda laalan Yeesu Krista-o, hɛli co le.

Rɔmnda 3:30

kani Hala ndu pilɛ kpé co ni. O kenin vanaa dii toomaa-a dio le laalan ndaa, mò ke vɛlɛ vanaa dii tooma le-a dio le laalan ndaa.

Kalatea 3:14

Ken i tosan haliko mi vanaa co N'Yuifi le-a, kɛ má laalan Yeesu Krista-a sɔla duaa Abraham-ndo, o kon mí n sɔla Kɔl Hala dimi le vanaa ndɔa keo-vo.

Kalatea 3:16

Lende koni kpemala Hala yiilu Abraham a polale ndɔlen-ndan la co ni. I dimin te aa: «Le cuavaa ndɔa imamaa», vana ca ko aa le vanaa co sɛ́lɛ́-a ni, kɛ maa le vanndo ndu pilɛ kpé, aa: «Le polale nɔmnden, Krista pɛɛn!»